InfoHub Logo

ساباقتىڭ تاقىرىبى: باستاۋىشتان كەيىن قويىلاتىن سىزىقشا
ماقساتى:
- بىلىمدىلىك: وقۋشىلاردى تۇرلاۋلى مۇشەلەردى اجىراتۋعا ۇيرەتۋ، سىزىقشانىڭ باستاۋىشتان كەيىن قويىلاتىن جاعدايلارى تۋرالى ءتۇسىندىرۋ. سويلەم مۇشەلەرى تۋرالى بىلىمدەرىن كەڭەيتە ءتۇسۋ، باستاۋىش پەن بايانداۋىشتىڭ قاي ءسوز تابىنان جاسالىنعانىن انىقتاۋدى ۇيرەتۋ؛
- دامىتۋشىلىق: وقۋشىلاردىڭ وي - ءورىسىن، تانىمدىق، ەستە ساقتاۋ قابىلەتتەرىن، سويلەۋ مادەنيەتىن، ءتىل بايلىعىن دامىتۋ، كوركەم جازۋ داعدىسىن جەتىلدىرۋ؛
- تاربيەلىك: وقۋشىلاردى ۇيىمشىلدىققا، تازا، ساۋاتتى جازۋعا، ادامگەرشىلىككە، تاپقىرلىققا تاربيەلەۋ.
ساباقتىڭ ءتۇرى: سايىس ساباق
ءادىسى: ءتۇسىندىرۋ، سۇراق - جاۋاپ، تالداۋ، بايانداۋ.
كورنەكىلىكتەرى: سىزبالار، كەستەلەر، ۇلەستىرمەلى ديداكتيكالىق ماتەريالدار، سلايد، باعالاۋ پاراقشالارى.

ساباقتىڭ بارىسى:
ءى. ۇيىمداستىرۋ كەزەڭى:
ا) سىنىپ وقۋشىلارىمەن سالەمدەسۋ
ءا) وقۋشىلاردى تۇگەلدەۋ
ب) ساباققا نازارىن اۋدارتۋ
ۆ) سىنىپتى 4 توپقا ءبولۋ
ءى توپ: فونەتيكا
ءىى توپ: لەكسيكا
ءىىى توپ: مورفولوگيا
ءىۇ توپ: سينتاكسيس

ءىى. وتكەندى ەسكە ءتۇسىرۋ. «بايگە» ويىنى.
“فونەتيكا” توبىنىڭ سۇراقتارى:
1. ەسىمدىك قانداي ءسوز تابى؟
2. سان ەسىمنىڭ ماعىنالىق تۇرلەرى قانشا؟
3. “پۋنكتۋاسيا” ءسوزىنىڭ ەتيمولوگياسى.
4. بايلانىسۋدىڭ قانشا ءتاسىلى بار؟
5. باستاۋىش پەن بايانداۋىشتىڭ سۇراقتارى.

“لەكسيكا” توبىنىڭ سۇراقتارى:
1. شىلاۋ قانداي ءسوز تابى؟
2. سىن ەسىمنىڭ ماعىنالىق تۇرلەرى قانشا؟
3. فونەتيكا عىلىمىنىڭ زەرتتەۋ وبەكتىسى.
4. بايلانىسۋدىڭ قانشا ءتۇرى بار؟
5. پىسىقتاۋىشتىڭ سۇراقتارى.

“مورفولوگيا” توبىنىڭ سۇراقتارى:
1. وقشاۋ سوزدەردى اتا.
2. ەسىمدىكتىڭ قانشا ءتۇرى بار؟
3. كوپ نۇكتە قانداي جاعدايلاردا قويىلادى؟
4. سويلەمنىڭ ايتىلۋ ماقساتىنا قاراي تۇرلەرىن اتا.
5. تولىقتاۋىشتىڭ سۇراقتارىن اتا.

“سينتاكسيس” توبىنىڭ سۇراقتارى:
1. سۇراۋلى سويلەمنىڭ جاسالۋىنا قاراي تۇرلەرىن اتا.
2. ەتىستىكتىڭ شاقتارىن قانداي جۇرناقتار جاسايدى؟
3. نۇكتەنىڭ قويىلاتىن ورىندارىن اتا.
4. ءتول ءسوز بەن اۆتور سوزىنە بايلانىستى قانداي تىنىس بەلگىلەرى قويىلادى؟
5. انىقتاۋىشتىڭ سۇراقتارى قانداي؟

ءىىى. «قىزىقتى ءسوزجۇمباق»
ءالىپبي رەتى بويىنشا ورنالاستىرىپ، جاڭا ساباقتىڭ تاقىرىبىن تابادى.
24، 37، 11، 37، 15، 34، 1 - (سىزىقشا)

ءىۇ. ەرەجە قورىتۋ.
ءار توپقا ادەبي شىعارمادان ءۇزىندى بەرىلەدى. وقۋشىلار قاي ادەبي شىعارمادان الىنعان ءۇزىندى ەكەنىن جانە شىعارمانىڭ اۆتورىن تابۋى ءتيىس. وقۋشىلار توپتا ەرەجەلەرىن قورىتىپ شىعارادى. باستاۋىش پەن بايانداۋىش قاي ءسوز تابىنان ەكەنىن اجىراتىپ ايتۋى ءتيىس.
1. اشۋ – دۇشپان، اقىل – دوس، اقىلىڭا اقىل قوس. (قازىبەك بي، شەشەندىك ءسوز)
2. - اۋەلەپ ۇشقان التى قاز،
ەتىڭ – شەكەر، سورپاڭ – باز!
اتايىن دەسەم وعىم از
قونار بولساڭ جانۋار،
مىنە – مايدان، مىنە – ساز. («قىز جىبەك»، ليرو - ەپوستىق جىر، اۋىز ادەبيەتى)
3. جاي جۇرگەندە، ونى ەشكىم دە ەلەمەيدى. ءان سالسا، ول ءوزىن - ءوزى ۇمىتادى، ءاننىڭ اۋەنىنە توڭكەرىلەدى. ول – ءتاتتى ۇنگە بولا جارالعان ادام. («ءانشى»، ج. ايماۋىتوۆ)
4. ارانىڭ اۋا سۋسىلداتقان ىزىڭى تىيىلىپ، ەندى شاڭق - شاڭق ەتكەن تاجال داۋىس شىعا باستادى. تاسقا تيگەندەي تايىپ كەتكەن بالتا بىردە قاباساقالدىڭ توبىعىنا قادالا جازدادى. ونىڭ بار ويى – شىناردى تۇبىنەن شالۋ. («ءجۇز جىلدىق جارا»، ش. مۇرتازا)
5. اياننىڭ اسىعا كۇتەتىن شاعى – كۇن ۇياسىنا قونعان شاق. كۇن ۇياسىنا قوندى دەگەنشە - اق ءجۇزى جادىراپ: «كەلىڭدەر، مەن بۇگىن كەشەگىدەن دە قىزىق ەرتەگى ايتىپ بەرەمىن»، - دەپ ەلىكتىرە جونەلەدى. («جۋسان ءيىسى»، س. مۇراتبەكوۆ)

ءۇ. جاڭا ساباقتى بەكىتۋ.
198 - جاتتىعۋ.
1. ءماتىندى وقىپ شىعۋ.
2. جاتتىعۋ ماتىندەرى 4 بولىككە ءبولىنىپ بەرىلەدى
3. سىزىقشالى سويلەمدەر كوشىرىپ جازىلادى
4. سىزىقشانىڭ قويىلۋ سەبەبى تۇسىندىرىلەدى
5. «ابايدى بىلەمىن بە؟» وي تولعاۋ
6. ماتىننەن تىرەك سوزدەردى تاۋىپ، سينونيمدىك قاتارىن ءتۇزۋ.

ا) ناقىل سوزدەر: «كەمەڭگەرلىكتى تانۋدىڭ ءۇش جولى بار. ءبىرىنشى جولى – ويعا سالىپ پايىمداۋ. بۇل – نەگىزگى جول... ال ءۇشىنشىسى – تاجىريبە جولى. بۇل – ەڭ قيىنى.» (كونفۋسيي)
«اقىل ءىسى – اڭداۋ، قيال يەسى – مەڭزەۋ، كوڭىل ءىسى – ءتۇيۋ، تولعاۋ» (ا. بايتۇرسىنوۆ)