بعم سۇرانىس جاعىنان ەڭ جوعارى جانە ەڭ تومەن ماماندىقتاردى اتادى
قازاقستاندا سوڭعى جىلدارى پەداگوگيكالىق، اقپاراتتىق تەحنولوگيالار، شەتەل ءتىلى، قۇقىق سالالارى بويىنشا ءبىلىم بەرۋ باعدارلامالارىنا سۇرانىس وتە جوعارى بولىپ تۇر.
ءبىلىم جانە عىلىم مينيسترلىگى گرانتتار قانداي تالاپتارعا بايلانىستى قالىپتاساتىنىن حابارلادى. ناقتىراق ايتقاندا گرانتتار ءتىزىمى ەڭبەك جانە حالىقتى الەۋمەتتىك قورعاۋ مينيسترلىگى ۇسىنعان كادرلارعا دەگەن قاجەتتىلىك بويىنشا اقپارات نەگىزىندە، سونداي-اق، «اتامەكەن» ۇلتتىق كاسىپكەرلەر پالاتاسىنىڭ قىسقامەرزىمدى بولجامى، مەملەكەتتىك ورگانداردىڭ قاجەتتىلىگى، بىتىرۋشىلەردىڭ جۇمىسقا ورنالاسۋ كورسەتكىشتەرى، مەملەكەتتىك باعدارلامالاردىڭ كورسەتكىشتەرى نەگىزىندە تۇزىلەدى.
«سوڭعى جىلدارى پەداگوگيكالىق، اقپاراتتىق تەحنولوگيالار، شەتەل ءتىلى، قۇقىق سالالارى بويىنشا ءبىلىم بەرۋ باعدارلامالارىنا سۇرانىس وتە جوعارى. سونىمەن قاتار، بۇگىنگى كۇنى كيبەرقاۋىپسىزدىك ماسەلەسىنىڭ وزەكتىلىگىنە جانە ەكونوميكانى، الەۋمەتتىك سالانى، مەملەكەتتىك باسقارۋ جۇيەسىن سيفرلاندىرۋ جونىندەگى اۋقىمدى مىندەتتەرگە بايلانىستى اقپاراتتىق قاۋىپسىزدىك سالاسىنداعى ماماندار دايارلاۋعا سۇرانىستىڭ ارتقانىن بايقاۋعا بولادى»، — دەپ حابارلايدى ءبىلىم جانە عىلىم مينيسترلىگىنەن.
سونىمەن قاتار مينيسترلىك جىل سايىن كونكۋرستىڭ ەڭ تومەن كورسەتكىشتەرى اۋىل شارۋاشىلىعى، مەتالل ءوندىرۋ، مەتاللۋرگيا ماماندىقتارىنا تيەسىلى ەكەنىن جەتكىزدى.
You Might Also Like
-
ق ر ءبىلىم جانە عىلىم ۆيسە-مينيسترى ميراس داۋلەنوۆ مينيسترلىككە قاراستى جوعارى وقۋ ورىندارىندا پروفەسسور-وقىتۋشىلار قۇرامىنىڭ جالاقىسى قانشاعا ارتقانىن ايتىپ بەردى.
