InfoHub Logo

ساباقتىڭ تاقىرىبى: داۋىسسىز ق مەن ع
ساباقتىڭ ماقساتى: «ق» دىبىسىنان اياقتالعان سوزگە داۋىستى دىبىس جالعانسا، «ق» دىبىسىنىڭ «ع» دىبىسىنا اينالاتىنىن مەڭگەرتۋ.
بىلىمدىلىك: «ق» دىبىسىنىڭ بارلىق بۋىنداردا كەلە بەرەتىنىن، ال «ع» دىبىسىنىڭ ءسوز باسىندا جانە ورتاسىندا كەلەتىنىن، ءسوز سوڭىندا جازىلمايتىنىن بايقاتۋ.
دامىتۋشىلىق: وقۋشىلاردىڭ بايقامپازدىعىن، ويلاۋىن، بايلانىستىرىپ سويلەۋ ءتىلىن، سوزدىك قورىن دامىتۋ.
تاربيەلىك: وقۋشىلاردى ۇقىپتىلىققا، جازۋ كوللەگرافياسىنا كوڭىل ءبولىپ، كوركەم جازا بىلۋگە باۋلۋ، ءبىلىم، بىلىك داعدىلارىن قالىپتاستىرۋ.
ساباقتىڭ ءتۇرى: ارالاس ساباق
ساباقتىڭ ادىستەرى: پروبلەمالىق، ىزدەنۋشىلىك.
كورنەكىلىكتەرى: پلاكات، كەسپە قاعازدار.

ساباقتىڭ بارىسى
ءى. ۇيىمداستىرۋ ءبولىمى
پسيحولوگيالىق دايىندىق
كەل، بالالار، وينايىق،
وينايىق تا، ويلايىق.
قاي تاپسىرما بولسا دا
ورىنداماي قويمايىق.

ءىى. ءۇي تاپسىرماسىن تەكسەرۋ
(119 – جاتتىعۋ تەكسەرۋ)
م: سوزدەرگە ۋ دىبىسى جالعانعاندا قانداي وزگەرىس بولدى؟
و:
م: تاپ، جاپ بولىپ ايتىلادى
وي اشار. (تاقتادان وقۋ)
قولعاپ – قولعابى
دوپ - دوبى
ءتارتىپ – ءتارتىبى
قوراپ - قورابى
تالاپ – تالابى
مەكتەپ – مەكتەبى
م: سونىمەن، كىم ەرەجەسىن ايتىپ جىبەرەدى؟
و: پ دىبىسىنا اياقتالعان سوزدەن كەيىن داۋىستى دىبىس كەلسە، پ دىبىسى ب دىبىسىنا اينالادى.
م: ەندى بالالار، مىنا سوزدەردى وقىپ كورەيىك.
قالاق – قالاعى ---------------- قاسىق - قاسىعى
ۇشاق – ۇشاعى --------------------- قالپاق - قالپاعى
مىسىق – مىسىعى --------------------- پىشاق – پىشاعى
م: بالالار، الدىڭعى بەرگەن ەرەجەنى وسى وقىلعان سوزدەرگە دە ايتۋعا بولا ما؟ ەندەشە قايتا ايتايىق. (1 - 2 بالادان سۇراۋ)
و:
م: تەك نەنى وزگەرتىپ ايتتىڭدار؟
و:
م: سونىمەن ءبىزدىڭ جاڭا ساباعىمىز «داۋىسسىز ق مەن ع» دەپ اتالادى.
121 - جاتتىعۋ. ولەڭدى كوشىرىپ جازۋ. كۇردەلى تاپسىرمانى ورىنداۋ. ءسوز سوڭىنداعى «ق» دىبىستىڭ «ع» دىبىسىنا اينالدى.
وي قوزعاۋ.
م: بالالار، كىتاپتاعى ەرەجەنى وقيمىز. نە بايقادىڭدار؟ ۇقساس پا؟ ايىرماشىلىعىن تاپ. ايىرماشىلىعى – «ع» ءارپى ءسوزدىڭ سوڭىندا جازىلمايدى. اۋىزشا «ق» دىبىسىنىڭ ءسوز سوڭىندا جازىلمايدى. وسىعان بايلانىستى 120 - جاتتىعۋ جارايمىز. اۋىزشا «ق» دىبىسىنىڭ سوڭىندا، باسىندا، ورتاسىندا جازىلىپ، اياعىندا جازىلمايتىنىنا كوز جەتكىزۋ.
كوركەم جازۋ
سەرگىتۋ ءساتى
ورنىمىزدان تۇرامىز
ەكى قانات جايامىز
قارلىعاش بوپ ۇشامىز
كوك اسپاندى قۇشامىز
جەرگە كەلىپ قونامىز.
ورنىمىزدى تابامىز.
م: بالالار الدىمىزدا قانداي مەرەكە كەلە جاتىر؟
و:
م: يا، 25 قازان رەسپۋبليكا كۇنى. سول مەرەكەگە بايلانىستى، ءقازىر تەرمە ديكتانتىن ورىندايمىز. مەن ولەڭدى وقىپ بەرەمىن، سەندەر تىڭداپ وتىرىپ «ق» دىبىسىنان ەستىلگەن سوزدەردى تەرىپ جازاسىڭدار.
اقجايىق، التاي اراسى،
قازاقتىڭ شالقار دالاسى
رەسپۋبليكاما قاراشى!
م: بۇل ولەڭدە اقجايىق، قازاقتىڭ، شالقار، قاراشى. ەرەجەگە سايكەس كەلەتىن سوزدەر بار ما؟ بولسا ەرەجەگە سايكەستەپ ايتايىق.
اقجايىق – اقجايىعى
قازاق – قازاعى
م: اۆتور ولەڭدى قانداي سەزىممەن جىرلاپ تۇر؟
و:
ويىن: «تىزبەك» ديداكتيكالىق ويىن
شارتى: جاپىراقتىڭ سىرتىنا جازىلعان سوزگە ءبىر وقۋشى «ى» دىبىستارىن قوسىپ ايتىپ، ارتىندا وتىرعان وقۋشىعا بەرەدى. ول وقۋشى سول سوزبەن سويلەم ويلايدى. مىس: ساباق - ساباعى. اسان ساباعىنا دايىندالدى. وراق، ۇرشىق، قاباق، جولاق، پاراق.
جەڭگەن قاتاردى شىعارۋ.
م: سونىمەن، ءبىز بۇگىن قانداي ەرەجەمەن تانىستىق؟
و:
ۇيگە تاپسىرما بەرۋ
م: 123 - جاتتىعۋ، ەرەجە جاتتاۋ
باعالاۋ
م: ساباققا جاقسى قاتىسقان وقۋشىلاردى ماقتاۋ ءادىسى ارقىلى باعالايمىن.