بالالىق شاق - بالعىن شاق
بالالىقتىڭ بالعىن ءدامىن ساعىنبايتىن جان جوق-اۋ، ءسىرا! قامسىز، ۋايىمسىز، ەشبىر قوسپاسىز ساتتەردىڭ ۋاقىت قورجىنىندا قالىپ كەتكەنى قالايشا ساعىندىرماسىن؟
تەزىرەك ەسەيۋدى ارمانداعان بالا قالاۋى ەرەسەك ءومىردىڭ سان ءتۇرلى قات-قاتپارلاردان تۇراتىنىن بىلسەيشى... الا جازداي تاڭنىڭ اتىسى، كۇننىڭ باتىسىنا دەيىن، ىستىق كۇندە ۇيدەن ۇرلانىپ شىعىپ اسىر سالىپ ويناپ جۇرگەن بىزدەرگە بۇل وي قايدان كەلسىن. بالالىق رەنىشتىڭ ءوزى قانداي؟! رەنىش دەپ اتاۋعا كەلمەس. بۇگىن رەنجىسكەن دوسىڭمەن ەرتەڭ قول ۇستاسا ويناپ جۇرگەنىڭ. ارامدىقتىڭ، كەكشىلدىكتىڭ، زۇلىمدىقتىڭ نە ەكەنىن تۇسىنبەيتىن تازا كوڭىل-اي! اينالانىڭ ءبارى تەك جىلۋىن توگىپ، مەيىرىمىن تانىتاتىنداي ەدى. ال باقىتتى بولۋعا قالاعان ويىنشىعىڭ مەن ءتاتتىڭنىڭ ءوزى جەتىپ جاتىر.
بالالىق شاق دەسە مەكتەپ قابىرعاسىنداعى كەزىمىز بىردەن ەسىمىزگە تۇسەدى. قولىمىزعا الىپپە ۇستاپ العاش رەت مەكتەپ تابالدىرىعىن جاسقانا اتتاعان ءسات... سىنىپتاستاردىڭ ورنى ءبىر بولەك. ەركەلىك پەن بۇزىقتىق تانىتىپ، ءتىپتى ساباقتان دا بىرگە قاشىپ كەتۋشى ەدىك. قانشا جەردەن كەلىسپەي قالساق تا، رەنجىسسەك تە ءبىر ءۇيدىڭ بالاسىنداي ەدىك. سىنىپتاستار قۇددى ءبىر ەكىنشى وتباسىڭداي. سەنىڭ شىنىندا قانداي ەكەنىڭدى بىلەتىن، سەنى شىن تانيتىن ادامدار دا وسى سىنىپتاستار.
قانشا ەسەيدىك دەگەنمەن بويدا ءبىر بالا كوڭىل قالادى. كەيدە تەز وكپەلەپ، بۇرتيىپ، قىڭىرلىق پەن ەركەلىك تانىتىپ، ءوزىمىزدى بالاداي سەزىنىپ كەتەمىز.
ماڭگى بالا بولىپ قالمايتىنىمىزدى بىلسە تە، ىشتە جاتقان بالالىقتى ءسوندىرىپ تاستاي المايمىز...
مىرزاحان اجار
قازاقستان تاريحى كافەدراسىنىڭ دوسەنتى دجولدىبايەۆا ۋ. م.
You Might Also Like
-
عابيت مۇسىرەپوۆ اتىنداعى قازاق مەملەكەتتىك اكادەميالىق بالالار جانە جاسوسپىرىمدەر تەاترىمەن بىرلەسە وتىرىپ، ءال-فارابي اتىنداعى قازاق ۇلتتىق ۋنيۆەرسيتەتىندە ءساۋىر ايى «تەاتر ايى» بولىپ ج...
-
ءبىلىم جانە عىلىم مينيسترلىگى كاسىپورىنداردىڭ سۇرانىسى بويىنشا كادرلاردى ماقساتتى وقىتۋدى ەنگىزىپ جاتىر.
