وقىتۋدىڭ ءداستۇرلى فورماتىنا قايتارۋ قالاي ىسكە اسىرىلادى
ءبىلىم بەرۋ ونلاين پلاتفورمالارىنا قويىلاتىن ءبىرىڭعاي تالاپتار ازىرلەنەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
«ورتا ءبىلىم سالاسىنا توقتالساق، قاشىقتان وقىتۋ اياسىندا وتاندىق نارىققا سەگىزدەن استام ءبىلىم بەرۋ پلاتفورماسى شىعۋدا. ءبىرىق پلاتفورمالاردىڭ فۋنكسيونالى مەن مۇمكىندىكتەرى ءارتۇرلى. مينيسترلىك وقىتۋ پروسەسىن تولىققاندى ىسكە اسىرۋ ءۇشىن قاجەتتى فۋنكسيونالدى الۋعا مۇمكىندىك بەرەتىن ءبىلىم بەرۋ ونلاين پلاتفورمالارىنا قويىلاتىن ءبىرىڭعاي تالاپتاردى ازىرلەپ، بىرىزدەندىرىپ، ىسكە اسىراتىن بولادى»، — دەدى مينيستر ۇكىمەتتىڭ وتىرىسىندا.
سونىمەن قاتار ول وقىتۋدىڭ ءداستۇرلى كۇندىزگى فورماتىنا قايتارۋ قادامىنا توقتالدى.
«ءبىلىم بەرۋ ۇيىمدارىن وقىتۋدىڭ ءداستۇرلى كۇندىزگى فورماتىنا قايتارۋدىڭ ءتيىستى ءتارتىبى دەنساۋلىق ساقتاۋ مينيسترلىگىمەن بىرگە ازىرلەنەدى»، — دەدى ا. ايماعامبەتوۆ.
بۇدان بۇرىن حابارلانعانداي، جولداۋ كەزىندە پرەزيدەنت تولىققاندى وقۋ ۇدەرىسى ءۇشىن قاجەتتى بارلىق فۋنكسيالارى بار ءبىرىڭعاي ونلاين ءبىلىم بەرۋ پلاتفورماسىن شۇعىل ازىرلەۋدى تاپسىردى.
مۇنىمەن قوسا، مەملەكەت باسشىسى ءبىلىم الۋدىڭ قالىپتاسقان ءداستۇرلى تاسىلىنە قايتا كوشۋدىڭ ءتارتىبىن ازىرلەۋدى جۇكتەدى.
You Might Also Like
-
بۇگىن قازاقستاندا جانە الەمنىڭ ءبىرقاتار ەلىندە ءبىلىم كۇنى اتالىپ وتەدى. كوروناۆيرۋس ينفەكسياسىنا بايلانىستى بيىلعى وقۋ جىلىنا كوپ وزگەرىس ەنگىزىلدى.
-
مۇعالىمدەردىڭ جالاقىسىن 25 پايىزعا ارتتىرۋ بويىنشا ءتيىستى قاراجات بيۋدجەت جوباسىندا تولىعىمەن قاراستىرىلدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
