بىردەن ىسكە كىرىسۋدى ادەتكە اينالدىرۋدىڭ 7 ءادىسى
ءوز ماماندىعىندا تابىسقا جەتكەن ادامدار ورتاق ءبىر قاسيەتكە يە – ولار ارەكەت ەتەدى جانە ناتيجەگە قول جەتكىزەدى. بۇل قاسيەت اقىل-پاراساتتى، دارىن، ءوز تابىسىڭدى انىقتاي الۋ مەن تابىسقا جەتۋ قارقىنىن دا باسىپ وزادى.
ايتۋعا وڭاي بولعانىمەن، كەيبىر ادامدار عانا ناتيجەگە قول جەتكىزە الادى. ارەكەت ەتۋگە داعدىلانۋ – يدەيالاردى ىسكە اسىرۋدى ادەتكە اينالدىرۋ – ناتيجەگە قول جەتكىزۋدىڭ نەگىزى. تومەندەگى 7 ادىسكە نازار سالىڭىز.
1. قولايلى جاعدايدى كۇتپەڭىز
ەگەر قولايلى جاعداي تۋسىن دەپ كۇتەتىن بولساڭىز، وندا، بالكىم ءسىز ەشقاشان ىسكە كوشپەيسىز. بىرەسە تاڭداعان ۋاقىتىڭىز دۇرىس ەمەس، بىرەسە نارىق تۇراقتى ەمەس، بىرەسە باسەكەلەستىك تىم جوعارى. ءاردايىم بىردەڭە كەدەرگى بولادى دا تۇرادى.
شىنايى الەمدە ءىس باستاۋعا قولايلى ۋاقىت جوق. ءسىز ارەكەت ەتۋدى باستاۋ كەرەكسىز جانە تۋىنداعان ماسەلەلەردى شەشۋ كەرەكسىز. ەڭ قولايلى ۋاقىت بىلتىر بولعان. ەكىنشى مۇمكىندىك – ءدال ءقازىر.
2. ءىستىڭ ادامى بولىڭىز
ءىستى ويلاپ ەمەس، جاساپ جاتتىعىڭىز. سپورتپەن شۇعىلدانۋدى باستاعىڭىز كەلە مە؟ جاڭا ءتىل ۇيرەنگىڭىز كەلە مە؟ ءدال بۇگىن سونىڭ ءساتى ءتۇسىپ تۇر. يدەيانى ويلاپ جۇرە بەرگەن سايىن ول السىرەي تۇسەدى. ەكى كۇننەن كەيىن ەگجەي-تەگجەيلەرى ۇمىتىلا باستايدى. ءبىر اپتادان كەيىن ول ويىڭىزدان ءتىپتى اينىپ قالاسىز. ءىستىڭ ادامى بولساڭىز، كوپ نارسەنى ىسكە اسىراسىز جانە جاڭا يدەيالاردىڭ پايدا بولۋىنا ىقپال ەتەسىز.
3. يدەيالار وزدىگىنەن تابىس اكەلمەيتىنىن ەسكەرىڭىز
يدەيا وتە ماڭىزدى، ءبىراق ولاردى ىسكە اسىرعاندا عانا قۇندى بولادى. ءبىر ىسكە اسىرىلعان يدەيا ءوز ۋاقىتىن كۇتىپ جۇرگەن مىڭداعان كەرەمەت يدەياعا تاتيدى. ەگەر ءسىزدىڭ يدەياڭىز بولسا جانە وعان سەنىمدى بولساڭىز، ارەكەت ەتىڭىز. ىسكە كىرىسپەسەڭىز – ءبىر ورىندا تۇرا بەرەسىز.
4. قورقىنىشتى جەڭۋ ءۇشىن ارەكەتتى پايدالانىڭىز
كوپشىلىك الدىندا سويلەۋدىڭ ەڭ قيىن بولىگى – ءوز كەزەگىڭدى كۇتۋ ەكەنىن بايقادىڭىز با؟ ءتىپتى ماماندانعان شەشەندەر مەن اكتەرلەر دە ونەر كورسەتەر الدىندا قوبالجيدى. ولار سويلەي باستاعاندا، قوبالجۋ جوعالادى.
ارەكەت ەتۋ – قورقىنىشتى قاشىرۋدىڭ ەڭ ۇزدىك ءتاسىلى. ءبىرىنشى رەت ارەكەت ەتىپ باستاۋ – ەڭ قيىنى. باستاپ كەتسەڭىز، وزىڭىزگە سەنىمىڭىز ارتادى، بىرتىندەپ وڭاي بولا تۇسەدى. ارەكەت ەتۋ ارقىلى قورقىنىشتان ارىلىڭىز جانە سەنىمدىلىكپەن تابىسقا جول باستاڭىز.
5. اۆتوماتتى تۇردە شىعارماشىلىق مەحانيزمىن قوسىڭىز
شىعارماشىلىق پروسەسسكە قاتىستى ەڭ قورقىنىشتى قاتەلىك – شابىت بار كەزدە عانا جۇمىس وڭەدى دەپ ويلاۋ. ەگەر ءسىز شابىت كەلەتىن كۇندى كۇتىپ جاتا بەرەتىن بولساڭىز، وندا ءسىز سيرەك جانە ۇلكەن ۇزىلىسپەن جۇمىس ىستەيسىز.
كۇتىپ جۇرە بەرگەنشە، شىعارماشىلىق مەحانيزمىن اۆتوماتتى تۇردە قوسىڭىز. ەگەر سىزگە بىردەڭە جازۋ كەرەك بولسا، وتىرىڭىز دا، جازىڭىز! قولىڭىزعا قالام الىڭىز. ويىڭىزعا نە كەلەدى، ءبارىن جازىڭىز. تانىس قيمىل-قوزعالىستاردى جاساۋمەن ميدىڭ جۇمىسىن دۇرىس باعىتقا سالاسىز.
6. وسى شاقتا ءومىر ءسۇرىڭىز
تاپ وسى شاقتا نە ىستەي الاتىنىڭىزدى ويلاڭىز. ءبىر اپتا بۇرىن نە ىستەۋ كەرەك بولعانىڭىزدى ويلاپ نەمەسە ەرتەڭ نە ىستەۋ كەرەگىڭىزدى ويلاپ، ۋايىمداماڭىز. ءسىز تەك تاپ وسى شاقتى عانا وزگەرتە الاسىز. وتكەن مەن بولاشاقتى ويلاي بەرەتىن بولساڭىز – ەشتەڭەگە قول جەتكىزبەيسىز.
7. بىردەن ىسكە كىرىسىڭىز
ادەتتە ادامدار اڭگىمەلەسۋدى جاقسى كورەدى، ءتىپتى كىشىگىرىم اڭگىمەلەسۋ ىسكەرلىك كەزدەسۋلەردىڭ نەگىزىنە اينالىپ بارادى. بۇل ءوزى جالعىز جۇمىس ىستەيتىن ادامدارعا دا قاتىستى. ماڭىزدى جۇمىسقا كىرىسپەس بۇرىن، پوشتا جاشىگى مەن RSS-ريدەرىڭىزدى قانشالىقتى ءجيى تەكسەرەسىز؟
ەگەر ءسىز وسىنداي زاتتاردان باس تارتا المايتىن بولساڭىز جانە ىسكە بىردەن كىرىسۋدى ۇيرەنبەسەڭىز، نازاردى باسقا جاققا اۋدارتاتىن بۇل زاتتار سىزگە قىمباتقا تۇسەدى. بىردەن ىسكە كوشەتىن ادامعا اينالا وتىرىپ، ءسىز وزىڭىزدەن ونىمدىلىكتىڭ كوزىن تاباسىز، ال باسقالار ءسىزدىڭ بويىڭىزدان كوشباسشىلىق قاسيەتتى بايقاي باستايدى.
You Might Also Like
-
ءبىز فاست فۋد تاعامدارىن جەگەن كەزدە سونىمەن قوسا تاعى نەنى جەيمىز؟ Howstuffworks سايتىندا حابارلانعان مالىمەت بويىنشا فاست فۋد تاعامدارىندا ەڭ كوپ قولدانىلاتىن 10 قوسپا:
-
ءقازىر بىزدە مىلجىڭدىقتىڭ مەرەيى ۇستەم بولىپ، ءسوزدىڭ ءقادىرى كەتىپ تۇر. ويلارىنا نە كەلسە سونى جازادى، اۋزىنا نە كەلسە،— سونى ايتادى. مۇنداي جاعدايدا ءبىزدىڭ ۇلتتىق ماسەلەلەرىمىزدى بايسالدى ءتۇرد...
