InfoHub Logo

«ەل بولعىڭ كەلسە، بەسىگىڭدى تۇزە» سانالى ۇرپاق تاربيلەپ بۇزىلماستاي قامال تۇرعىز. ەلى دەپ جۇرەگى جالىنداعان جاسوسپىرىمدەرىمىز كوپ بولعاي... ەلدىڭ ىرگەتاسى بەرىك بولۋ ءۇشىن ەڭ الدىمەن ءبىر تۋ استىنا جينالىپ، ءوزارا ىنتىماقتىعىمىز سەنىمدى تۇردە نىق بولۋى كەرەك. سوندا عانا  «ەل تاۋەلسىزدىگى تۇعىرلى بولماق» بۇل بارشامىز ءۇشىن قايىرلى ءىس بولادى.

تاۋەلسىزدىك، تۇراقتىلىق، بەيبىت زامان دەمەكشى، وسىنداي باقىتقا جەتۋ ءۇشىن قانشاما قازاق باۋىرلارىمىز جانىن قۇربان ەتتى. تاۋەلسىزدىككە جەتۋ قانشالىقتى قيىن بولعانىمەن، قازىردە سول تاۋەلسىزدىكتى ساقتاپ قالۋ تىپتەن قيىن ەكەنىنە كۇننەن-كۇنگە بارشامىز كوز جەتكىزۋدەمىز. تەرەڭىنە بويلاي تۇسىندىرەر بولسام، ادەتتە بىزدەر تاۋەلسىز ەلدە تۇرامىز، بەيبىتشىلىك زامانىندا ءومىر سۇرۋدەمىز دەپ اۋىزبەن ايتاتىن ەدىك... ءبىراق جۇرەكپەن سەزىنبەيتىنبىز. ەل باسىنا كۇن تۋعاندا ەلىمىزدىڭ، جەرىمىزدىڭ قانشالىقتى بىزدەر ءۇشىن قىمبات ەكەنىن جۇرەگىمىزبەن سەزىنگەندەيمىز. مەنىڭ نەنى مەڭزەگەنىمدى تۇسىنگەن بولارسىڭ وقىرمان.

وتكەنگە زەر سالار بولساق، سوناۋ وتكەن عاسىرلارعا ەمەس كەشەگى وتكەن بۇلىڭعىر كۇنگە ورالايىق. حالىقتىڭ ىشىندەگى مۇڭ-مۇقتاجى، ەلدەگى ورىن العان قىمباتشىلىق. اشىنعان حالىقتىڭ بەيبىت شەرۋگە اتتاناۋى، ءبارى وسىدان باستاۋ الدى. حالىقتىڭ جاعدايى جاقسارىپ، بارلىعى وڭىنان شەشىلگەن بولاتىن. ايتسە دە، ەل اراسىنا ىرىتكى سالعاندار جايباراقات جۇرگەنىمەن، قاننەن قاپەرسىز جاتقان قاراپايىم حالىق جاپا شەكتى. ەلىمىزگە تۇتقيىلدان ءتۇرلى باعىتتاعى ءدىني اعىمنىڭ وكىلدەرى شابۋىل جاسادى. بۇل ەلىمىز ءۇشىن كۇتپەگەن كەلەڭسىزدىك جاعداي بولدى. زەرتەۋ ناتيجەلەرى كوز قۋانتارلىقتاي بولىپ تۇرعان جوق، ياعني بۇل تەرروريستەر ەلىمىزدى جان-جاقتى زەرتتەپ، وساۋ تۇسىمىزدى تابۋ ءۇشىن بىرنەشە جىلدىڭ ءجۇزىن سارپ ەتكەن. ارينە، ەلىمىز ءۇشىن دە قاراپايىم حالىق ءۇشىن دە وتە اۋىر بولدى. سەبەبى  قالا تۇرعىندارىن اياۋسىز ءولتىرىپ، مەملەكەتتىك قىزمەتكەرلەرگە وق جاۋدىرىپ، تىپتەن العاندا  دەنەسىمەن باسىن بولەك كەسكەن، ءاربىر وڭىردەگى قالالار قىزىل قانعا بويالدى. سونداي-اق قيراعان قالا، تونالعان ساۋدا ۇيلەرى قاراۋسىز قالعان ۇيلەر، ءتۇرى سۋىق ادامدار بەينەسى ءبارى-بارى حالىقتىڭ ج ۇرەگىنە قاياۋ تۇسىرگەنى انىق. بۇل جايلى ويلاسام كوزىمە ەرىكسىز جاس كەلەدى... مەنىڭشە، بۇلاردىڭ بار كوزدەگەنى ەلىمىزدىڭ تاۋەلسىزدىگىنەن، تىنىشتىعىنان، ەڭ باستى ماقساتى قازاققا ءتان قۇندىلىعىمىزدان ايىرۋدى كوزدەگەن. بۇنداي ەل ىشىنە وزبىرلىق كورسەتكەن قاندى قىلمىسكەرلەردى اياۋسىز ازاپتاۋ كەرەك. ويتكەنى جازىقسىزدان-جازىقسىز قانشاما ازاماتتار قازا تاپتى. بىلاي ايتقاندا «قانعا قان، جانعا جان»ولاردا ازاپتى ولتىرگەنىن قالاي ەكەنىن سەزىنۋى كەرەك. تاعى ءبىر ايتاتىن جايت، حالىققىن ساتقان ازاماتتار دا ءوز جازالارىن الۋى ءتيىس. قيىن كەزەڭدە كەمەسىن  تاستاعان كاپيتانداردى دا كوزىمىز كوردى. كىمنىڭ-كىم ەكەنىن ەل باسىنا كۇن تۋعاندا بىلدىك. وزەكتى ورتەگەن وكىنىشتىڭ ءبىرى سول. . . .

جاڭا زاماننىڭ جاڭا قاھارماندارى. ەلىن، جەرىن قورعاۋدا ايانباي ەڭبەك ەتىپ ءوز جانىن قۇربان ەتكەن بارشا ازاماتتاردىڭ اتا-اناسىنا، باۋىرلارىنا، جارلارىنا قايعىرا كوڭىل ايتامىز... ەل باسىنا قاۋىپ-قاتەر تونگەن شاقتا قۇربان بولعان بوزداقتاردىڭ ەل ەسىندە ماڭگى ساقتالارى ايدان انىق. ەلىن سۇيگەن ەرلەر...

جۇمىلا كوتەرگەن جۇك جەڭىل دەگەندەي بىزدەر بۇل قيىندىقتان دا باسىمىزدى تىك كوتەرىپ الدىعا قاراي نىق قادام جاسادىق. بۇل جولدا مەملەكەتىمىزدىڭ پرەزيدەنتى قاسىم جومارت كەمەل ۇلى توقايەۆتىڭ ەڭبەگى وتە زور... سەبەبى حالىقتىڭ، ەلىمىزدىڭ  مۇددەسىن بارىنشا قورعاپ، ءاربىر سالاداعى قىزمەتكەرلەرگە تاپسىرمالار جۇكتەپ، ءبارىن قالپىنا كەلتىرۋدە. وسى ورايدا اتسالىسقان بارلىق قىزمەتكەرلەرگە، وتانداستارعا العىسىم شەكسىز! ەندى ەلىمىزدى جاڭا قادامدار، جاڭا رەفورمالار كۇتۋدە. وسى ورايدا دامىعان ەلدەردىڭ قاتارىنا قوسىلارىمىزعا مەن سەنەمىن.

جىلىمىزدىڭ باسى اششى باستالعانىمەن، ءاربىر جىلىمىز «قوي ۇستىنە، بوزتورعاي جۇمىرتقالاعان»جىل بولعاي. تاۋەلسىزدىگىمىز تۇعىرلى، كوك تۋىمىز ماڭگى كوكتە قالىقتاپ جەلبىرەپ تۇرعاي. اسپانىمىز اشىق، كۇنىمىز نۇرلى، جەرىمىز شۇرايلى، حالىقىمىز كەڭپەيىلدى بولسىن. قىزدارىمىز قىلىقتى، ەرلەرىمىز نامىستى بولعاي. بارلىعىمىز ءبىر تۋ استىنا جينالىپ، تاۋەلسىز ەلدە  باقىتتى ءومىر سۇرەيىك. ەلىمىزدى شىنايى پاتريوت جاندار باسقارسىن، بۇل مەنىڭ عانا ەمەس بۇكىل حالىقتىڭ ارمانى ءھام مۇددەسى. كۇشىمىز بىرلىكتە. . . . . .

---