ۇزدىكسىز ءبىلىم بەرۋ تۇجىرىمداماسىن ازىرلەۋ ەرەكشە ماڭىزعا يە — اسحات ايماعامبەتوۆ
ۇزدىكسىز ءبىلىم بەرۋ تۇجىرىمداماسىن ازىرلەۋ قازىرگى ۋاقىتتا ەرەكشە ماڭىزعا يە. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
«ۇزدىكسىز ءبىلىم بەرۋ تۇجىرىمداماسىن ازىرلەۋ قازىرگى ۋاقىتتا ەرەكشە ماڭىزعا يە. وسى تۇرعىدا بەيرەسمي ءبىلىم بەرۋدىڭ ناتيجەلەرىن راستاۋ جۇيەسى دە قايتا قاراستىرىلادى. تاۋەلسىز سەرتيفيكاتتاۋ ورتالىقتارىنىڭ، ونىڭ ىشىندە ءوز بەتىنشە ماماندىق يەگەرلەرى ءۇشىن دە بىلىكتىلىك بەرۋ ودان ارى قاراي دامىتىلاتىن بولادى»، — دەدى مينيستر ۇكىمەت وتىرىسىندا.
سونىمەن قاتار ول ءبىلىم الۋشىلاردىڭ كاسىپكەرلىك داعدىلارىن دامىتۋ تاقىرىبىنا توقتالدى.
«بارلىق دەڭگەيدەگى ءبىلىم الۋشىلاردىڭ كاسىپكەرلىك داعدىلارىن دامىتۋ جونىندە جۇمىس ءبىلىم بەرۋدىڭ بۇكىل دەڭگەيلەرىندە جۇرگىزىلەدى. ەڭبەك نارىعىنىڭ سۇرانىستارىن ەسكەرە وتىرىپ، «اتامەكەن» پالاتاسىمەن بىرگە بۇل جۇمىستى ارى قاراي جالعاستىرىپ، جۇيەلى تۇردە ۇيىمداستىراتىن بولامىز»، — دەدى ا. ايماعامبەتوۆ.
ايتا كەتەيىك، مەملەكەت باسشىسى قاسىم-جومارت توقايەۆ ۇكىمەتكە ۇزدىكسىز ءبىلىم بەرۋ تۇجىرىمداماسىن ازىرلەۋدى تاپسىردى.
You Might Also Like
-
ق ر ءبىلىم جانە عىلىم ءمينيسترى اسحات ايماعامبەتوۆ بالاباقشامەن 100 پايىزعا قامتۋ قاي كەزەڭدە شەشىلەتىنىن ايتتى.
-
ون ءبىر جىلدىق بىلىمدەرىن ارقالاپ، مەكتەپ تۇلەكتەرى اتانۋعا تاياپ قالعان شاقتا بولاشاق تالاپكەرلەردىڭ شارق ۇرىپ ىزدەيتىنى ۇلكەن ومىرگە جەتەلەيتىن جوعارعى وقۋ ورنى، ال كۇندىز-تۇنى ويلايتىنى سول ءبىر ءۇش...
