InfoHub Logo

2021 جىلدىڭ 1 قاڭتارىنان دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.

«2021 جىلدىڭ 1 قاڭتارىنان باستاپ بالاباقشالار، مەكتەپتەر مەن كوللەدجدەردەگى دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى. ەندى دەنە شىنىقتىرۋ مۇعالىمدەرىنىڭ ەڭبەكاقىسىنا اي سايىن قوسىمشا 17 697 تەڭگە تولەنەتىن بولادى. وسى رەتتە دەنە شىنىقتىرۋ مۇعالىمدەرىنىڭ فۋنكسيونالى كەڭەيىپ وتىر» دەپ جازدى مينيستر Facebook پاراقشاسىندا.

ونىڭ اتاپ وتۋىنشە، مۇعالىمدەر ادەتتە وتكىزەتىن دەنە شىنىقتىرۋ ساباقتارىنان بولەك، قوسىمشا سپورتتىق-ساۋىقتىرۋ ساباقتارىن، ياعني سەكسيالار وتكىزەتىن بولادى.

ءار ءمۇعالىم قوسىمشا سەكسيالىق ساباقتار وتكىزەدى، سايكەسىنشە بالالار مەكتەپتەگى قاجەتتى جابدىقتارىنىڭ بولۋىنا بايلانىستى ءتۇرلى سپورت سەكسيالارىنا قاتىسا الادى.

«بالالاردى سپورت سەكسيالارى ارقىلى قوسىمشا ساباقتارعا تارتۋ – سالاۋاتتى ءومىر سالتىن قالىپتاستىرۋ، ءبىلىم الۋشىلاردى سپورتقا باۋلۋ جانە ولاردىڭ دەنساۋلىعىن نىعايتۋ بويىنشا بەرىلگەن مەملەكەت باسشىسى قاسىم-جومارت توقايەۆتىڭ تاپسىرمالارىنىڭ شەڭبەرىندە باسقا دا كەشەندى شارالار قابىلدانادى»،- دەدى اسحات ايماعامبەتوۆ.

ەستەرىڭىزگە سالا كەتسەك، پرەزيدەنت تاپسىرماسى اياسىندا 2021 جىلدىڭ 1 قاڭتارىنان باستاپ پەداگوگتەردىڭ جالاقىسى تاعى 25 پايىزعا ءوستى. سونىمەن قاتار بىلىكتىلىك ساناتىنا قاراي مۇعالىمدەر ەڭبەكاقىنىڭ 30-دان 50 پايىزعا دەيىنگى كولەمىن قوسىمشا الا الادى. ءپاندى اعىلشىن تىلىندە جۇرگىزگەنى ءۇشىن، داپتەر تەكسەرگەنى ءۇشىن، سىنىپ جەتەكشىلىگى ءۇشىن دە تولەنەدى. مۇنان بولەك ماگيسترلىك دارەجەسى ءۇشىن 27 مىڭ تەڭگە كولەمىندە قوسىمشا تولەم ەنگىزىلدى.

---