بروككولي – ناعىز دارۋمەندى-مينەرالدى قۋات!
بروككولي – قىرىققاباتتى تۇقىمداستاردىڭ ءبىرجىلدىق وسىمدىگى، قويۋ جاسىل ءتۇستى گۇل شوعىرى بولىپ تابىلادى. بۇل كوكونىستىڭ اتاۋى «بروككو» دەگەن يتاليان سوزىنەن شىققان، بۇتا دەگەن ماعىنانى بىلدىرەدى. بروككوليدىڭ قۇرامىندا جاسۇنىق، كاليي، فوسفور، كالسيي، ماگنيي، تەمىر، مىرىش، مارگانەس، كۇكىرت، س، ۆ1، ۆ2، ۆ5، ۆ6، رر، ە، ك دارۋمەندەرى، ا دارۋمەن نەگىزى بار. بروككوليدىڭ قۇرامىنداعى س دارۋمەنىنىڭ مولشەرى ليمون قۇرامىنداعى مولشەرمەن بىردەي. بۇل كوكونىستەن ءار ءتۇرلى تاماقتار ازىرلەنەدى. ونى قۋىرۋعا، سۋعا قايناتۋع نەمەسە شيكىلەي تۇردە جەۋگە بولادى. شيكىلەي تۇردە كوبىنەسە سالاتتارعا قوسىلادى.
بروككوليدىڭ پايدالارى:
— اسقا تۇراقتى قولدانۋ - كۇيزەلىستەن ەڭ جاقسى قورعانىس.
— بروككوليدىڭ كالورياسى وتە از بولعاندىقتان ديەتا ۇستاپ جۇرگەن، دەنساۋلىعىنا اسا ءمان بەرەتىن ادامدار ءۇشىن وتە قاجەتتى كوكونىس.
— ول تابەت پەن اس قورىتۋدى جاقسارتادى. اسقازاندا ويىق جاراسى (يازۆا) بار ادامدارعا پايدالى. ونىڭ بۇل ارتىقشىلىعى قۇرامىندا U دارۋمەنىنىڭ جەتكىلىكتى مولشەردە بولۋىنا بايلانىستى.
— يممۋنيتەتتىڭ كۇشى ليمفا جۇيەسىنە تىكەلەي بايلانىستى. الايدا ليمفا جۇيەسىنىڭ ۇشتەن ەكى بولىگى ىشەكتە ورنالاسقاندىقتان بروككولي ىشەكتى ءارتۇرلى قالدىقتاردان، ۋلى زاتتاردان قورعاپ، يممۋنيتەتتى كوتەرىپ، اعزانىڭ ءارتۇرلى اۋرۋلار قوزدىرعىشتارىنا قارسى تۇرۋ قابىلەتىن ارتتىرادى.
— قان ازدىقتىڭ، ىندەتتەردىڭ، باۋىر اۋرۋلارىنىڭ الدىن الادى.
— ول تەرىگە وڭ اسەر بەرىپ، قارتايۋ پروسەسىن تەجەيدى.
— قۇرامىنداعى سۋلفورافان قاتەرلى ىسىك جاسۋشالارىنىڭ كوبەيۋىن توقتاتادى.
— قانداعى حولەستەريننىڭ مولشەرىن ازايتادى.
— سۇيەكتىڭ، ءتىستىڭ بۇزىلۋىنا جول بەرمەي، قازىردە ءجيى كەزدەسەتىن وستەوروپوروزدىڭ الدىن الادى.
You Might Also Like
-
باياعىدا زەردەلى دەيتىن شەشەن، بىلگىر ادام بولىپتى. ءبىر كۇنى زەردەلى ءبىر توپ جولداستارىمەن جيھان كەزىپ كەلە جاتىپ، ءبىر قارياعا كەزدەسىپتى. سالەمدەسىپ، ءجون بىلىسكەننەن كەيىن قاريا زەردەلىگە:
-
زەرتتەۋشىلەر ۆيتامين تابلەتكالارىن ءىشۋدىڭ ورنىنا دۇرىس تاماقتانۋ كەرەكتىگىن جانە بۇل ۆيتاميندەردى تابيعي جولدارمەن الۋ كەرەكتىگىن جانە جاتتىعۋلارعا اۋىرلىق قوسۋ جونىندە مالىمدەمە جاسادى.
