ەندى كاسىپورىن وزىنە قاجەت ماماندى كوللەدجدەردە وقىتا الادى
ءبىلىم جانە عىلىم مينيسترلىگى كاسىپورىنداردىڭ سۇرانىسى بويىنشا كادرلاردى ماقساتتى وقىتۋدى ەنگىزىپ جاتىر.
ۆەدومستۆونىڭ باسپا ءسوز قىزمەتىنىڭ حابارلاۋىنشا، مۇنداي مەملەكەتتىك تاپسىرىستىڭ ارتىقشىلىعى بار. ياعني ستۋدەنت كوللەدجدى بىتىرگەننەن كەيىن تاپسىرىس بەرۋشىنىڭ كاسىپورنىنا جۇمىسقا ورنالاسادى. بيىل كاسىپورىنداردىڭ ماقساتتى تاپسىرىسى بويىنشا 10 مىڭنان استام تالاپكەردى قامتۋ جوسپارلانىپ وتىر.
«مۇنداي ىنتىماقتاستىق ءبىلىم بەرۋ باعدارلامالارىن جاڭارتۋعا جانە ەڭبەك نارىعىنىڭ سۇرانىسىنا ساي كادرلاردى دايارلاۋعا مۇمكىندىك بەرەدى. ب ەلگىلى ءبىر ماماندارعا ءوتىنىم بەرۋ ارقىلى كاسىپورىن ءوز وندىرىسىنە ساي دايىندالعان كادرلاردى جۇمىسقا الادى. كاسىپورىن كوللەدج-ستۋدەنت-كاسىپورىن ءۇشجاقتى كەلىسىمشارتىنا وتىرعاننان كەيىن وقۋىن اياقتاعان ستۋدەنتتى جۇمىسقا ورنالاستىرۋعا مىندەتتى بولاتىنىن ايتا كەتەيىن»، - دەپ اتاپ ءوتتى مينيپسترلىكتىڭ تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا.
ايتا كەتەيىك، مۇنداي ىنتىماقتاستىق تەك ستۋدەنتتەر ءۇشىن عانا ەمەس، مۇعالىمدەر ءۇشىن دە ءتيىمدى. ويتكەنى كەلىسىمشارت جاسالعاننان كەيىن پەداگوگتەر سەرىكتەس كاسىپورىن بازاسىندا تاعىلىمدامادان وتە الادى. وقۋ ناتيجەسى بويىنشا كاسىپورىن ستۋدەنتتەردەن قورىتىندى ەمتيحان قابىلدايدى.
سونىمەن قاتار ەرەكشە ءبىلىم بەرۋدى قاجەت ەتەتىن بالالار ءۇشىن دە نىسانالى تاپسىرىس بەرىلەدى. ولارعا ماماندىقتار ءتىزىمى ءبولىنىپ، تۇلەكتەردىڭ وقۋ مۇمكىندىكتەرىنە سايكەس جەكە، بەيىمدەۋ باعدارلامالارى ازىرلەنەدى.
You Might Also Like
-
بالالىقتىڭ بالعىن ءدامىن ساعىنبايتىن جان جوق-اۋ، ءسىرا! قامسىز، ۋايىمسىز، ەشبىر قوسپاسىز ساتتەردىڭ ۋاقىت قورجىنىندا قالىپ كەتكەنى قالايشا ساعىندىرماسىن؟
-
1919 جىل. قالالاردا وتىن، تاس كومىر، مۇناي جوق، سۋىقتا توقتاپ جۇمىسسىز زاۆود، فابريكالار تۇرادى. جيھانگەر سوعىسىندا تالانعان ەل. باتىستان پولياكتار سوعىس جاريالاماي-اق كەڭەس جەرىن باسىپ الىپ جاتادى....
