بالا ءتىلى
بىزگە كورشى ۇيدە امانگەلدى دەگەن بەس جاسار بالا بار ەدى. مايداندا قايتىس بولعان اكەسى قاريدان اۋماعان الا كوز، كەسەك، قارا بالا بولاتىن.
امانگەلدى ەكەۋمىز ءبىر كۇنى قالا سىرتىنداعى كولگە باردىق. بوي جازدىق. سۋعا تۇستىك. الىستا، ايدىننىڭ ورتاسىندا توپ ۇيرەكتەر ءجۇر. مەن تەرەڭگە قاراي ءبىراز ءجۇزىپ بارىپ ەدىم، جاعادا تايىز سۋدا ويناپ جۇرگەن بالا ماعان ايقاي سالدى.
— اعا، ماعان اناۋ ۇيرەكتى ۇستاپ بەرشى؟
— ۇيرەك ءقازىر ۇستاتپايدى. ەرتەڭ مىلتىق اكەلەمىز دە اتامىز، — دەدىم مەن وعان.
ۇيگە قايتىپ كەلە جاتقانىمىزدا بالا سول ۇيرەك جايىن اڭگىمەلەي بەردى.
— اعا، مىلتىقپەن اتىپ العان سوڭ ۇيرەكتى ماعان بەرەسىڭ بە؟
— ءيا، ساعان بەرەم.
— مەن سوسىن ۇيگە الىپ بارام با؟
— ءيا، ۇيگە الىپ باراسىڭ.
— مەن سوسىن كۇلاش اپاما اس دەيمىن بە؟
— ءيا، اس دەيسىڭ.
— مەن سوسىن جەيمىن بە؟
شىداي المادىم. بالانىڭ بال-بۇل ءتىلىن قىزىقتاپ كۇلىپ جىبەردىم.
You Might Also Like
-
الماتى وبلىسى جامبىل اۋدانى اقتەرەك اۋىلى 11-سىنىپ وقۋشىسى ەرجان قىزى نازەركە
-
ماقساتى: عالامدىق ماسەلەگە اينالعان نەمەسە اينالعالى وتىرعان تاقىرىپتاردى قوزعاۋ.
