بوزتورعايلار
بوزتورعايلار (اlاudءىdاە) — تورعايلار وتريادىنا جاتاتىن سايراعىش قۇستار تۇقىمداسى. قازاقستاندا 6 تۋىسقا جاتاتىن 13 ءتۇرى بار. بوزتورعايلار ءشول، شولەيت جانە قيىر-شىقتاستى جازىق دالادا، تاۋ جايىلىمىندا، ەلدى مەكەن ماڭىندا، كەيدە ورمان الاڭىندا كەزدەسەدى. دەنە تۇرقى 12 — 23 سم. قاناتتارى ۇزىن، اياقتارى قىسقا. ارتقى بارماعىندا ۇزىن تىرناعى بار. ادەتتە، ءتۇسى بوزعىلت، كوبىنەسە، مەكەندەگەن جەرىنىڭ تۇسىنە قاراي وزگەرىپ وتىرادى. بۇل قاسيەتى قۇستى جەردە جۇرگەندە جاسىرىپ، بىردەن كوزگە بايقاتپايدى. ۇيا سالماعان كەزدە، توپتاسىپ ۇشادى. بۇلاردىڭ ىشىندە ەڭ كوپ كەزدەسەتىنى — بوزتورعاي (اlاudا اrvەnsءىs). ونىڭ قاناتىنىڭ ۇزىندىعى 8،5-14 سم، سالم. 30-48 گ. ول قازاقستاننىڭ ءشولدى دالاسىنان باسقا اۋماعىندا كەڭىنەن تاراعان.
بوزتورعايلار جەردەگى شۇقىرلارعا ۇيالاپ، وعان 2 — 6 تارعىل جۇمىرتقا سالادى، كەيبىر تۇرلەرى جىلىنا 2 رەت جۇمىرتقالايدى. بالاپاندارىنىڭ دەنەسىن، اسىرەسە، جونىن قالىڭ مامىق جاپقان. بوزتورعايلار — جىل قۇسى. ولار قىستاۋ ءۇشىن كۇزدە وڭتۇستىكتەگى جىلى ايماقتارعا ۇشىپ كەتەدى، قىسى جۇمساق جىلدارى قازاقستاننىڭ وڭتۇستىك اۋداندارىندا قىستاپ قالادى. بوزتورعايلار وسىمدىك دانىمەن جانە جاندىكتەرمەن قورەكتەنەدى. ارامشوپتەردىڭ دە ءدانىن جەپ، اۋىل شارۋاشىلىعىنا پايدا كەلتىرەدى.
You Might Also Like
-
بۋمىن قاعان (؟ — 552 ج) — تۇركىلەردىڭ وزدەرى «ماڭگى ەل» دەپ اتاعان ايگىلى ءبىرىنشى شىعىس تۇركى قاعاناتىنىڭ نەگىزىن قالاۋشى تاريحي ۇلى تۇلعالاردىڭ ءبىرى. ونىڭ العاش تاريحقا تان...
-
مومىش ۇلى باۋىرجان (1910-1982) — ەكىنشى دۇنيەجۇزىلىك سوعىستىڭ داڭقتى جاۋىنگەرى، حالىق قاھارمانى، قازاقتىڭ كورنەكتى جازۋشىسى. تۋعان جەرى جامبىل وبلىسىنىڭ جۋالى اۋدانىنداعى كولباستاۋ مەكەنى. باۋ...
