InfoHub Logo

بىلتىر ەلدى رەفورمالارىمەن دۇرلىكتىرگەن ءبىلىم جانە عىلىم ءمينيسترى ەرلان ساعادييەۆ بيىل سالا ايتارلىقتاي وزگەرىسكە ۇشىرامايدى دەگەن ەدى. الايدا، 2017 جىلى ءبىلىم سالاسىندا تالاي جاڭالىق بولىپ، حالىق اراسىندا قىزۋ تالقىعا ءتۇستى. Baq.kz ءتىلشىسى كەيىنگى كەزدە ماقتاۋدان گورى سىنعا ءجيى ۇشىراپ جۇرگەن ءبىلىم تاقىرىبىنا شولۋ جاساپ، 2017 جىلى وسى سالادا بولعان وزەكتى ماسەلەلەردى ەسكە سالىپتى، سونى نازارلارىڭزعا ۇسىنامىز.

العاشقى قوڭىراۋ 1 قىركۇيەك كۇنى سوعىلمادى

بيىل ەلىمىزدە العاشقى قوڭىراۋ ادەتتەگىدەي 1 قىركۇيەكتە ەمەس، 2 قىركۇيەك كۇنى سوعىلدى. سەبەبى، 1 قىركۇيەك قۇربان ايت مەيرامىنا سايكەس كەلىپ، وقۋ جىلى 2 قىركۇيەكتە باستالدى.

جاڭا وقۋ جىلىندا بiرiنشi سىنىپقا 380 مىڭ بالا باردى. بۇل بىلتىرعى جىلمەن سالىستىرعاندا 10،5 مىڭ بالاعا كوپ. ال، بارلىق وقۋشى سانى 2،9 ميلليوننان استى.

2016 جىلى ەلiمiزدە جاڭارتىلعان بiلiم مازمۇنى كەزەڭ-كەزەڭمەن ەنگiزiلە باستاعانى بەلگىلى. بيىل وسى باعىتتا جۇمىس جالعاسىپ، 2، 5 جانە 7-سىنىپتار جاڭا وقۋ باعدارلاماسىنا كوشتى.

ءنولiنشi سىنىپ ەنگiزiلدi

2017 جىلدان باستاپ ءبىرقاتار بالاباقشا مەن مەكتەپكە ءنولiنشi سىنىپ پيلوتتىق رەجيمدە ەنگiزiلدi. ءنولiنشi سىنىپتى تولىعىمەن 2019 جىلى ەنگiزۋ جوسپارلانىپ وتىر. ونى مەكتەپتە جانە بالاباقشادا وقۋعا بولادى.

الىپپە قايتا ورالدى

2017 جىلعى وقۋ جىلىنان باستاپ الىپپە مەكتەپالدى دايارلىق توبىندا وقىتىلا باستادى. بيىل كوپتەگەن بالاباقشا مەن مەكتەپ الىپپەنى پيلوتتىق رەجيمدە وتكىزەمىز دەپ ۇسىنىستارىن ءتۇسىردى.

«ساۋات اشۋ» «انا تiلi» دەپ وزگەرتىلەتىن بولدى

بiرiنشi سىنىپتا وقىتىلاتىن ساۋات اشۋ ءپانiنiڭ اتاۋى 2019 جىلى انا تiلi دەپ وزگەرتىلەتىن بولدى. وسىلايشا، كوپتىڭ كوڭىلىنەن شىقپاعان ساۋات اشۋ اتاۋىن قۇلاعىمىز ۇيرەنگەن انا ءتىلى پانىنە اۋىستىرۋ تۋرالى شەشىم قابىلداندى.

وقۋلىقتار مەن جۇمىس داپتەرلەرىنە قاتىستى داۋ ۋشىعا ءتۇستى

قوعامدا وقۋلىقتاردىڭ ارنايى جۇمىس داپتەرلەرىن ساتىپ الۋ كەرەكتىگى نارازىلىق تۋدىردى. داپتەرلەردىڭ قىمباتشىلىعىنا قاراماستان ساعادييەۆ تەك وقۋلىقتارعا اقشا بولىنەتىنىن، ال داپتەرلەردى جەرگىلىكتى اكىمدەر اپەرۋ كەرەكتىگىن ايتتى.

استانادا ءبىرىڭعاي مەكتەپ فورماسى ەنگىزىلدى

بيىل استانا مەكتەپتەرىندە قويۋ كوك ءتۇستى ءبىرىڭعاي كيىم ۇلگىسى بەكىتىلدى. دەگەنمەن، ەلوردالىق وقۋشىلار جاڭا فورماعا بۇرىنعىسى ەسكىرگەندە بىرتىندەپ كوشە الادى.

بىرنەشە ءپاندى مۋزەيدە وتكىزۋ شەشىلدى

بعم كەلەسى وقۋ جىلىنان باستاپ گەوگرافيا، دۇنيەتانۋ، قازاقستان تاريحى پاندەرىنىڭ كەمiندە ەكi ساعاتىن مەكتەپ سىرتىندا - مۋزەيدە، جوو مۋزەيلەرi مەن عىلىمي ينستيتۋتتاردا وقىتۋدى جوسپارلاپ وتىر.

وقۋشىلاردىڭ ءۇي تاپسىرماسى قىسقاردى

وقۋشىلاردىڭ ءۇي تاپسىرماسىن قىسقارتاتىن بۇيرىق شىقتى. ءبىلىم مينيسترلىگىنىڭ بۇيرىعىمەن بەكىتىلگەن نۇسقاۋلىقتار وقۋشىلاردىڭ ءۇي تاپسىرماسىن ازايتۋدى كوزدەيدى.

تۇسىنىكسىز وقۋلىقتار حالىقتىڭ اشۋىن كەلتىردى

ب ا ق پەن الەۋمەتتiك جەلiدە مەكتەپ وقۋلىقتارىنىڭ مازمۇنىنا نارازىلىق بىلدىرگەندەر كوبەيدى. ۇستازدار مەن اتا-انالار ۆيدەوۇندەۋ دە جاساپ جاتتى. مۇنداي وقۋلىقتار قاتارىندا 5 جانە 7-سىنىپتارعا ارنالعان ورىس تiلi كىتاپتارى دا بار. بۇل وقۋلىقتارداعى يۆان ۋرگانت تۋرالى تاپسىرما مەن «ي-پىزياۆا» ەرتەگiسi كوپتىڭ اشۋىن تۋعىزدى.

بەكبولات تىلەۋحان ەرلان ساعادييەۆتى جەكپە-جەككە شاقىردى

ءماجىلىس دەپۋتاتى بەكبولات تىلەۋحان وقۋلىقتاردىڭ ساپاسىنا سىن ايتىپ، ءمينيستردى باسپا ءسوز بەتىندە جەكپە-جەككە شاقىردى. ال، ساعادييەۆ جەكپە-جەككە شىعۋ ۇكىمەتتىڭ جۇمىسى ەمەس ەكەنىن ايتتى. ءمينيستردى بيىل قوعام قايراتكەرى مۇحتار تايجان دا تەلەدەباتقا شاقىرعان ەدى.

مۇعالىمدەر ءۇي-ۇيدى ارالامايتىن بولدى

«ەندi مۇعالىمدەر ءۇي-ۇيدى ارالامايدى» دەدى ەرلان ساعادييەۆ. وسىلايشا، مينيستر ۇستازداردى ءوزiنiڭ قىزمەتiنەن باسقا شارۋالارعا مiندەتتەۋگە تىيىم سالدى. مينيسترلىك ۇستاز ەڭبەگiن باسقا ماقساتتا پايدالانۋعا تىيىم سالاتىن بiرقاتار بۇيرىق پەن قاۋلى شىعارۋعا كىرىستى.

اعىلشىن تiلiندە ساباق بەرەتىن مۇعالiمدەرگە ۇستەماقى تولەنەتىنى بەلگىلى بولدى

2019 جىلدان باستاپ اعىلشىن تiلiندە ساباق بەرەتىن مۇعالiمدەرگە 25 پايىز ۇستەماقى تولەۋ تۋرالى شەشىم قابىلداندى. بيىل اعىلشىن ءتىلى كۋرستارىنا 12 مىڭ ءمۇعالىم جازىلىپ، 500 سىنىپ اعىلشىنشا وقىتىلا باستادى.

ۇستازدار 8 ناۋرىزدا گۇلسىز قالا جازدادى

الەۋمەتتiك جەلiدە «مەكتەپ قابىرعاسىندا ۇستازدارعا گۇل نەمەسە سىيلىق بەرۋگە تىيىم سالىنادى» دەگەن اقپارات تارادى. ءبىلىم جانە عىلىم مينيسترلىگى بۇل مالىمەتتى جوققا شىعاردى.

كاسىپتىك ءبىلىم تەگىن بەرىلە باستادى

2017 جىلعى قىركۇيەكتەن باستاپ ەلىمىزدە بارشاعا ارنالعان تەگىن كاسىپتىك-تەحنيكالىق ءبىلىم بەرۋ جوباسى ەنگىزىلدى. وسىلايشا، جوبا اياسىندا جاستار تەحنيكالىق، اۋىل شارۋىشىلىق، سەرۆيس جانە قىزمەت كورسەتۋ ماماندىقتارى بويىنشا كوللەدجدەرگە ەمتيحانسىز، سۇحباتتاسۋ قورىتىندىلارى بويىنشا قابىلدانا باستادى.

ۇلتتىق ءبىرىڭعاي تەستىلەۋ فورماتى جاڭاردى

وسى جىلدان باستاپ تۇلەكتەر ەمتيحاندى ەكى رەت تاپسىراتىن بولدى. ولار - مەكتەپ تۇلەكتەرىنىڭ قورىتىندى اتتەستاسياسى مەن جوعارى وقۋ ورىندارىنا ءتۇسۋ ەمتيحاندارى. بىلتىردان باستاپ ۇبت-دان وتە الماعاندار ەمتيحاندى قايتا تاپسىرۋ قۇقىعىنا يە بولعان ەدى.

ۇبت-دان قۇلاعان تۇلەكتەر تەگiن وقىپ، شاكىرتاقى الاتىن بولدى

ۇلتتىق بiرىڭعاي تەستiلەۋدەن وتە الماي قالعان مەكتەپ تۇلەكتەرى تەحنيكالىق-كاسiپتiك بiلiم بەرۋ ورىندارىنا تەگiن وقۋعا جولداندى. شاكىرتاقى دا تاعايىندالدى.

ۇبت سۇراقتارى قوعام نارازىلىعىن تۋدىردى

تەست سۇراقتارىندا ەرمەك تۇرسىنوۆ، بايان ەسەنتايەۆا، نۇرتاس ادامباي، گەنناديي گولوۆكين سياقتى شوۋ-بيزنەس پەن سپورت وكىلدەرىنىڭ جۇرگەنى جۇرت نارازىلىعىنا دۋشار بولدى.

«التىن بەلگى» يەگەرلەرىنە قاتىستى شۋ شىقتى

بيىل ۇبت-دا جوعارعى بالل جيناعان تالاپكەرلەر، ونىڭ ىشىندە «التىن بەلگى» يەگەرلەرىنىڭ گرانتسىز قالۋىنا بايلانىستى شۋ شىقتى. وسى جولى «التىن بەلگىلىكتەرگە» گرانتتى جوو، اكىمدىكتەر مەن مينيسترلىكتەر ءبولدى. ال، 2018 جىلى «التىن بەلگى» العاندارعا ۇبت-دا تەڭ بالل جيناعاندا عانا ارتىقشىلىق بەرىلمەك.

لاتىن قارپiن ەنگىزۋ جۇمىسى مۇعالiمدەردەن باستالاتىن بولدى

بiلiم جانە عىلىم مينيسترi لاتىن قارپiن ەنگiزۋ جۇمىسى مۇعالiمدەردەن باستالاتىنىن ايتتى. «ەڭ الدىمەن بiز مۇعالiمدەردi دايارلاۋىمىز كەرەك. ۇستازدار جەتكiلiكتi بولعاندا جۇمىستى ودان ءارi جالعاستىرامىز» دەدى ساعادييەۆ.

ءبىلىم ءمينيسترى ەرلان ساعادييەۆ «بيىل كۇردەلى رەفورمالار بولمايدى» دەسە دە، ءبىلىم سالاسى ءبىرقاتار وزگەرىستى باستان كەشىردى. ال، 2018 جىلدىڭ قانداي جاڭالىق اكەلەتىنىن ۋاقىت كورسەتەر.

---