وقۋ جىلى بيىل دا 25 مامىردا اياقتالادى – ءبىلىم مينيسترلىگى
قازاقستاننىڭ ءبىلىم بەرۋ ۇيىمدارى وقىتۋدىڭ كابينەتتىك جۇيەسىنە كوشىرىلەدى. بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ايتتى.
«ۇكىمەتتىڭ جۇيەلى جۇمىسىنىڭ ناتيجەسىندە وقۋشىلار وفلاين فورماتتاعى وقۋعا كوشتى. ءىV توقسان بارلىق ءبىلىم بەرۋ ۇيىمدارىندا ءداستۇرلى (شتاتتىق) فورماتتا باستالادى»، - دەدى گ. كارىموۆا ورتالىق كومۋمنيكاسيالار قىزمەتىندە.
7،5 مىڭ ورتا ءبىلىم بەرۋ ۇيىمدارىندا وقۋشىلار كونتينگەنتى شامامەن 3،6 ملن بالانى قۇرايدى (2،4 ملن. وقۋشى قازاق تىلىندە ءبىلىم الادى، 65،3 %)، بۇل وتكەن وقۋ جىلىنىڭ وسى كەزەڭىمەن سالىستىرعاندا 200 مىڭ بالاعا ارتىق. \
مەكتەپ باسشىلارى ءبىلىم بەرۋ ۇيىمدارىندا قويىلاتىن سانيتاريالىق-ەپيدەميولوگيالىق تالاپتاردىڭ قاتاڭ ساقتالۋىن قامتاماسىز ەتەدى.
«بيىلعى 24 ناۋرىزدا قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسى تارالۋىنىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسى ءوتتى. ەلدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ، ۆەدومستۆوارالىق كوميسسيا ءبىلىم بەرۋ ۇيىمدارىندا وقىتۋدىڭ كابينەتتىك جۇيەسىنە كوشۋگە رۇقسات بەرۋ تۋرالى شەشىم قابىلدادى»، - دەدى كوميتەت باسشىسى.
جالپى، بارلىق ورتا ءبىلىم بەرۋ ۇيىمدارىندا 4-توقسان ۇيىمداسقان تۇردە باستالادى. وقۋ توقسانىنىڭ ۇزاقتىعى – 8 اپتا.
وقۋ جىلى ءداستۇرلى تۇردە بيىلعى جىلدىڭ 25 مامىرىندا اياقتالادى.
You Might Also Like
-
قاي كەزەڭدى الساق تا، قوعامنىڭ دامۋى ونىڭ ەكونوميكالىق جانە ساياسي ينستيتۋتتار جۇمىسىنىڭ بەلسەندىلىگىمەن بايلانىستى ەمەس ەكەنى بەلگىلى. بۇگىندە جاھاندانۋمەن بەتپە-بەت كەلگەن قوعامنىڭ رۋحانياتى،...
-
ءبىرىنشى سىنىپقا باراتىندار ءۇشىن قۇجاتتاردى قابىلداۋ 1 ساۋىردەن باستالادى. بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ايتتى.
