اسحات ايماعامبەتوۆ ءتىل ءبىلۋ داعدىلارىن ولشەيتىن رەيتينگتەر تۋرالى ايتتى
ءبىلىم جانە عىلىم ءمينيسترى اسحات ايماعامبەتوۆ حالىقتىڭ تىلدىك داعدىلارىن ولشەيتىن حالىقارالىق رەيتينگتەر تۋرالى تەلەگرام كانالىندا جازدى.
«جاقىندا مەن حالىقتىڭ تىلدىك داعدىلارىن ولشەيتىن حالىقارالىق رەيتينگتەر تۋرالى جازىپ ەدىم. بۇل جازبانىڭ ءمان-ماعىناسى قازاقستاننىڭ ورنىن كورسەتۋ نەمەسە مىندەتتى تۇردە ەلدىڭ جەتىستىكتەرىنە نازار اۋدارۋ ەمەس ەدى. دەگەنمەن وسى جازبانىڭ استىنداعى پىكىرلەر وقىرماننىڭ كوپشىلىگى باسقاشا تۇسىنگەنىن، كوبىنەسە قازاقستاننىڭ IELTS ناتيجەلەرى تۋرالى اقپاراتتى عانا وقىعانىن كورسەتتى. ءبىراق مەن حالىقتىڭ تىلدىك داعدىلارىن باعالايتىن بىرنەشە رەيتينگتىڭ ديامەترالدى قاراما-قارسى ناتيجەلەرىن ارنايى كورسەتۋگە تىرىستىم. ماقسات وسى رەيتينگتەردىڭ ادىستەمەسىن ءتۇسىندىرۋ بولدى. ولاردىڭ قانداي كريتەرييلەر نەگىزىندە قالىپتاساتىنىن، اربىرىندە اۆتورلىق ادىستەمە بار ەكەنىن جانە كەيدە ولاردىڭ اتاۋلارىن نەمەسە قورىتىندىلارىن وقىعاندا بۇل رەيتينگتەردىڭ ءبىزدىڭ تۇسىنگەنىمىزدەن الدەقايدا باسقاشا بولاتىنىن كورسەتۋ ماڭىزدى بولدى. سول سەبەپتى ادىستەمەنى ءتۇسىنۋ جانە كورۋ ماڭىزدى ەكەنىن تاعى دا ەسكە سالعىم كەلەدى»، - دەدى ءبىلىم ءمينيسترى.
سونىمەن قاتار اسحات ايماعامبەتوۆ ءبىلىم سالاسىنداعى ءارتۇرلى رەيتينگتەر جانە زەرتتەۋلەر جايىندا اقپاراتتارمەن ءبولىسۋدى جالعاستىراتىنىن جانە رەيتينگ قانشالىقتى رەپرەزەنتاتيۆتى جانە ناقتى ەكەنىن ءار وقىرمان ءوزى شەشۋى ءتيىس ەكەنىن جەتكىزدى.
You Might Also Like
-
ءادىس دەگەنىمىز – ءمۇعالىمنىڭ بەلگىلى ءبىر ماقساتقا جەتۋدەگى ءىس - ارەكەتى، ال تەحنولوگيا –كوپتەگەن ادىستەردىڭ جيىنتىعى. جاڭا تەحنولوگيانىڭ باستى ماقساتى — وزدىگىنەن دامۋعا ۇمتىلاتىن ...
-
بۇلاردىڭ تورتەۋى دە كومسومول مۇشەلەرى، تورتەۋى دە جۇمىسشى قىزدارى، تورتەۋى دە وقۋشىلار. تورتەۋى دە ءتورت تامشى سۋداي بىر-بىرىنە ۇقساس. اسىرەسە، ولاردى بىر-بىرىنە ۇقساس ەتەتىن نارسە-باقىتتى، قۋانىشتى...
