ءبىلىم ءمينيسترى تەست تاپسىرا الماعان مۇعالىمدەر جازالانبايتىنىنا ۋادە ەتتى
ق ر ءبىلىم جانە عىلىم ءمينيسترى ەرلان ساعادييەۆ ۇلتتىق بىلىكتىلىك تەستىلەۋىن تاپسىرا الماعان مۇعالىمدەرگە ەشقانداي جازالاۋ شارالارى قولدانىلمايتىنىنا ۋادە ەتتى.
«مامىر ايىندا مۇعالىمدەر ۇلتتىق بىلىكتىلىك تەستىلەۋىن تاپسىرۋدى باستايدى. ەگەر دە كوپشىلىگى وزدەرىنىڭ بىلىكتىلىگىن دالەلدەي الماسا، وندا ءبىز ەشقانداي جازالاۋ شارالارىن قابىلدامايمىز. ەرەجەگە سايكەس، ولار تەست تاپسىرماسا، وندا بۇرىنعى دارەجەسىمەن جانە ەڭبەكاقىسىمەن جۇمىسىن جالعاستىرادى. مۇعالىمدەرگە قاتىستى ەشقانداي قۇقىقتىق سالدار قاراستىرىلمايدى»، - دەدى مينيستر.
سونىمەن قاتار ول اكىمدىكتەردىڭ الدەبىر كۆوتالار ەنگىزىپ، مۇعالىمدەرگە جازالاۋ شارالارى قولدانىلاتىندىعىمەن قورقىتىپ جاتقانداعى تۋرالى سىبىستار مينيسترلىككە جەتىپ جاتقاندىعىن ايتتى.
«ءبىز وسىنداي قادامدارعا بارماۋدى وتىنەمىز. مۇعالىمدەردە ۇلتتىق بىلىكتىلىك تەستىلەۋىنە دايىندالۋعا قاجەتتى ۋاقىتى بولۋى كەرەك. سونىمەن قاتار پەداگوگتار ونى قاشان تاپسىرسا دا وزدەرى بىلەدى. سايكەسىنشە، ەشقانداي دا ماجبۇرلەۋ بولماۋى كەرەك»، - دەدى بعم باسشىسى.
ونىڭ سوزىنە قاراعاندا، اتالعان تەستىلەۋدى تاپسىرۋعا ءوز ەركىمەن 60 مىڭ ءمۇعالىم جازىلعان. «بۇل ءوز كەزەگىندە مۇعالىمدەر وزدەرىنىڭ بىلىكتىلىگىنە سەنىمدى ەكەنىن، ءوز ءپانىن جاقسى بىلەتىنىن بىلدىرەدى. ول 26 مامىردا باستالىپ، بىرنەشە كۇنگە سوزىلادى»، - دەدى ول.
قازاقپارات
You Might Also Like
-
قىزىلوردا قالاسى، ءۇش تىلدە وقىتاتىن مامانداندىرىلعان سىنىپتارى بار دارىندى بالالارعا ارنالعان «مۇراگەر» مەكتەبىنىڭ 10 سىنىپ وقۋشىسى - ەركىن ايدا ەركىن قىزى
-
ءۇي تاپسىرماسىن بەرۋ – كوپتەگەن ەلدەردە مەكتەپ ءومىرىنىڭ قالىپتى جاعدايىنا اينالعانىمەن، كەيبىر ەلدەردە ونىڭ كوپ بولۋى بالالاردىڭ وقۋعا دەگەن ىنتاسىن تومەندەتەدى دەپ ەسەپتەيدى.
