دۋاداق
دۋاداق — وتە ءىرى قۇستاردىڭ ءبىرى، ەرەسەك اتالىق دۋاداقتىڭ سالماعى 16 كگ جەتەدى. كۇشتى ۇزىن اياقتارىندا كەسكىندى كەۋدەسى، ۇزىن جۋان موينىندا كىشىلەۋ باسى ورنالاسقان جانە تۇمسىعىنىڭ شەتىندە «مۇرتى» — قاتتى قاۋىرسىندارى بولادى. قازىرگى كەزدە تىرناتارىزدىلەر وتريادى، دۋاداقتار تۇقىمداسىندا نەبارى 22 ءتۇر عانا بار، ونىڭ ۇشەۋى قازاقستاندا تىرشىلىك ەتەدى (دۋاداق، بەزگەلدەك، جەكدۋاداق).
دۋاداق — بۇيىعى جانە ساق قۇس. ەگىستىك القاپتارىن مەكەندەيدى، ۇياسى جەردە بولادى، ۇياسىنا 2-3 جۇمىرتقا سالادى. جۇمىرتقالارىن انالىعى باسادى، ال اتالىعى ولاردى قورعاپ، ماڭىندا جۇرەدى. دۋاداقتار وسىمدىك تۇقىمدارى، تامىرساباق، جاندىكتەر، قۇرتتار، ءتىپتى ۇساق قۇستاردىڭ بالاپاندارىمەن دە قورەكتەنەدى. قازاقستانداعى تىڭ جەردى جىرتۋ جانە شەكتەن تىس اۋلاۋدىڭ سالدارىنان، حح عاسىردىڭ 70ء-شى جىلدارىندا ەلىمزدە دۋاداق جوق بولىپ كەتتى. دۋاداق قازاقستاننىڭ قىزىل كىتابىنا جويىلىپ كەتۋى ىقتيمال دەپ ەنگىزىلىپ وتىر، اۋلاۋعا تولىق ءتيىم سالىنعان. قازاقستاندا سوڭعى 5 جىلدا دۋاداقتىڭ سانى جايلاپ وسۋدە.
You Might Also Like
-
قازاقستاننىڭ ەڭبەگى سىڭگەن سپورت شەبەرى، كسرو-نىڭ جەتى دۇركىن، 1987 جىلعى ەۋروپا، 1987 جىلعى جانە 1989 جىلعى الەم كۋبوكتارىنىڭ جەڭىمپازى، 1988 جىلعى XXIV وليمپيادانىڭ كۇمىس جۇلدەگەرى، 1992 جىلعى XX...
-
دارىلىك وسىمدىكتەر، شيپالى وسىمدىكتەر — مەديسينادا جانە مال دارىگەرلىگىندە ەمدەۋ جانە اۋرۋدىڭ الدىن الۋ ماقساتىندا قولدانىلاتىن وسىمدىكتەر. دارىلىك وسىمدىكتەردىڭ ەمدىك قاسيەتى ولاردىڭ قۇرامىن...
