دۇرەك
كەشە ءبىر قاريادان ەستىگەن اڭگىمەم ماعان قاتتى اسەر ەتتى. سونى وزدەرىڭىزبەن بولىسكىم كەلىپ وتىر. قازىرگى قاراتاۋدىڭ ەتەگىندەگى بۇگىنگى اباي-باباي اۋىلى ماڭىندا بولعان وقيعا ەكەن. ءبىر بايدىڭ مىڭعىرعان مالى، ەكى توبەتى بولىپتى. ەكى توبەتى ايماقتىڭ باسقا يتتەرىن قان قاقساتىپ، بۇكىل يت اتاۋلىدا تەڭ كەلەر سابالاق تابىلماپتى. ەكەۋىنىڭ مىقتى دەگەن اتى شىعىپ، ەلدىڭ اۋزىندا اڭىزعا اينالىپتى.
سول توبەتتەردىڭ ءبىرىن باي ۇيىنە كەلگەن بويدا توردە ءىلۋلى تۇرعان مىلتىقتى الا سالىپ اتىپ تاستايدى. ەكىنشىسىن دە اتقالى تۇرعاندا ايەلى مەن بالا-شاعاسى جابىلىپ2 توبەتتى اتتىرماي امان الىپ قالادى. سونداعى بايدىڭ اشۋىنا تيگەن وقيعا بىلاي بولىپتى.
سول كۇنى باي ءبىر قىردىڭ باسىندا قويلارىن باعىپ، الىستان قاراپ تۇرسا، الگى قىردىڭ استىنان ءبىر شاڭ شىعادى. سول-اق ەكەن سوڭىنا ىلەسىپ جۇرگەن ەكى توبەتى بايدىڭ اتىنىڭ باۋىرىنا كىرىپ قىڭسىلاپ جاتا قالادى. بايقاپ قاراسا، جاڭاعى شاڭنىڭ ارتىندا، ءبىر كوكجال قاسقىر بۇلارعا تىكە بەتتەپ، قارسى شاۋىپ كەلەدى ەكەن. سودان ەكى توبەت ىعىپ تىعىلىپ قالادى. ءبىراق كوكجال قاسقىر بايدىڭ قاسىنان جان ۇشىرا وتە شىعادى. سويتسە ارتىندا ونى جانالقىمعا الىپ، ءبىر دۇرەك (تازى مەن توبەتتەن تۋعان) تازى قۋىپ كەلەدى ەكەن. ال الگى بايدىڭ ەكى توبەتى سول قاسقىردان قورقىپ، كىرەتىن ءىن تاپپاي، ات ساۋىرىنا تىعىلعانىمەن، ارتىندا قۋىپ كەلە جاتقان دۇرەكتى جابىلىپ تالاي باستايدى. قاسقىر قۇتىلىپ ول كەتەدى. ال دۇرەك سول جەردە ەكى توبەتتى شەڭگەلدىڭ تىرناعىندا قالىپ، ازۋلى توبەتتەر ەكى اياعىن شايناپ، قان جوسا قىلىپ ولتىرەدى. بايدىڭ اراشاسىنا دا پىسقىرمايدى. سودان اشۋلانىپ باي ەكى توبەتتى اتىپ تاستاماقشى بولعان ەكەن.
ءار زاماندا، ءار ەلدە دۇرەكتەي جىگىتتەر تۋادى. وعان قوسا ونى تالايىن توبەتتەر دە قوسا تۋادى-مىس.
You Might Also Like
-
قازىرگىزاماندا بولىپ جاتقان ەكنوميكالىق، ساياسي، اقپاراتتىق، مادەني جانە ءدىني كەڭىستىكتىڭ جاھاندانۋى الەمدىك ۇردىستەردىڭ ماڭىزدى فاكتورى بولىپ تابىلادى. بۇل قۇبىلىس جاعىمدى اسپەكتىلەرمەن قاتار بەلگى...
-
رامازان ايىندا داستارحاننان ۇزىلمەيتىن ازىق — قۇرما. پايعامبارىمىز (الەيھيسساللام) قۇرمامەن اۋىز اشاتىن ەدى. ءبىر حاديس شاريفىندە «ورازا ۇستاعان ادام قۇرمامەن اۋىز اشسىن! ويتكەنى قۇرما ب...
