InfoHub Logo

جامبىل وبلىسى، مەركى اۋدانى
№17 ي.ي.ترۋبيسىن اتىنداعى ورتا مەكتەپ-گيمنازيانىڭ
6 "ب" سىنىپ وقۋشىسى: ەربول اجار
جەتەكشىسى: نامىسوۆا ماحاببات اسقار قىزى

 

مەنىڭ ءاتى-جونىم - ەربول اجار. مەن جامبىل وبلىسى، مەركى اۋداىنداعى № 17 ترۋبيسىن اتىنداعى ورتا مەكتەپ-گيمنازياسىنىڭ 6 "ب"- سىنىپ وقۋشىسىمىن. مەن وقۋ وزاتىمىن جانە قوعامدىق ءىس-شارالاردىڭ بەلسەندىلەرىنىڭ ءبىرىمىن. ءوزىم بي بيلەپ، ءان ايتىپ، دومبىرا تارتقاندى ۇناتامىن. ورىس تىلىندە وقىتىلاتىن سىنىپتا ءبىلىم الىپ جۇرسەم دە، ءوزىمنىڭ انا ءتىلىمدى وتە جاقسى مەڭگەرىپ، تۋعان تىلىمدە تازا ءارى ساۋاتتى سويلەۋگە تىرىسامىن. سەبەبى، مەنىڭ ارماندارىم كوپ. كەلەشەكتە تازا ءبىلىمىم مەن ساۋاتتىلىعىمنىڭ ارقاسىندا بارلىق ارماندارىمدى جۇزەگە اسىرعىم كەلەدى. جاقىندا مەنىڭ كىشكەنتاي ارماندارىمنىڭ ءبىرى ورىندالدى. مەن بۋرابايدا ورنالاسقان رەسپۋبليكالىق بالالاردى ساۋىقتىرۋعا ارنالعان "بالداۋرەن" لاگەرىندە دەمالىپ قايتتىم. سول جيىرما كۇنگە سوزىلعان قىزىقتى دەمالىسىمنان العان اسەرىممەن بولىسكىم كەلەدى.

مەن ءتورتىنشى اۋىسىمنىڭ "جاقسىلىق ايى - ءاز ناۋرىز" اتتى ماۋسىمنىڭ 4- توبىندا بولدىم. ءبىزدىڭ تاربيەشى - ۇستازدارىمىز دينارا اپايىمىز بەن يگەمبەردى اعايىمىز ەدى. ءبىزدىڭ توبىمىزدى ۇنەمى العا جەتەلەپ، جەڭىستەرگە ۇمتىلدىرىپ، ۋاقىتىمىزدى كوڭىلدى ءارى ۇمىتىلماساي ەتىپ ۇيىمداستىرعاندارى ءۇشىن بۇل اسىل جاندارعا العىسىم شەكسىز. "ءبىز - سۇلۋمىز، بالدايمىز، بالداۋرەندى تاڭدايمىز!"-دەپ ۇرانداپ ءجۇرىپ ءبىز "وليمپيا"، "ءاز ناۋرىز"، "بي موروفونى"، "سپورت-ينتەللەكت" ،ت.ب. قىزىقتى شارالارعا قاتىسىپ، ءبىلىمىمىزدى ۇشتاپ، بىلەتىنىمىزدى كورسەتە الدىق.

بالداۋرەن مەنى ايىرىلماس دوستارمەن تابىستىردى. ولاردىڭ قاتارىندا ۆيكا، اديا، ەلنۋرا جانە اسەماي اتتى قىزدار بار. تاماشا دوستارىممەن ءالى دە تاتۋلىقتا، سىيلاستىقتا حات جازىسىپ، حابار الىسىپ تۇرامىز. بالداۋرەن - ءاربىر بالداۋرەندىك بالانىڭ جۇرەگىندە ماڭگىلىك ساقتالىپ قالاتىن اسىل ارمانى، عاجايىپ ەرتەگىسى دەپ بىلەمىن.

---