InfoHub Logo

 قوعام وزگەردى دەگەندى ءجيى ايتامىز. شىنىندا، ءقازىر ازاماتتاردىڭ ءبارى ساق، كۇمانشىل. بۇرىنعىداي بالاسىن كورشىسى تۇرماق، باۋىرلارىنا، تۋىستارىنا سەنىپ تاپسىراتىندار سيرەپ بارادى. ۇل-قىزىن كوزىنەن تاسا قالدىرمايتىن اتا-انالار «ەشكىممەن سويلەسپە، بوتەن ادامنىڭ قولىنان ەشتەڭە الما" دەگەندى كۇندە قايتالاۋدان شارشامايدى. سودان بولار، ءقازىر اۋلادا ەمىن-ەركىن ويناپ جۇرگەن بالالاردى كورمەيسىڭ. ويىن الاڭىنداعى بالالاردىڭ نازاردان تىس قالعانى جوق. وزگە شارۋانىڭ ءبارىن ىسىرىپ قويعان اتا-انا بالالاردىڭ سىرتىنان باقىلاۋدى مىندەت سانايدى.

ال، كۇمان مەن كۇدىكتىڭ ىقپالىندا وسكەن بالانىڭ پسيحولوگياسى قانداي بولماق؟ مۇنى ەسكەرىپ جاتقان ادامدى كورمەيسىڭ.
ارينە، بالانى ءار قادامىن ويلانىپ جاساۋعا، ساق قيمىلداۋعا ۇيرەتكەن دۇرىس، ءبىراق، مۇنىڭ زيانى دا جەتكىلىكتى. سەبەبى، بالانى اينالاسىنان الىس ۇستاۋ، سىرتقى ىقپالدان قورعاۋدىڭ سوڭى قوعامدا ەرتەڭىنە سەنبەيتىن، اينالاسىنداعىنىڭ ءبارىن جاۋ كورەتىن، جاڭا باستاما جاساۋعا يمەنەتىن قورقاق جاندار توبىرىن تۇزۋگە الىپ كەلەدى. ولاردىڭ سىرلاساتىن، ارقا سۇيەيتىن، كومەك كۇتەتىن دوسى بولمايدى، اتا-اناسىنان باسقا جاندارمەن سويلەسپەگەن سوڭ مۇنداي بالالاردىڭ ءوز تۇستاس- تارى، قوعامداعى جاعداي تۋرالى وزىندىك پىكىرى دە جوق. سوندىقتان، تاربيەلەۋدىڭ، قورعاۋدىڭ ءجونى وسى ەكەن دەپ، ءوز ورتاسىنان الشاقتاتۋعا بولمايدى. كەرىسىنشە، تاربيە اتا-انا مەن بالانىڭ ورتاق پىكىرىنە نەگىزدەلۋى ءتيىس. بولاشاعى زور، ءوز ارمانىن ىسكە اسىرا الاتىن تالاپشىل ۇرپاق ءوسىر- گىمىز كەلسە، ولاردى ءار نارسەدەن شەكتەپ، ورتامەن بايلانىسىن تەجەۋگە تىرىسپاۋ كەرەك. بالانى كولداۋ، يدەياسىن جۇزەگە اسىرۋدا تىلەكشى عانا ەمەس، كومەكشى دە بولا بىلگەن ءجون.

يسكاكوۆا ادەلينا الەنوۆنا قازحقجانەاتۋ ستۋدەنتى

---