InfoHub Logo

دارىلىك وسىمدىكتەر، شيپالى وسىمدىكتەر — مەديسينادا جانە مال دارىگەرلىگىندە ەمدەۋ جانە اۋرۋدىڭ الدىن الۋ ماقساتىندا قولدانىلاتىن وسىمدىكتەر. دارىلىك وسىمدىكتەردىڭ ەمدىك قاسيەتى ولاردىڭ قۇرامىندا ستەرويد، تريتەرپەن، الكالويد پەن گليكوزيدتەردىڭ، ۆيتاميندەردىڭ، ەفير مايلارى مەن تۇتقىر زاتتار سياقتى ءتۇرلى حيميالىق قوسىلىستاردىڭ بولۋىنا بايلانىستى. قازاقستاندا وسەتىن التى مىڭنان استام وسىمدىك ءتۇرىنىڭ بەس جۇزدەي ءتۇرى دارىلىك وسىمدىكتەرگە جاتادى. مىسالى، ايىر، الوە، ءبارپى، دارمەنە، دولانا، لاپىز، جۋا، يتمۇرىن، راۋعاش، سۇيەلشوپ، شاڭكىش، قاسقىرجيدەك، قارعاكوز، ءشايشوپ، ءشىقشوپ، ت.ب. دارىلىك وسىمدىكتەر كەپتىرىلگەن ءشوپ، تۇنبا، قايناتىندى، شاي، ۇنتاق، ت.ب. تۇرىندە قولدانىلادى. دارىلەردى دايىنداۋ ءۇشىن شيكىزات رەتىندە پايدالانىلاتىن دارىلىك وسىمدىكتەر بولەك ىرىكتەلەدى. ءدارىنى، كوبىنەسە، جابايى وسىمدىكتەردەن الادى.