InfoHub Logo

تاقىرىبى: بالانى تاربيەلەۋدەگى اتا - انا ءرولى
ماقساتى: ەلىنىڭ ەرتەڭى بولار، ءبىلىمدى دە سانالى ۇرپاقتى تاربيەلەۋ.

تاۋەلسىزدىكتىڭ التىن ءتاجىن كيىپ، ءتىلىمىز مەملەكەتتىك مارتەبە العالى حالقىمىز ەڭسەسىن كوتەرە باستادى، ال ەڭسەسىن كوتەرگەن ەلگە الدىمەن ساپالى وقۋ - ءبىلىم كەرەك.
بولاشاق تىزگىنىن ۇستار، ەلىنىڭ ەرتەڭى بولار، حالقىنىڭ ءۇمىتىن اقتاي بىلەتىن دەنى ساۋ، ءبىلىمدى دە سانالى جاس ۇرپاقتى ءوسىرۋ تالابىنان تۋىنداپ وتىر. وسى ۇلى ماقساتتارعا جەتۋ جولىندا كيەلى دە قاسيەتتى ەكى تۇسىنىك بار.
ءبىرى، بالانىڭ باستاپقى تاربيە مەكتەبى التىن بەسىك - وتباسى بولسا، ەكىنشىسى، التىن ۇيا مەكتەپ. بۇل ەكى ورتانىڭ دا ماقساتى – مۇددەسى ورتاق. وتباسى، اتا - انا ادامدى دۇنيەگە اكەلىپ، قالىپتاستىرىپ، دامىتىپ جەتىلدىرسە، ادام بويىنداعى بار يگى قاسيەت مەكتەپ قابىرعاسىندا قالانادى. بۇل كيەلى جەردە قىزمەت ەتەتىن ءمۇعالىم مەن اتا - اناعا جاۋاپكەرشىلىكتىڭ ۇلكەن جۇگى ارتىلعان.

ۇلى اباي اتامىز «ادامنىڭ ادامشىلىعى - اقىل، عىلىم، جاقسى اتا، جاقسى انا، جاقسى قۇربى، جاقسى ۇستازدان بولادى» دەپ كورەگەندىكپەن وي تۇيگەن. بالا ومىرىنە قاجەتتى ءتالىم - تاربيەنىڭ ىرگەتاسى اتا - انا ارقىلى وتباسىندا قالانادى. دانا حالقىمىز «ۇيادا نە كورسەڭ، ۇشقاندا سوڭى ىلەرسىڭ» دەمەكشى، اتا - انانىڭ ءاربىر ءىس - ارەكەتى بالاعا ۇلكەن ساباق. بالا – اتا انانىڭ ادامگەرشىلىك ءومىرىنىڭ ايناسى. اتا - انانىڭ كيىم كيۋ، سويلەۋ مادەنيەتىنىڭ جوعارى بولۋى، وزگەگە دەگەن ءىلتيپاتى، ءۇي ىشىندەگى تازالىق پەن ءتارتىپ، سىپاي مىنەز، مەيىرىمدىلىك، توزىمدىلىك، بالاعا دەگەن سۇيىسپەنشىلىك تاربيە بارىسىندا وڭ ناتيجەسىن بەرەرى انىق.
تاربيەنىڭ ەڭ العاشقى باستاماسىن بالا جانۇيادا الادى. جانۇيا - ءار بالا ءۇشىن التىن بەسىك.

جاستا بەرگەن تاربيە جاس شىبىقتى يگەندەي
↓
بالا، وتباسى، مەكتەپ
تالاپ، نامىس، ارمان

بالا نەنى بىلسە جاستان، ۇيادان
ولە - ولگەنشە سونى تانىر قيادان
«ونەگە كۇشى ولشەۋسىز» دەگەن. وتباسىندا ادەمى تانىم، تۇسىنىك قالاي قالىپتاسسا، ادامنىڭ بويىندا قالاتىن سول قاسيەت. وتباسى بالانىڭ ازامات بولىپ ءوسۋىنىڭ نەگىزى بولىپ تابىلادى. قازىرگى وتباسىنىڭ باستى قىزمەتى مەن مىندەتىنە توقتالايىن:

باستى قىزمەتى:
♦ تاربيەلىك
♦ رۋحاني ادامگەرشىلىك
♦ تانىمدىق - بىلىمدىلىك
♦ تۇرمىستىق
♦ ەڭبەك
♦ تۇلعانىڭ وزىندىك تاجىريبەسىنە ىنتالاندىرۋ
♦ قورعاۋ

باستى مىندەتى:
♦ بالا دەنساۋلىعىنا قامقورلىق جاساۋ
♦ وقۋىنا كومەك كورسەتۋ
♦ ماماندىق الۋىنا كومەكتەسۋ
♦ تۇلعانىڭ الەۋمەتتەنۋىنە كومەكتەسۋ
♦ ىزگى ەموسيونالدى - ادامگەرشىلىك قاتىناس تاجىريبەسىن قالىپتاستىرۋ
♦ قىزىعۋشىلىعى، قابىلەتتى، بەيىمدىلىگى مەن شىعارماشىلىعىن قالىپتاستىرۋ
دەمەك بالالارعا ۇلگى كورسەتە وتىرىپ، وقىتىپ، تاربيەلەۋىمىز كەرەك. ەگەر ەرتەڭگى بولاشاعىمىز جارقىن بولسىن دەسەك «جاستا بەرگەن تاربيە، جاس شىبىقتى يگەندەي» دەگەن اتا تاربيەسى «بالاعا ءۇمىت ارتۋ - اكەنىڭ پارىزى، اقتاۋ بالانىڭ قارىزى» دەگەن ماقال وسىعان بايلانىستى تۋعان. ءاربىر اتا - انا بالانىڭ اسىل ازامات بولىپ وسكەنىن قالايدى، بۇل ءۇشىن قولىنان كەلگەننىڭ ءبارىن ىستەيدى.
بالا تاربيەسىندە مىنا تۇجىرىمدى ۇستانساق ءىسىمىز ءوز ناتيجەسىن بەرە الادى.
● بالا مەكتەپ ءۇشىن، مەكتەپ بالا ءۇشىن جۇمىس ىستەيدى
● باعا قۇندى ەمەس، بالا قۇندى
● ۇستاز قىزمەتىنىڭ ماقساتى ءوز ءپانىن جاقسى ۇيرەتۋدەن گورى، تەرەڭىرەكتە، ول - ادامدى قالىپتاستىرۋشى ادام
● بالا تاعدىرىنا ويلانىپ قارا، ساباققا كەلمەسە سەبەبىن ءبىل، تەنتەك بولسا، سەبەبىنە ءۇڭىل
● بالاڭىزدىڭ ىقىلاسىن ويات، قولىنان ءىس كەلەتىنىنە سەندىر
بالالار ەل بولاشاعى، سوندىقتان دا بالانىڭ كىشكەنە كەزىنەن پاتريوتتىق سەزىمىن تۋدىرىپ ءاردايىم بالامەن اقىلداسىپ، وزىنە ەرىك بەرىپ وتىرعان ءجون. سوندا بالا وزىنە سەنىمدى، تاپقىر ازامات بولىپ وسەدى.