(م. يۋ. لەرمونتوۆتان)

ومىردە ويعا ءتۇسىپ كەم-كەتىگىڭ،
تۋلاعىش مىنەزىڭ بار، جۇرەك، سەنىڭ.
سوندا سەنىڭ وتىڭدى باساتۇعىن،
وسى ولەڭ — وقيتۇعىن دۇعام مەنىڭ.

ىشىندە ءبىر قۋاتى بارعا ۇقسايدى،
ءتىرى ءسوزدىڭ جانى — سول، ايرىلمايدى.
قاسيەتتى ءنافاسى¹ جەلدەي ەسىپ،
قايناپ تۇرعان ىستىق قان سالقىندايدى.

جانىڭنىڭ اۋىر جۇگى جەڭىلگەندەي،
كوڭىلدەن كەرنەگەن كەك كەمىگەندەي —
بولادى جىلاۋعا دا، سەنۋگە دە،
جۇرەكتىڭ باسىنان ۋ توگىلگەندەي.

---