IELTSء-تىڭ جالعان سەرتيفيكاتىنا قاتىستى ىسپەن ءىىد اينالىسىپ جاتىر - مينيسترلىك
ق ر دەنساۋلىق ساقتاۋ ۆيسە-مينيسترى الەكسەي سوي «استانا» مەديسينا ۋنيۆەرسيتەتىنەن ستۋدەنتتەردىڭ شىعارىلۋىنا قاتىستى پىكىر ءبىلدىردى.
«اتالعان فاكت انىقتالدى، بارلىق ىستەر پروسەسسۋالدىق ءىستى جۇرگىزۋ بويىنشا ىشكى ىستەر دەپارتامەنتىنە تاپسىرىلدى. قازىرگى ۋاقىتتا قىلمىستىق ءىس قوزعالىپ، مۇنداي جالعان سەرتيفيكاتتار بويىنشا تەرگەۋ جۇرگىزىلۋدە»، - دەدى ول ق ر پارلامەنت ءماجىلىسىنىڭ وتىرىسىنان كەيىن.
الەكسەي سويدىڭ ايتۋىنشا، ستۋدەنتتەر جوو-عا وزدەرى جالعان سەرتيفيكاتتى تاپسىرعان. سونىمەن بىرگە، انىقتالىپ وتىرعانىنداي، سەرتيفيكاتتاردى تەكسەرۋ بويىنشا زاڭنامانى تولىقتىرۋ قاجەتتىلىگى تۋىنداپ وتىر.
«قازىرگى تاڭدا «ءبىلىم تۋرالى» زاڭدا اتالعان سەرتيفيكاتتاردى تەكسەرۋ بويىنشا تىكەلەي قۇزىرەتتىلىك جوق. ولاردىڭ بارلىعىندا ءمور بولعان، ال جوو-دا مۇنداي (تەكسەرۋ) قۇزىرەت جوق»، - دەدى ا.سوي.
بۇعان قوسا ۆيسە-مينيستر وقۋدان شىعارىلعان ستۋدەنتتەر ءۇشىن جوو-عا ەسىكتىڭ ءبىرجولاتا جابىلىپ قالماعانىن - كۇنى ەرتەڭ اقىلى بولىمگە اۋىسۋ مۇمكىندىگى بارىن ايتتى.
ەسكە سالا كەتسەك، «استانا» مەديسينا ۋنيۆەرسيتەتىندە داۋ تۋىپ، ماگيستراتۋرا، رەزيدەنتۋرا جانە دوكتورانتۋراعا ءتۇسۋ ءۇشىن IELTS سەرتيفيكاتىن ساتىپ العان 100-دەن استام ستۋدەنت وقۋدان شىعارىلعان بولاتىن.
كوپ ۋاقىت وتپەي ق ر ءبىلىم جانە عىلىم ءمينيسترى ەرلان ساعادييەۆ استانا مەديسينا ۋنيۆەرسيتەتىندەگى داۋعا قاتىستى پىكىر بىلدىرگەن ەدى.
قازاقپارات
You Might Also Like
-
ءنولىنشى سىنىپقا ارنالعان وقۋلىقتار بىردەن لاتىن الىپبيىندە باسىپ شىعارىلاتىن بولادى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعادييەۆ ايتتى.
-
4 جىل بويى ماماندىقتى قارجىلاندىرۋدان باس تارتىپ، باعدارلامانى يگەرۋ مەرزىمىنە ءتيىستى كرەديتتىك تەحنولوگيا بويىنشا قارجىلاندىرۋعا كوشۋ ەسكەرىلىپ وتىر. بۇل تۋرالى پارلامەنت ءماجىلىسىنىڭ جالپى وتىرىسى...
