InfoHub Logo

كوممۋنيكاسيا قوعامدىق ءومىردىڭ بارلىق سالاسىن قامتيدى. سونىڭ ىشىندە ءبىلىم بەرۋ سالاسىندا دا كوممۋنيكاسيانىڭ ورنى مەن ءرولى بولەك. قازىرگى جاھاندانۋ داۋىرىندە ول، اسىرەسە ايقىن كورىنىس تابۋدا. ءبىلىم بەرۋ سالاسىندا كوممۋنيكاسيا ءارتۇرلى ماقساتتا قولدانىلادى. سونىڭ ءبىرقاتارىنا توقتالىپ وتەيىك.

قازىرگى تاڭدا كوپتەگەن وقۋلىقتار مەن كىتاپتار ەلەكتروندى جۇيەگە كوشىرىلگەن. ونىڭ ىشىندە مەكتەپ وقۋلىقتارى دا، دوعارى وقۋ ورنى وقۋلىقتارى دا، ادەبي، عىلىمي ەڭبەكتەر دە بار. بۇنىڭ ءوزى ءبىلىم الۋشىلار مەن وقىتۋشىلار اراسىنداعى بايلانىستىڭ كەڭەيگەنىن كورسەتەدى.

قازىرگى تاڭدا ءبىلىم بەرۋ ۇيىمدارى بىر-بىرىمەن تىعىز بايلانىستا دەۋگە بولادى. ماسەلەن، جوعارعى وقۋ ورىندارىن قاراستىرايىق. جوعارعى وقۋ ورىندارى مەملەكەت ىشىندەگى جانە شەت ەلدەگى وقۋ ورىندارىمەن تىعىز بايلانىستا. مەملەكەت ىشىندە وقۋ ورىندارى اراسىندا وليمپيادالار، كونفەرەنسيالار وتكىزىلەدى. ودان بولەك ىشكى اكادەميالىق ۇتقىرلىق (اكادەميچەسكايا موبيلنوست) اياسىندا ءوزارا ستۋدەنتتەر الماسادى. بۇل جوعارعى وقۋ ورىندارىنىڭ بىر-بىرىمەن تاجىريبە الماسۋى ءۇشىن جانە ولاردىڭ اراسىنداعى كوممۋنيكاسيالىق بايلانىستاردىڭ جاقسارۋىنا كومەكتەسەدى. مەملەكەت ىشىندەگى وقۋ ورىندارى دا شەت ەلدىك جوعارعى وقۋ ورىندارىمەن ءدال وسىلاي كوممۋنيكاسيالىق بايلانىس جاسايدى. اكادەميالىق ۇتقىرلىق اياسىندا ءوزارا ستۋدەنتتەر الماسادى. ودان بولەك ماگيسترانتتاردى عىلىمي تاعىلىمدامادان وتكىزەدى. ودان بولەك وقىتۋشىلار الماسىپ، ءوزارا تاجىريبە الماسادى. سونىمەن قاتار بىرلەسىپ جوبالاردى ىسكە اسىرادى.

كەز كەلگەن ءبىلىم بەرۋ ورىندارى مەملەكەتتىك ورگاندارمەن تىعىز بايلانىستا. مىسالى جوعارعى وقۋ ورىندارى ءبىلىم جانە عىلىم مينيسترلىگىمەن تىعىز بايلانىستا بولدى. ولار وقۋ پروسەسىنە، اكادەميالىق ۇتقىرلىق ماسەلەسىنە قاتىستى ۇنەمى ءوزارا كوممۋنيكاسيالىق بايلانىس ورناتىپ وتىردى.

سوڭعى جىلدارى جوعارعى وقۋ ورىندارى اكسيونەرلىك ۇيىمعا اينالا باستادى. ياعني، ول تولىعىمەن مەملەكەت مەنشىگىندە ەمەس، جەكە كاسىپكەرلەردىڭ قولدارىنا كوشە باستادى. ولار ءبىلىم بەرۋ ۇيىمدارىنداعى جوبالاردى ىسكە اسىرىپ، ولارعا ءوزارا سالىم سالىپ وتىردى.

---