قايسىسى تارتىمدى؟
كەدەيلىك پەن بايلىق ءبىر كىسىگە كەلىپ:
— ەكەۋمىزدىڭ قايسىمىز تارتىمدىمىز، — دەپ سۇراپتى.
بۇل سۇراقتان الگى كىسى ابىرجىپ ويعا قالىپتى: «كەدەيلىكتى تارتىمدىراق دەسەم، بايلىق اشۋلانىپ ماعان قولىن ءبىر-اق سىلتەيدى»، ال بايلىقتى تارتىمدى دەيىن دەسەم، كەدەيلىكتى رەنجىتىپ الام، ول سوسىن مەنىڭ زىقىمدى شىعارادى عوي».
از-كەم ويلانىپ، بىلاي دەپتى:
— ەكەۋىڭ تاپ وسىلاي قاتارلاسىپ تىك تۇرعاندا مەن ەشتەڭە ايتا المايمىن. قانە، ءجۇرىس-تۇرىستارىڭدى كورەيىن، ءبىر اينالىپ وتىڭدەرشى.
كەدەيلىك پەن بايلىق ەرسىلى-قارسىلى جۇرە باستاپتى.
ولارعا قاراپ تۇرىپ ادامنىڭ ايتقانى:
— كەدەيلىك سەن كەتىپ بارا جاتقاندا، تۋ سىرتىڭنان قاراسام، قانداي تاماشاسىڭ. ال بايلىق، سەن كەلگەندە... وزىڭنەن اساتىن نە بار!؟
بۇگىن بايلىق ەسىگىمىزدى كەلىپ قاعىپ تۇرعان كۇن، وعان ەسىكتەرىڭدى ايقارا اشىڭدار دا، كەدەيلىك پەن تارشىلىققا قول بۇلعاپ قوش ايتىسىڭدار.
You Might Also Like
-
وڭ بولسىن، بالام، ساپارىڭ، مولىقسىن ءدامىڭ، تاتارىڭ، تۋعان ەلىڭ تاپسىرعان، پارىزىن وتە وتاننىڭ. بارىپ كەلىپ جاتىر عوي، وزىڭدەي جاستار – قاتارىڭ. حالىقتىڭ سۇيگەن تىرەگى، سوم تەمىردەي ءبىل...
-
كەز-كەلگەن كىتاپتىڭ ىشكى الەمىنە ۇڭىلە بىلۋ-ۇلكەن ونەر. كىتاپ-اينىماس جولداسىڭىز، باعالى قۇندىلىعىڭىز، رۋحاني بايي ءتۇسۋدىڭ وزگەرمەس شارتى. جان دۇنيەڭىزگە جاقىن ادەبي تۋىندىنى تاڭداۋ-عۇمىرىڭىزعا جاڭ...
