بايلىق پەن كەدەيلىك تۋرالى ءتامسىل
بىردە اۋقاتتى وتباسىنىڭ وتاعاسى كىشكەنتاي ۇلىن اۋىلعا، مالشىلاردىڭ ورتاسىنا الا بارىپتى. ادامداردىڭ تۇرمىسىنىڭ قانشالىقتى كەدەي ەكەندىگىن ءوز كوزىمەن كورسىن دەگەن ويى بولعان. ولار وتە كەدەي تۇراتىن وتباسىندا ءبىر كۇن جانە ءبىر ءتۇن بولىپتى. ۇيىنە ورالعاسىن اكە بالاسىنا مىناداي سۇراق قويىپتى:
— قالاي، ساعان ساپارىمىز ۇنادى ما؟
— اكە، بۇل ءبىر عاجاپ بولدى!
— ادامداردىڭ قانشالىقتى كەدەي بولاتىنىن ءوز كوزىڭمەن كوردىڭ بە؟ — دەپ سۇراپتى اكەسى.
— ءيا، كوردىم.
— ال وسىعان قاراپ نە ۇقتىڭ؟
ۇلىنىڭ جاۋابى:
— ءبىزدىڭ ۇيدە ءبىر ءيتىمىز بولسا، ولاردىڭ ءتورت توبەتى بار ەكەن. باقتىڭ ورتاسىندا ءبىزدىڭ حاۋىزىمىز بولسا، ولاردىڭ ول شەتى مەن بۇل شەتىنە كوز جەتپەيتىن شەكسىز، شەتسىز تەڭىز ايلاعى بار ەكەن. باقشامىزدا شام جاعامىز، ال ولار جارىقتى جۇلدىزداردان الادى. ءبىزدىڭ اۋلانىڭ سىرتىندا پاتيو بار، ال ولاردا — كەرىلگەن كوكجيەك.
ۇلىنىڭ جاۋابىن ەستىگەن اكەنىڭ ءتىلى بايلانىپ قالىپتى. ال ۇلى ءسوزىن بىلاي جالعاپتى:
— اكە، كوپ راحمەت، سەن ماعان ءبىزدىڭ قانشالىقتى كەدەي ەكەندىگىمىزدى كورسەتتىڭ.
ءبارى دە مىنا جارىق دۇنيەگە قانداي قىرىنان قاراۋىڭا بايلانىستى بولىپ وتىر عوي. شىنايى سۇيىسپەنشىلىگى، دوستارى، وتباسى، دەنساۋلىعى، جاقسى كوڭىل كۇيى مەن ومىرگە قۇشتارلىعى بار ادامدا ءبارى دە بولادى!
الايدا جوعارىدا كورسەتىلگەننىڭ ەشقايسىسىن دا اقشاعا ساتىپ الا المايسىڭ. ويىڭا كەلگەن ماتەريالدىق يگىلىكتەردىڭ كەز كەلگەنىن ساتىپ الۋعا بولادى، ءتىپتى كەلەشەككە قور جاساۋ مۇمكىندىگى دە بار. ءبىراق كوڭىلىڭ توق بولماسا، جان-دۇنيەڭ قاڭىراعان بوس بولسا، بۇنىڭ ءبارى بەكەر، قۇر اۋرەشىلىك، ءوزىڭ دە قۋىس دوڭبەكسىڭ! سەنەن نە ءۇمىت، نە قايىر؟!
You Might Also Like
-
ناۋرىز كەلىپ قار كەتتى، اق قار، كوك مۇز جۇتاتقان شارۋا ەلىنەن زار كەتتى. ناۋرىز كەلىپ جاز كىردى، جاز پەرىشتە «ءاز» كىردى كۇنەسكە توسىپ ارقاسىن، جان بىتكەنگە ناز كىردى. ارىق-تۇراق ...
-
ىقىلاستىڭ جاستاۋ كەزىندە اكەسى دۇكەن وزىمەن بىرگە قوياندى جارمەڭكەسىنە ەرتىپ بارىپتى دەيدى. ونىسى، ەل كورىپ، جەر تانىسىن دەگەن اكەلىك قامقورلىعى بولسا كەرەك.
