ءبىرىنشى سىنىپقا باراتىن وقۋشىلار ءۇشىن قۇجات ساۋىردەن باستاپ قابىلدانادى
ءبىرىنشى سىنىپقا باراتىندار ءۇشىن قۇجاتتاردى قابىلداۋ 1 ساۋىردەن باستالادى. بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ايتتى.
بالالاردى مەكتەپكە قابىلداۋ ءتارتىبى ق ر بعم 2018 جىلعى 12 قازانداعى 564 بۇيرىعىمەن بەكىتىلگەن وقۋعا قابىلداۋدىڭ ۇلگىلىك قاعيدالارىندا ايقىندالعان. 1-سىنىپقا 6 جاستان باستاپ بالالار اتا-اناسىنىڭ نەمەسە ءبىلىم الۋشىلاردىڭ زاڭدى وكىلىنىڭ جەكە ءوتىنىشى نەگىزىندە قابىلدانادى.
وسى ورايدا مىناداي قۇجاتتار قاجەت: بالانىڭ تۋۋ تۋرالى كۋالىگىنىڭ كوشىرمەسى؛ 026/ۋ-3 نىسانى بويىنشا دەنساۋلىق پاسپورتى؛ 063/ۋ نىسانى بويىنشا دەنساۋلىق جاعدايى تۋرالى قۇجات (ەكپە كارتاسى) جانە 3ح4 كولەمىندەگى فوتوسۋرەتتىڭ ەكى داناسى.
«قۇجاتتاردى قابىلداۋ بيىلعى كۇنتىزبەلىك جىلدىڭ 1 ساۋىرىنەن 1 تامىزىنا دەيىن جۇرگىزىلەدى»، - دەدى گ. كارىموۆا ورتالىق كوممۋنيكاسيالار قىزمەتىندە.
بىرنەشە جىل بويى قۇجاتتاردى جانە بالالاردى مەكتەپكە قابىلداۋ بويىنشا مەملەكەتتىك قىزمەت اۆتوماتتاندىرىلدى. 1-سىنىپقا قابىلداۋ ەلەكتروندىق ۇكىمەتتىڭ ەgov.kz ۆەب-پورتالى ارقىلى جۇزەگە اسىرىلادى. وڭىرلەردەگى ءبىلىم باسقارمالارى الەۋمەتتىك جەلىلەر مەن ب ا ق ارقىلى اتا-انالار اراسىندا بالالاردى مەكتەپكە قابىلداۋ ەرەجەلەرى تۋرالى ءاقپاراتتىق-تۇسىندىرۋ جۇمىستارىن قوسىمشا جۇرگىزەتىن بولادى.
ونىڭ ايتۋىنشا، بيىل ءبىرىنشى سىنىپقا 420 مىڭ ءبۇلدىرشىن بارادى دەپ ەسكەرىلگەن. بۇل كورسەتكىش بىلتىرعا قاراعاندا جوعارى.
You Might Also Like
-
قازاقستاننىڭ ءبىلىم بەرۋ ۇيىمدارى وقىتۋدىڭ كابينەتتىك جۇيەسىنە كوشىرىلەدى. بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ايتتى.
-
ارامىز كەرەمەتتەي جايماشۋاق دوس ەدىك دەسەم، ول جالعان بولادى. جەككورىسۋ دە جوق. زاماننىڭ تالابىنا وراي كەيبىر قىلىقتارىن ۇناتىڭقىراماسام دا، تالانتىن سىيلاپ، سىپايى سالەمدەسىپ قانا ءجۇرۋشى ەدىم.
