ءبىلىم مينيسترلىگى جوو-لارعا اقىلى تۇردە وقىتۋ باعاسىن رەتتەيتىن نورمانى الىپ تاستاۋ ۇسىندى
4 جىل بويى ماماندىقتى قارجىلاندىرۋدان باس تارتىپ، باعدارلامانى يگەرۋ مەرزىمىنە ءتيىستى كرەديتتىك تەحنولوگيا بويىنشا قارجىلاندىرۋعا كوشۋ ەسكەرىلىپ وتىر. بۇل تۋرالى پارلامەنت ءماجىلىسىنىڭ جالپى وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
اتاپ ايتقاندا، جالپى وتىرىستا پالاتا دەپۋتاتتارى «ق ر كەيبىر زاڭنامالىق اكتىلەرىنە جوعارى وقۋ ورىندارىنىڭ اكادەميالىق جانە باقىلاۋ دەربەستىگىن كەڭەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى.
«زاڭ جوباسىنىڭ ماقساتى - «100 ناقتى قادام» ۇلت جوسپارىنىڭ جەتپىس سەگىزىنشى قادامىن ورىنداۋ. وندا «نازاربايەۆ ۋنيۆەرسيتەتى» تاجىريبەسىن ەسكەرە وتىرىپ، جوو-لاردىڭ اكادەميالىق جانە باسقارۋ دەربەستىگىن كەزەڭ-كەزەڭ بويىنشا كەڭەيتۋ كوزدەلگەن. زاڭ جوباسىندا ءبىر كودەكسكە، جانە 3 زاڭعا وزگەرىستەر ەنگىزۋ قاراستىرىلعان. جالپى وسى وزگەرىستەر جوو قىزمەتىنىڭ باستى ءۇش باعىتىن رەتتەيدى: اكادەميالىق، باسقارۋ جانە قارجى قىزمەتى»، - دەپ توقتالدى مينيستر.
وسى ورايدا ە. ساعادييەۆ اكادەميالىق جانە باسقارۋ دەربەستىگى بويىنشا وزگەرىس ەنگىزۋمەن قاتار، قارجىلاندىرۋ قىزمەتىن دە كۇشەيتۋ قاجەت ەكەنىن اتاپ ءوتتى.
«قارجىلاندىرۋدى وزگەرتۋ بيۋدجەتتىك جانە بيۋدجەتتەن تىس قارجىنى دۇرىس پايدالانۋعا جانە ماتەريالدىق-تەحنيكالىق، الەۋمەتتىك بازامەن قامتاماسىز ەتۋگە جاعداي جاساۋى ءتيىس. وسىعان بايلانىستى، 4 جىل بويى ماماندىقتى قارجىلاندىرۋدان باس تارتىپ، باعدارلامانى يگەرۋ مەرزىمىنە ءتيىستى كرەديتتىك تەحنولوگيا بويىنشا قارجىلاندىرۋعا كوشۋ ماسەلەسى ەسكەرىلگەن. بۇل تۇرعىدا زاڭ جوباسىندا مينيسترلىككە كرەديتتىك وقىتۋ تەحنولوگياسىن ەسكەرىپ، جوو-لاردى قارجىلاندىرۋ ءتارتىبىن بەكىتۋ جانە مەملەكەتتىك ءبىلىم بەرۋ تاپسىرىسىن قالىپتاستىرۋ بويىنشا جاڭا قۇزىرەت قاراستىرىلعان. سونداي-اق، جوعارى جانە جوعارى وقۋ ورنىنان كەيىنگى كادرلاردى دايارلاۋ ءۇشىن مەملەكەتتىك تاپسىرىستى بەكىتۋ مەرزىمى ءبىر جىلدان ءۇش جىلعا دەيىن وزگەردى. وسى ۇسىنىس ەكونوميكانىڭ ناقتى سەكتورىن ەسەپكە الىپ، مەملەكەتتىك تاپسىرىستى ءتيىمدى بولۋگە جاعداي جاسايدى»، - دەدى ۆەدومستۆو باسشىسى.
سونىمەن قاتار قارجىلىق ساياساتتى رەگلامەنتتەۋ اياسىندا جوو-لارعا اقىلى تۇردە وقىتۋ باعاسىن رەتتەيتىن نورمانى الىپ تاستاۋ ۇسىنىلادى.
«اتالعان وزگەرىس ازاماتتارعا، ونىڭ ىشىندە حالىقتىڭ وسال توپتارىنا جاتاتىن ادامدارعا جوعارى ءبىلىم الۋعا قول جەتكىزۋدى كەڭەيتۋگە جاعداي جاسايدى. اتالعان وزگەرىستەر جوو-لارعا كوپتەگەن ەركىندىكتى جانە ولاردىڭ باسشىلارىنىڭ الەۋمەتتىك جاۋاپكەرشىلىگىن قاراستىرادى»، - دەدى ول.
بۇدان بۇرىن حابارلانعانداي، زاڭ جوباسىن تانىستىرۋ بارىسىندا ە. ساعادييەۆ مەملەكەتتىك جانە ۇلتتىق جوعارى وقۋ ورىندارىن مەملەكەت 100 پايىز قاتىساتىن كوممەرسيالىق ەمەس اكسيونەرلىك ۇيىمعا وزگەرتۋ ماسەلەسى قارالىپ وتىرعانىن ايتقان ەدى.
مۇنىمەن قوسا، قازاقستانداعى جوعارى وقۋ ورىندارىنىڭ اكادەميكالىق دەربەستىگى 65-تەن 85 پايىزعا دەيىن كەڭەيتىلەتىنى ءمالىم بولدى.
قازاقپارات
You Might Also Like
-
ق ر دەنساۋلىق ساقتاۋ ۆيسە-مينيسترى الەكسەي سوي «استانا» مەديسينا ۋنيۆەرسيتەتىنەن ستۋدەنتتەردىڭ شىعارىلۋىنا قاتىستى پىكىر ءبىلدىردى.
-
جاقىندا عانا، 2018-جىلدىڭ 14-ناۋرىزىندا الەم ستيۆەن حوكينگپەن – زامانىمىزدىڭ ەڭ ىقپالدى جانە بەدەلدى عالىمدارىنىڭ بىرىمەن قوش ايتىستى. فيزيك-تەورەتيك، كۆانتتىق كوسمولوگيانىڭ نەگىزىن قالاۋشى، ...
