جاڭا وقۋ جىلى مەكتەپ قابىرعاسىندا باستالادى دەپ ۇمىتتەنەمىز — اسحات ايماعامبەتوۆ
ءبىلىم سالاسىن سيفرلاندىرۋ، قاشىقتان وكىتۋدى جەتىلدىرۋگە قاتىستى پرەزيدەنت مىندەتتەگەن تاپسىرمالار ورىندالادى.
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ونلاين كونفەرەنسيادا ايتتى.
«كۇنى كەشە مەملەكەتتىك كوميسسيا وتىرىسى كەزىندە مەملەكەت باسشىسى قاسىم-جومارت توقايەۆ ءبىلىم جانە عىلىم سالاسىنا قاتىستى ماڭىزدى تاپسىرمالار بەرگەن بولاتىن. وسى تاپسىرمالار اياسىنداعى جۇمىستار باستالدى. وقۋ جىلى 25 مامىرعا دەيىن قاشىقتان وقۋ فورماتىندا بولادى. ءبىلىم باعدارلامالارىنىڭ مازمۇنىن وزگەرتۋ، سيفرلاندىرۋ ماسەلەسى، قاشىقتان وقىتۋ تەحنولوگياسىن جەتىلدىرۋ جانە تاعى دا باسقا بەرىلگەن تاپسىرمالار بويىنشا جۇمىستار جۇرگىزىلەتىن بولادى»، — دەيدى ق ر ءبىلىم جانە عىلىم ءمينيسترى اسحات ايماعامبەتوۆ.
مينيستر جاڭا وقۋ جىلى ءداستۇرلى تەحنولوگيا رەتىندە مەكتەپ قابىرعاسىندا باستالاتىنىنا ءۇمىت ءبىلدىردى.
«جاڭا وقۋ جىلى ءداستۇرلى تەحنولوگيا رەتىندە مەكتەپ قابىرعاسىندا باستالادى دەپ سەنەمىز. جاز ايلارىندا دا مينيسترلىك ءبىلىم باسقارمالارىمەن قوسا جۇمىستار جۇرگىزەتىن بولادى. قانداي جاعداي بولسا دا توتەپ بەرەتىندەي بارلىق جۇمىستاردى جۇرگىزۋىمىز قاجەت. مەكتەپتى بالالارىمىز دا ساعىندى، اتا-انالار دا سونى قالايدى. پەداگوگتار دە مەكتەپتە ساباق بەرۋدى اسىعا كۇتىپ ءجۇر. ءبىز، ارينە، سونداي جاقسىلىققا سەنىپ، دايىن بولۋىمىز كەرەك. كەلەسى وقۋ جىلىن ءداستۇرلى تۇردە باستاساق دەگەن جوسپار بار. دەگەنمەن وسىنداي جاعداي قايتالانبايتىن سياقتى بولماۋ كەرەك. ۆەب-تەحنولوگيا، سيفرلاندىرۋ، قاشىقتان وقۋ ماسەلەسىن قولعا الىپ، ءتيىستى دەڭگەيگە جەتكىزۋىمىز كەرەك»، — دەيدى ول.
You Might Also Like
-
11-سىنىپ تۇلەكتەرىنە اتتەستات 3-4 ماۋسىمدا تاپسىرىلادى.
-
ماۋسىم ايىنان باستاپ بارلىق جوو-لار قۇجاتتاردى ەلەكتروندى تۇردە قابىلداي باستايدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ونلاين كونفەرەنسيادا ايتتى.
