InfoHub Logo

11 سىنىپتار
پسيحولوگيالىق ترەنيگ تاقىرىبى: “بولاشاققا ءبىر قادام”

ساباقتىڭ ماقساتى: وقۋشىلاردىڭ كريزيستىك كەزەڭدەردە ءوزىن - ءوزى باسقارۋ جانە باقىلاۋ، قورقىنىش پەن ۇرەي كەدەرگىلەرىن جەڭۋ داعدىلارىنا ۇيرەتۋ، ءوز - وزىنە، كۇشتەرىنە جانە ءوز مۇمكىندىكتەرىنە سەنىمدىلىكتەرىن جوعارىلاتۋعا ىقپال جاساۋ.
مىندەتتەرى:
1. سەنىمدى مىنەز - قۇلىق داعدىلارىن يگەرۋ، قورقىنىش فەنومەنىمەن تانىسىپ، ونى جويۋ؛
2. پسيحيكالىق قىسىمنان بوساڭسۋعا ۇيرەتۋ؛
3. ىشكى رەزەرۆكە ارقاۋ بولا وتىرىپ، وزىندىك باقىلاۋ داعدىلارىن دامىتۋ؛
4. ءوزىنىڭ ارەكەتتەرى مەن ۇستانىمدارىن تالداۋداعى جەكە باس جاۋاپكەرشىلىكتى سەزىنۋگە كومەكتەسۋ.

قاجەتتى قۇرال - جابدىقتار: ينتەراكتيۆتى تاقتا، بەت قاعازدار، ءتۇرلى - ءتۇستى قارىنداشتار، كارتوچكالار، ت. ب.
ءادىس - تاسىلدەر: اڭگىمە، ميني - لەكسيالار، ارتتەراپيالىق جانە مەديتاتيۆتى تەحنيكالار، تالداۋ، توپپەن جۇمىس، تەست، دەمونستراسيا جانە ت. ب.

ساباق بارىسى:
1. سالەمدەسۋ.
- قايىرلى كۇن، اينالايىن وقۋشىلار! بۇگىن سەندەرمەن قاۋىشىپ تۇرعانىما، الداعى 1 ساعات ۋاقىتىمدى تەك سەندەرمەن وتكىزۋ مۇمكىندىگىم ءۇشىن قۋانىشتىمىن. بۇگىن مەن سەندەرمەن، سەندەر مەنىمەن، وزدەرىڭ ءوزارا ءبىر - بىرىڭمەن جاقىنداستىرا تۇسەتىن، ءوز - ءوزىمىزدى تەرەڭىرەك تاني تۇسەتىن، كوزقاراستارىمىزدى وزگەرتە تۇسەتىن ترەنينگ بولاتىنىنا مەن سەنىمدىمىن!
- بۇگىن تاڭەرتەڭ بارلىعىمىز ءبىر - بىرىمىزبەن امانداسۋدى ۇمىتقان جوقپىز با؟ ەندەشە، «اماننىڭ ارتىعى جوق» دەمەكشى، تاعى ءبىر سالەم بەرۋ كەزەگى كەلدى.
سالەمدەسۋ شارتى: جۇرگىزۋشى وقۋشىلاردىڭ قانداي - دا ءبىر بەلگىسىن اتايدى، سول بەلگىگە سايكەس كەلەتىن وقۋشىلار تەز ورىندارىنان تۇرىپ، ءبىر - بىرىنە سالەم بەرەدى. مىسالى، «تەك قانا ۇلدار تۇرىپ، ءبىر - بىرىنە «سالەم!» دەيدى» نەمەسە «كىمنىڭ ەسىمى «ا» ارپىنەن باستالادى، سولار ورنىنان تۇرىپ «پريۆەت!» دەيدى» جانە ت. س. س.

2. ەپيگرافپەن تانىستىرۋ.
«تاۋدى ورنىنان قوزعالتا العان ادام ۇساق تاستاردى ءبىر ورىننان ەكىنشى ورىنعا تاسۋدان باستاعان ەكەن. الەمدى وزگەرتكىمىز كەلسە، ءبىز ەڭ الدىمەن ءوزىمىزدى وزگەرتۋىمىز كەرەك» (سوكرات)
تالقىلاۋ، ءوز ويلارىمەن ءبولىسۋ.

3. سۇراقتاردى تالقىلاۋ.
- بالالار، سەندەر بولاشاق تۋرالى كوپ ويلايسىڭدار ما؟
- بولاشاق سەندەرگە قانداي بولىپ كورىنەدى: جارقىن با الدە بۇلىڭعىر ما؟
- سەندەر بولاشاق تۋرالى قورقىنىشپەن ويلايسىڭدار ما؟
- ال بولاشاقتى نەشە اي نەمەسە نەشە جىل الدىعا ەلەستەتە الاسىڭدار؟
- سەندەر وتكەن شاق نەمەسە بولاشاق تىڭ قايسىسى جايلى كوبىرەك ويلاناسىڭدار؟
ستاتيستيكاعا سۇيەنسەك، ءساتتى ادامدار ۋاقىتىنىڭ 70% بولاشاق تۋرالى ويلاۋمەن وتكىزەدى ەكەن. ال جولى بولمايتىن ءساتسىز ادامدار ۋاقىتتارىنىڭ 90% وتكەن ءومىرى تۋرالى ويلاۋمەن وتكىزەدى ەكەن. جانە سەندەر، بالالار، الىس بولاشاقتى ەلەستەتە الساڭدار، سەندەر ءساتتى بولادى ەكەندەرىڭ راس.
قۇپيا ەمەس، كوبىمىز بولاشاق جايلى نەگاتيۆتى ويلايمىز. بولاشاعىمىز ءۇشىن قورقىنىش ءدال قازىرگى شاقتاعى ارەكەتتەرىمىزدى توقتاتىپ تاستايدى. ال كوپتەگەن ادامدار، كەرىسىنشە، بارلىعىن ءوز باقىلاۋىنا الىپ، جەڭە الادى.
ءالسىز ادامداردى قورقىنىش كۇيرەتەدى، بۇزادى، ال كۇشتى ادامدار قورقىنىشتىڭ ءوزىن بۇزادى ەكەن.

4. «شىنىمدى ايتسام» جاتتىعۋى
«بالالار، ينتەربەلسەندى تاقتادا الدىن - الا دايارلانعان «اياقتالماعان سويلەمدەر» بەرىلگەن. اربىرەۋىڭ ءبىر سويلەمدى وقىپ، تەز، باسىنا العاش كەلگەن جاۋاپتى ايتۋلارىڭ ءتيىس. شىنايى جاۋاپ بەرۋلەرىڭ ءتيىس. ەگەر دە بىرەۋ جاۋاپتىڭ شىنايىلىعىنا كۇماندانسا، ول بالا تاعى ءبىر سويلەمدى اياقتاۋىنا تۋرا كەلەدى. ال، ەندەشە، باستايىق.

سويلەمدەر:
 شىنىمدى ايتسام، الداعى ءومىرىم تۋرالى ويلاعان كەزدە...
شىنىمدى ايتسام، مەن ۇبت تۋرالى ويلاعان كەزدە...
 شىنىمدى ايتسام، ۇيگە كەلگەن كەزدە...
 شىنىمدى ايتسام، مەن كونسۋلتاسياعا كەلگەن كەزدە...
 شىنىمدى ايتسام، مەن كوشەدە قىدىرىپ جۇرگەندە نەمەسە ديسكوتەكاعا بارعاندا...
 شىنىمدى ايتسام، مەن قاتتى تولقىعاندا...
 شىنىمدى ايتسام، مەن ويىمدى جيناقتاي الماي قالعان كەزدە...
 شىنىمدى ايتسام، وسى ۇبت تۋرالى ويلاعان كەزدە...
 شىنىمدى ايتسام، مەن... تۋرالى ويلاعاندا قورقىنىش سەزىمى تۋىندايدى.
 شىنىمدى ايتسام، مەن مەكتەپكە كەلگەن كەزدە...
 شىنىمدى ايتسام، مەن بولاشاعىمدى ەلەستەتكەن كەزدە...
 شىنىمدى ايتسام، ءقازىر ءوزىمدى... سەزىنەمىن
 شىنىمدى ايتسام، سوڭعى كەزدە...
 شىنىمدى ايتسام، وتكەن ءومىرىم ماعان... بولىپ كورىنەدى
 شىنىمدى ايتسام، بولاشاعىم ماعان... بولىپ كورىنەدى.
 شىنىمدى ايتسام، الداعى ۇبت - گە قاتىستى اتا - انامنىڭ ۋايىمداعانىن ويلاسام...
تالقىلاۋ: سويلەمدەردى اياقتاۋ قيىن بولدى ما؟
وزدەرىڭ ءۇشىن جاڭا جانە قاجەت مالىمەت الا الدىڭدار ما؟
5. توپقا ءبولىنۋ.
4 توپقا ءبولىنۋ ءۇشىن وقۋشىلارعا 4 زاتتى تاڭداۋ ۇسىنىلادى. ول زات وزىڭە ۇنايتىن، وزىڭە جاقىن زات بولۋى ءتيىس (ءسابىز، جۇمىرتقا، اعاش، كوفە).

6. توپپەن جۇمىس
توپقا بولىنگەننەن كەيىن ءار توپقا كەلەسى سۇراقتار تالقىلاۋعا بەرىلەدى؟

1. جالپى، قورقىنىشتان ارىلۋ قانداي وزگەرىستەرگە اكەلەدى؟ پايداسى؟
2. قورقىنىش/ۇرەي ماسەلەسىن شەشۋدىڭ ءبىر جولى – ءوز قورقىنىشىڭدى قابىلداۋ.
3. قورقىنىش/ۇرەي ماسەلەسىن شەشۋدىڭ ءبىر جولى – ءوز قورقىنىشىڭدى قورقىتۋ.
4. قورقىنىش/ۇرەي ماسەلەسىن شەشۋدىڭ ءبىر جولى – ءوز قورقىنىشىڭدى جاقسى كورۋ.
ءار توپ ءوز ويلارىن ورتاعا سالادى، تالقىلايدى.

7. پراكتيكالىق ءبولىم
وسى قاراستىرىلعان تاسىلدەردىڭ بىرنەشەۋىن ورىنداپ كورەيىك.
«نامتوك» تەحنيكاسى.
1 وقۋشى ينتەربەلسەندى تاقتامەن جۇمىس ىستەسە، قالعاندارى ورنىندا جۇمىس ىستەيدى.