سوڭعى تازالىق: تازالىق جۇرگىزۋدىڭ شۆەسيالىق جاڭا ءادىسى
ەرتەڭ ومىردەن كەتەتىنىڭىزدى ەلەستەتىڭىزشى. ارتىڭىزدا نە قالدىراسىز؟
سكانديناۆيالىقتار الەمگە گانس حريستيان اندەرسەن مەن استريد ليندگرەننىڭ كىتاپتارىنان باستاپ ءومىردىڭ حيۋگگە جانە لاگوم ستيلىنە دەيىن كەرەمەت نارسەلەر قالدىردى. ولاردىڭ كەلەسى سىيى، ءۇي كەڭىستىگىن ۇيىمداستىرۋ مەن تازالىق ساقتاۋعا بايلانىستى.
Döstädning — شۆەد تىلىنەن اۋدارعاندا «ءولىم الدىنداعى تازالىق» دەگەن ماعىناعا كەلەدى. ونىڭ قاراپايىم تىلمەن «سوڭعى رەت ازالىق جاساۋ» دەپ تە ايتۋعا بولادى.
بۇل ۇعىمنىڭ اۆتورى «ءولىم الدىنداعى تازالىقتىڭ شۆەدتىك شەتىن ونەرى: ءوزىڭدى جانە وتباسىڭدى ومىرلىك رەتسىزدىكتەن قالاي قۇتقارۋ كەرەك» دەگەن ءبىراز داۋلى اتاۋمەن كىتاپ شىعارعان شۆەدتىك سۋرەتشى مارگارەتا ماگنۋسسەن «اينالاڭا قارا. ەرتەڭ ولگەننەن كەيىن ارتىڭدا نە قالادى؟» دەگەن قاراپايىم قاعيدانى العا تارتتى. كۇتپەگەن جەردەن بۇل تەزيس ءساندى ترەندكە اينالدى.
بۇل ءماقالادابىز «ءولىم الدىنداعى تازالىق جۇرگىزۋدىڭ» ءمانىن ەگجەي-تەگجەيىلى ءتۇسىندىرىپ بەرەمىز.
بۇل نە ءۇشىن كەرەك
80-جاستان اسقان مارگارەت ماگنۋسسەن اۋەلدە كىتاپتارىن ءوزى سياقتى ءومىردىڭ سوڭعى ساتتەرىن كوبىرەك ويلاپ جۇرگەن، 50-دەن اسقان ادامدارعا ارناپ جازعان بولاتىن. ادامداردىڭ كوبى ءومىر اعىسىمەن كەتە بارادى: جاڭا زاتتار ساتىپ الادى، ەسكى زاتتاردى ساقتاي بەرەدى، ۇيىندەگى رەتسىزدىك پەن جينالعان قوقىسقا ءمان بەرمەيدى. وزىنە «ەگەر بۇگىن ءولىپ كەتسەم، جيعان دۇنيەمە نە بولادى؟» دەپ سۇراق قوياتىندار از.
مۇراگەرىڭىز ءسىز قالدىرعان ەسكى-قۇسقىنى كورەدى. ەگەر دە زاتتارىڭىز كوپ بولسا، قايسىسى راسىمەن دە كەرەك، قاي زات ءسىز جايىندا ەستەلىك بولادى، نەندەي نارسەنىڭ كەرەكسىز ەكەنىن بىلمەي، ءبارىن رەتتەي الماي دال بولادى. زاتتاردىڭ ءبىر بولىگى قوقىسقا كەتەدى. تاعى ءبىر جارتىسى – جاپپاي ساتىلىمعا تۇسەر. مۇمكىن سىزدەن قالعان ەسكى زاتتاردى تازالاۋ ءۇشىن جاقىندارىڭىزعا كلينينگتىك كومپانيا شاقىرتۋعا تۋرا كەلەر؟
مەن وزىمە مىنا سۇراقتى ءجيى قويامىن: وسى ءبىر زاتتى ۇيدە قالدىرسام بىرەۋ قۋانىپ، باقىتتى بولا الا ما؟ ەگەر دە جاۋابى «جوق» بولسا، وندا ول زاتتان قۇتىلۋعا تىرىسامىن.
مارگارەتا ماگنۋسسەن
Döstädning تۇجىرىمداماسى ءۇيدىڭ تازالىعىنا ءدال وسى كوزقاراسپەن قاراۋدى كوزدەيدى. ءۇي جيناۋدىڭ ماقساتى - جاقىندارىمىزدىڭ جۇمىسىن جەڭىلدەتۋ ەكەنى ايقىن بولا باستايدى. وزىڭنەن كەيىن جارقىن، «تازا» ەستەلىك قالدىرۋ. ۇيىڭىزدەگى ءار زاتتىڭ مانىنە كوڭىل بولەتىن بولساڭىز، وندا كوپ دۇنيەڭىز دە قالماسى انىق. دەمەك، ءۇيدى تازا ۇستاۋ دا قيىن بولمايدى.
سونىمەن قاتار، «ءولىم الدىنداعى» تازالاۋدىڭ تاعى ءبىر ارتىقشىلىعى ونىڭ ادامدى جالىقتىرىپ جىبەرمەيتىندىگىندە. ءۇيدىڭ ءىشىن تولتىرىپ جاتقان زاتتاردى رەتتەپ، كەرەك ەمەسىن تاستاپ، تەك ماڭىزدىسىنا دەن قويا وتىرىپ، ءسىز ءوز ومىرىڭىزگە دە قايتا قاراپ شىعاسىز، ەستەلىكتەرىڭىزدە دە تەك قىمبات نارسەلەر قالاتىن بولادى. سودان كەيىن رەتتى، تازا اۋاعا تولى ءارى جارىق كەڭىستىكتە ءومىر سۇرەتىن بولاسىز.
شۆەدتىك ءۇي تازالاۋدىڭ 7 قاعيداسى
«سوڭعى رەت ءۇي تازالاۋدىڭ» اسا كوپ ەرەجەسى جوق. الايدا بىرنەشە ماڭىزدى ساتتەرى بار، سوعان كوڭىل اۋدارۋ كەرەك.
1. جاسىڭىز 50-گە تولماسا دا، بۇل تۇجىرىمداما سىزگە دە كەلەدى
«سوڭعى رەت ءۇي تازالاۋ» بارلىق جاسقا جارامدى. بالا كەزدەن-اق ءبىز ءوزىمىز ءۇشىن نەنىڭ ماڭىزدى ەكەنىن، نەنىڭ ادەمى ەستەلىكتەر بولىپ، قۋانىش سىيلايتىنىن، نەنىڭ قاجەتسىز ەكەنىن ءبىلىپ وستىك. بۇل ءادىس ءوز ءومىرىن جەڭىلدەتىپ، رەتكە كەلتىرگىسى كەلەتىن جاندارعا ارنالعان.
2. ءۇي رەتتەۋدى اسىقپاي، باپپەن، ءبىراق ۇزدىكسىز ورىنداڭىز
Döstädning تۇجىرىمداماسىندا ءسىز جاي عانا تازالىق جۇرگىزبەيسىز – ءسىز ءومىرىڭىزدى رەتكە كەلتىرەسىز. بۇل جۇمىستىڭ بارىسىندا ەشقانداي دا اسىعىستىق پەن ابىگەرلىك بولماۋ كەرەك، ونى ناقتى ءبىر ۋاقىتپەن شەكتەۋگە دە بولمايدى. «ءولىم الدىنداعى» تازالاۋ دەگەنىمىز جاي عانا شاڭداردى ءسۇرتىپ، زاتتاردى شكافقا سالۋ عانا ەمەس، ول ءومىر سالتىن اۋىستىرۋ دەگەن ءسوز.
3. جاقىندارىڭىزعا نە ىستەپ جاتقانىڭىزدى ايتا ءجۇرىڭىز
تۋىستارىڭىز بەن دوستارىڭىزعا نە ءۇشىن ەسكى زاتتاردان قۇتىلىپ، اينالاڭىزدى رەتتەپ جاتقانىڭىزدى ءتۇسىندىرىپ ايتىپ بەرىڭىز، نيەتىڭىزدى ايقىنداپ الىڭىز. ناتيجەسىندە ءسىز جاۋاپكەرشىلىكتى سەزىنىپ، جۇمىستى دا جارتى جولدان تاستاپ كەتپەيتىن بولاسىز.
4. ومىرىڭىزگە قاجەت ەمەس زاتتاردى باسقالارعا سىيلاڭىز
كەزىندە ءسىز سول زاتتارعا اقشاڭىز بەن ۋاقىتىڭىزدى كەتىرىپ ساتىپ العان بولاتىنسىز، ياعني وزىندىك قۇنى بار دەگەن ءسوز عوي. ءبىراق ءسىز ءۇشىن ەمەس. مۇمكىن، بۇل قۇندىلىقتى باسقا بىرەۋ سەزىنە الار. زاتتارعا مۇمكىندىك بەرىڭىز. كىتاپتارعا (ەڭ بولماعاندا، كەيبىرەۋىنە) دوستارىڭىز قۋانىپ قالاتىن بولار. ويىنشىقتار مەن كيىمدەرگە – مۇقتاج وتباسىلار ريزا بولادى. ال ءسىز ءوز ومىرىڭىزگە ورناتىلعان تارتىپتەن عانا ەمەس، سونداي-اق جاساعان يگى ىستەن دە ءلاززات الاتىن بولاسىز.
5. تازالاۋدى شكافتان نەمەسە كيىم تۇراتىن ورىننان باستاڭىز
ماگنۋسسەن، ەموسيونالدى جاعىنان از اسەر قالدىراتىن زاتقا كيىم مەن اياق كيىمدى جاتقىزۋعا بولادى دەيدى. كىتاپتار، اشەكەيلەر جانە ويىنشىقتارعا قاراعاندا ولارمەن قوشتاسۋ جەڭىلىرەك كورىنەدى. رەتتەۋدى جەڭىلىنەن باستاساڭىز، جالعاستىرۋ دا وڭايىراق بولادى.
6. تازالىق جۇمىستارى پسيحوتەراپيالىق اسەر بەرەتىنىن ەستە ساقتاڭىز
ول ءومىر سوڭىنىڭ جاقىنداپ قالعانىن ەسكە سالۋ ەمەس. ءوز ءومىرىڭدى قايتا قاراپ شىعىپ، ەڭ ماڭىزدىسىنا دەن قويۋ جايىندا. «ءولىم الدىنداعى» تازالاۋ – بۇل ءوزىڭنىڭ جارقىن ءارى قاراپايىم حيكاياڭدى جەڭىل جانە مۇقيات تۇردە جازۋ.
7. اتقارعان جۇمىستارىڭىز ءۇشىن وزىڭىزگە العىس ايتىڭىز.
رەتتەۋدىڭ كەزەكتى ارالىق كەزەڭىن اياقتاعان سوڭ، وزىڭىزگە العىس ايتىڭىز. ءتىپتى وزىڭىزگە سىيلىق رەتىندە كينوعا بارىپ، قولىڭىزعا مانيكيۋر، شاشىڭىزعا جاڭا شاش ۇلگىسىن جاساپ نەمەسە جانىڭىزعا جاقىن ادامدارمەن كافەگە بارۋىڭىزعا بولادى. بۇل ءسىزدىڭ الداعى ءومىر جولدارىندا جاقسى دەمەۋ بولادى.
You Might Also Like
-
اق پەن قاراسى تارازىعا تارتىلعان، سىناپتاي سىرعىپ قولدا تۇرمايتىن ۋاقىت قارىمىن كىدىرتۋ پەندە ەنشىسىنە بۇيىرماعىن ءىس. ءار ساعات التىنعا پاراپار دەسەك ءبىر تاۋلىك ياكي قولىڭداعى جيىرما ءتورت التىن ىسپەت...
-
سپورتمەن شۇعىلداناتىن وقۋشىلاردىڭ وقۋ ۇلگەرىمىن جەتىلدىرۋ ءۇشىن جاعداي جاسالادى. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم ءمينيسترى ەرلان ساعادييەۆ...
