InfoHub Logo

قازاق ادەبيەتى 5 - سىنىپ
ساباق تاقىرىبى: ءدىني اڭگىمەلەر. قاسيەتتى قۇران كارىم جايىندا
ساباق ماقساتى:
1. بىلىمدىلىك: ءدىني اڭگىمەلەر تۋرالى ماعلۇمات بەرە وتىرىپ، قاسيەتتى قۇران كارىم جايىندا وي تولعاتۋ، يسلام ءدىنى جانە تەرىس دىندەردىڭ پايدا بولۋ سەبەپتەرىن اشا ءتۇسىندىرۋ.
2. دامىتۋشىلىق: وقۋشىنىڭ ءوز پىكىرىن قورعاي بىلۋگە ۇيرەتۋ. سوزدىك قورلارىن، يسلام ءدىنى تۋرالى بىلەتىن اقپاراتتارىن جيناقتاتۋ جانە دامىتۋ.
3. تاربيەلىك: يسلام ءدىنىن دارىپتەۋ، يماندىلىققا، جاقسىلىق پەن جاماندىقتى ايىرا بىلۋگە، تازالىققا تاربيەلەۋ.
ساباق ءتۇرى: ارالاس ساباق
ساباق ءادىسى: بايانداۋ، سۇحباتتاسۋ، ايتىس، دالەلدەۋ
ءپانارالىق بايلانىس: ءدىنتانۋ، تاريح
كورنەكىلىگى: ءۇنتاسپا، سىزبالار، سلايد شوۋ.

ساباق بارىسى
I. ۇيىمداستىرۋ كەزەڭى
سىنىپ ەكى توپقا بولىنەدى. جاقتاۋشى جانە داتتاۋشى.
II. ءۇي تاپسىرماسىن سۇراۋ
III. جاڭا ساباق
ءمۇعالىمنىڭ كىرىسپە ءسوزى
سلايدتان مىنا سۋرەتتەر كورسەتىلەدى. نە بەينەلەنگەن؟
(وقۋشى جاۋابى تالقىلانادى) ءۇنتاسپادان قۇران كىتابى تۋرالى ماعلۇمات تىڭداتىلادى.

ادامنىڭ بويىنداعى ەڭ باستى قاسيەت - ول تانىم مەن سەنىم. ادامزات قوعامى تاريحىندا ءاربىر ادام سەنىمدەرىنىڭ ەڭ ابزالى - جاراتۋشىعا دەگەن سەنىم. سەنىم نەگىزىندە ادامنىڭ دۇنيەتانىمى قالىپتاستى. جاراتۋشىعا دەگەن سەنىمى قالىپتاسقاننان كەيىن ادامدار ودان قاجەتىن سۇرادى، تىلەدى، قۇلشىلىق ەتتى، دارىپتەدى، سوعان ساي بەرەدى دەپ ۇمىتتەندى نەمەسە جاراتۋشىنىڭ امىرىنە قارسى كەلۋدەن قورىقتى. سول سەنىم ءىس - ارەكەتتەردى، قۇلشىلىقتارىنداعى ءجون - جورالعىلار مەن سالتتاردى، ەرەجەلەر مەن قاعيدالاردى ”ءدىن“ دەپ اتادى. ءدىننىڭ وزىندىك ءجون - جورالعىلارى كوپ. سوندىقتان ول كەيدە داستۇرگە دە ۇقساپ كەتەدى.

قۇران كارىم - مۇسىلمان قاۋىمىنىڭ قاسيەتتى كىتابى. قۇراندا اللا تاعالانىڭ اتىنان ايتىلاتىن وسيەت - ونەگەلەر، ەكى دۇنيەلىك ەرەجە - قاعيدالار جيناقتالعان. اراب تىلىندە – وقۋ دەگەندى بىلدىرەدى. قۇراندا 114 سۇرە بار. سۇرەلەر بەلگىلى ءبىر تارتىپپەن ورنالاسقان. ول مەككەلىك (92) جانە مەدينەلىك (22) دەپ ەكىگە بولىنەدى. سۇرە اياتتارعا بولىنەدى. قۇرانداعى ەڭ ۇزاعى 2 - ءشى سۇرە - 286 ايات، قىسقاسى - 103، 108، 110سۇرەلەر - 3 - اق اياتتان تۇرادى. شىعىس ەلدەرىنىڭ اقىن - جازۋشىلارى قۇراننان دايەكتەمەلەر العان. قۇراننىڭ ءسوزىن ءتۇسىنۋ وڭاي ەمەس، وندا ارنايى ءتۇسىندىرۋدى قاجەت ەتەتىن سوزدەر ءجيى كەزدەسەدى. مۇندا وسيەت، ماقال - ماتەل، اڭىز اڭگىمەلەر، تاريحي وقيعالار، ءتىپتى مۇسىلمان حالقى ءۇشىن كۇندەلىكتى تۇرمىسقا قاجەتتى زاڭدار بەرىلگەن. قۇران - قاسيەتتى كىتاپ.
كىتاپپەن جۇمىس
1. سوزدىك جۇمىس
2. وقۋلىقتاعى ءماتىندى مانەرلەپ وقۋ. 3. ماعىناسى اشىلادى.
IV. ساباقتى بەكىتۋ