پاۆلودار وبلىسىندا 43 مەكتەپ تۇلەگى ۇبت-دان بوساتىلادى
پاۆلودار وبلىسىندا 2015-2016 وقۋ جىلى 43 مەكتەپ ءبىتىرۋشى ۇلتتىق ءبىرىڭعاي تەستىلەۋدەن بوساتىلادى. بۇل تۋرالى بۇگىن وبلىس اكىمدىگىندە وتكەن كەڭەيتىلگەن وتىرىستا ءبىلىم بەرۋ باسقارماسىنىڭ باسشىسى باقىت بەكسەيىتوۆا ءمالىم ەتتى.
"2016 جىلى ق ر «ءبىلىم تۋرالى» زاڭىنىڭ مەكتەپ بىتىرۋشىلەرىن ۇبت-عا قاتىسۋدان بوساتۋ بولىگىنە وزگەرىستەر ەنگىزىلدى. اتالمىش زاڭعا سايكەس ۇبت-عا قاتىسۋدان سوڭعى ءۇش جىلدا جالپى ءبىلىم بەرەتىن پاندەر بويىنشا حالىقارالىق وليمپيادا جانە كونكۋرستاردىڭ جەڭىمپازدارى عانا بوساتىلادى. بيىلعى جىلى پاۆلودار وبلىسىندا مۇنداي وقۋشىلاردىڭ سانى - 43. سونىمەن قاتار، وقۋ جىلىنىڭ اياعىنا دەيىن تاعى دا توعىز مەكتەپ ءبىتىرۋشىسى ماسكەۋ قالاسىندا حالىقارالىق كونكۋرستارعا قاتىسۋدى جوسپارلاپ وتىر"، - دەدى ب.بەكسەيىتوۆا.
ۆەدومستۆو باسشىسىنىڭ ايتۋىنشا، جوعارىدا اتالعان بولاشاق تۇلەكتەردىڭ ىشىندە № 3 گيمنازيادا ءتورت وقۋشى، دارىندى ەر بالالارعا ارنالعان وبلىستىق قازاق-تۇرىك ليسەيىندە 14 وقۋشى، "زەردە" مەكتەبىندە ءبىر وقۋشى، № 1 مەكتەپ ليسەيىندە ەكى وقۋشى، وبلىستىق كوپ سالالى ليسەي ينتەرناتىندا ەكى وقۋشى، «جاس دارىن» مەكتەبىندە سەگىز وقۋشى، № 10 مەكتەپ ليسەيدە ەكى وقۋشى، پاۆلودار قالاسىنىڭ № № 9،19،25 مەكتەپتەرىندە ءۇش وقۋشى جانە ەكىباستۇز قالاسىنىڭ №№ 22، 26 مەكتەپ گيمنازياسىندا بەس وقۋشى سىناققا قاتىسپايدى، دەپ حابارلايدى pavlodarnews.kz
You Might Also Like
-
جامبىل وبلىسى، مەركى اۋدانى №17 ي.ي.ترۋبيسىن اتىنداعى ورتا مەكتەپ-گيمنازيانىڭ 6 "ب" سىنىپ وقۋشىسى: ەربول اجار جەتەكشىسى: نامىسوۆا ماحاببات اسقار قىزى
-
ەمتيحانعا دايىندايتىن اقىلى كۋرستا بۇدان وزگە ءتورت جىگىت وقىعان ەدى. بۇل جىگىتتەردىڭ تورتەۋىنىڭ دە جاسى - بۇدان ەرەسەك. وسى جىگىتتەردىڭ ىشىندە ارالدىڭ جىگىتى مۇنى وزىنە جاقىن تارتادى. ويتكەنى ارالد...
