ءبىر دەنە مەن ءبىر ەڭبەكاقىنى بولىسكەن تاڭعاجايىپ 28-جاسار اپكەلى-سىڭىلى قىزدار
اپكەلى-سىڭىلى ەبيگەيل مەن بريتتاني حەنسەل — باتىلدىق پەن تاباندىلىققا ناعىز ۇلگى بولاتىن جاندار. ولار وسى الەممەن جانە ءوزارا قارىم-قاتىناستى جاقسى ساقتاي وتىرىپ، ءقازىر ومىردەن ءلاززات الىپ، وزدەرىن باسقالارمەن بىردەي سەزىنەدى.
ادامدار اقش-تىڭ ميننەسوتا شتاتىنان شىققان التى جاسار ەبيگەيل مەن بريتتاني حەنسەلدى (Abby and Brittany Hensel) العاش رەت وپرا ءۋينفريدىڭ تەلەدۋمانىنان بايقادى.
سودان كەيىن ولار كوگىلدىر ەكرانعا قايتا شىعىپ، Joined for Life (2003) دەرەكتى ءفيلمى ارقىلى كورەرمەن كوزايىمىنا اينالعانعا دەيىن ۇزاق جول ءجۇرىپ ءوتتى.
ەگىزدەردىڭ جاعدايى ولاردىڭ بارلىق دەنە مۇشەلەرىنىڭ: جۇرەك، اسقازان، وكپە، جۇلىندارىنىڭ جۇپ بولۋىمەن ەلەڭ ەتكىزدى.
سوعان قاراماستان، دارىگەرلەر اپكەلى-سىڭىلى قىزداردى ەكىگە بولسە، بىرەۋىنىڭ ومىرىنە ءقاۋىپ تونەتىنىن ايتتى. ولاردىڭ ايتۋىنشا، وتادان كەيىن ەكەۋى دە امان قالعان كۇننىڭ وزىندە، تىرشىلىك ەتۋ قابىلەتتەرى تومەن كەتەدى ەكەن.
سوندىقتان ەبيگەيل مەن بريتتاني بىرگە قالدى. ولار ۇنەمى بىرگە ءجۇرىپ-تۇرۋدى جانە تۇتاس ءبىر دەنە سياقتى ۇيلەسىمدى ارەكەت ەتۋدى ۇيرەندى.
ەسەيە كەلە ولاردىڭ تاماقتان باستاپ كيىم تاڭداۋعا دەيىنگى تالعامدارى دا وزگەرە باستادى. مىسالى، ءبريتتانيدىڭ ايتۋىنشا ونىڭ اپكەسى ۇيدە وتىرعاندى ۇناتادى، ال ءوزى قىدىرعاندى جاقسى كورەدى. ول ماتەماتيكانى ۇناتسا، ەببي ونەرگە جاقىن.
ءبىراق مۇنداي تالعام تالاسى ولاردىڭ تولىققاندى ءومىر سۇرۋگە دەگەن ماقساتتارىنا كەدەرگى بولعان ەمەس. قىزدار كولىك جۇرگىزۋ كۋالىگىن الدى، بەتلە ۋنيۆەرسيتەتىن اياقتادى، ال ءقازىر باستاۋىش مەكتەپ وقۋشىلارىنا ماتەماتيكادان ساباق بەرەدى. ازىرشە، كەلىسىم بويىنشا ءبىر ادام رەتىندە.
قىزدار وسىلاي ءومىر ءسۇرىپ جاتىر. ەببي دەنەسىنىڭ وڭ جاعىن، ال بريتتاني سول جاعىن باقىلاپ، بارلىق قيىندىقتى بىرگە جەڭىپ كەلەدى. ەگىزدەر ءۇشىن جەكە ومىرلەرى قوزعالمايتىن كۇردەلى تاقىرىپ بولعاندىقتان، اپكەلى-سىڭىلى قىزدار قازىرگى جاعدايلارىنا شۇكىرلىك ەتەدى.
ومىرگە قۇشتار، ونەرلى قىزدار ءوز جۇمىستارىن جاقسى كورەدى جانە ساياحاتقا ءجيى شىعادى.
ولار ارىپتەستەرىمەن جاقسى ءتىل تابىسادى جانە بالالاردىڭ دا كوڭىلدەرىن تابادى. جانە كۇن سايىن اينالاسىنداعى ادامداردىڭ وسىنداي ەرەكشەلىگى بار ادامدار جايلى تۇسىنىكتەرىن وزگەرتىپ وتىرادى.
You Might Also Like
-
قازاق ادەبيەتىندە العاشقى بولىپ تاريحي تاقىرىپقا قالام تەربەۋىمەن جانە ارتىندا ەڭ كوپ رومان جازىپ قالدىرۋىمەن ەرەكشەلەنگەن ءىلياس ەسەنبەرلين - قالىڭ وقىرماننىڭ ىستىق ىقىلاسىنا بولەنگەن قارىمدى...
