InfoHub Logo

الما تۋرالى گازەتتەردە ءجيى-جيى جازىلادى. بۇل تاماشا جەمىستىڭ كۇن سايىن جاڭا پايدالارى انىقتالۋدا. سولاردىڭ ءبىرازى:

- نيۋ يوركتاعى كورنەل ۋنيۆەرسيتەتى زەرتتەۋ توبىنىڭ قول جەتكىزگەن مالىمەتتەرى بويىنشا المانىڭ قۇرامىنداعى انتيوكسيداندار جاسۋشلاردىڭ زاقىمدالۋىنىڭ الدىن الىپ، دەنەنىڭ قارسى تۇرۋ قابىلەتىن ارتتىرادى جانە سترەستەن پايدا بولعان زارارلارعا قارسى كۇشتى قورعانىس كوزى بولا الادى.

- جاڭا المانىڭ شىرىنىمەن سۇرتىلگەن قىرتىس جانە ءاجىم تەرى جاندانىپ، جاڭارادى. تەرىنىڭ تۇلەۋىنە، بۇيرەك جانە باۋىر اۋرۋىنا، تامىردىڭ قاتايۋىنا، ەكزەما مەن ريەۆماتيزمگە وتە پايدالى الما شىرىنى سونداي-اق، سۋىققا، جوتەلگە، تاماق اۋرۋىنا، ىستىق كوتەرىلۋىنە جانە ءتۇرلى قابىنۋلارعا دا جاقسى.

- الما شىرىنى اس قورىتۋ جۇيەسىن رەتتەيدى. جاتاردان بۇرىن جەلىنگەن ءبىر الما ادامنىڭ جاقسى ۇيىقتاۋىنا كومەكتەسەدى.

- قۇرامىندا 85% سۋ، 12% شەكەر، ورگانيكالىق قىشقىلدار، سودا، فوسفور، تانين جانە ا، ۆ 1، ۆ 2، س، ە، رر ۆيتاميندەرى بار بۇل كەرەمەت جەمىس قۇرامىنداعى ورگانيكالىق قىشقىلدار، سودا جانە فوسفوردىڭ كومەگىمەن مي، باۋىر، اسقازانعا وڭ اسەر ەتەدى. تاماقتان بۇرىن المانى ۇككىشتەن وتكىزىپ، ءتۇسى قارايعاننان كەيىن جەسە اس قورىتۋ جۇيەسىن رەتتەيدى. شيكى الما ءىش قاتۋعا پايدالى.

- الما سىركەسى دە ءومىر ەليكسيرى بولىپ تابىلادى. بالمەن قوسىپ ىشسە، اعزانىڭ يممۋنيتەت جۇيەسىنە ۇلكەن پايداسىن تيگىزەدى. قۇرامىنداعى كوپ مولشەردەگى كاليي  ارقىلى جۇرەك بۇلشىق ەتتەرىنىڭ قۇرىلىمىن كۇشەيتەدى. ءجيى تۇماۋمەن اۋىراتىن نەمەسە تىنىس جۇيەسى قابىنعان ادامداردىڭ يممۋنيتەتىن ارتتىرادى. ۇزبەي ىشسە، سالاتتارعا الما سىركەسىن قوسىپ قولدانسا جوعارى حولەستەريندى دە تۇسىرەدى.

---