ناۋقاستارعا شاكارىم قۇايبەردىۇلىنان وسيەت!
اباي ءداستۇرىن جالعاستىرۋشى، اقىن شاكارىم اتامىز ءوزىنىڭ «مۇسىلماندىق شارتى» دەپ اتالاتىن ەڭبەگىندە بىلاي دەيدى: «اۋرۋ بولسا، وقىعان-بىلگەن دارىگەرگە قارالىپ، اللاھتان شيپا سۇراسىن. باقسى، بالگەر تۋرالى پايعامبارىمىزدىڭ ءحاديسى مىناۋ: «كىمدە كىم ءبىر نارسەنى حارام قىلسا، ياكي حارام قىلدىرسا، ياكي بال اشسا، سيقىر قىلسا، ياكي سيقىر قىلدىرسا، ولار مەنىڭ ۇممەتىم ەمەس. جانە بىرەۋ ءبىر باقسىعا بال اشقىزىپ، سونىڭ ايتقانىنا نانسا، انىق كۇپىرلىككە ۇرىنعانى، قۇرانعا نانباعانى ءۇشىن» دەگەن. قۇمالاق سالعان، جاۋىرىن جاققان، ءبىر نارسەنى ارام قىلعان — ءبارى سولاردىڭ جولداسى. بارىنەن دە اۋلاق بولۋ كەرەك. وسىنداي ادامدى جامان ۇيرەتىپ، نە بولسا سونى ادەيى قىلعىزىپ، بەينە ءبىر سوندايدى ءبىلىم قاسيەت شىعاتىنداي كورىپ تۇرادى. تاستىڭ ۇڭگىرىن، جالعىز اعاشتى اۋليە دەپ، مال تۇنەتىپ، الەم (شۇبەرەك) بايلاماق — ءبارى وسىنداي جامان ءىس. ەگەر دە سونداي داعى قىلعان ءبىر نارسەنى قويعاندا، ءبىر قازاعا ۇشىراساڭ دا ودان دەپ ويلاما. زينھار ساقتان، ءبىر اللاھۋ تا’الادان وزىنەن باسقادان پايدا دا، زيان دا جوق. نە بولسا دا اللاھتىڭ پارمەنىمەن بولادى. ونداي نارسەلەردە تۇك قاسيەت جوق. ءبىراق وقىپ-بىلگەن دارىگەرگە ەمدەتۋ وبال (قاتە) ەمەس.
پايعامبارىمىز : «ەي، اللاھتىڭ قۇلدارى، اۋرۋلارىڭىزدى ەمدەتىڭىزدەر. اللاھۋ تا’الا داۋسىز ەشبىر ناۋقاس جاراتقان جوق، جالعىز كارىلىك پەن اجالدان باسقا»، — دەگەن. ءبىراق دارىگەر دە انىق جازادى دەمەيسىڭ، اللاھۋ تا’الادان شيپاسىن كەز قىلار ما ەكەن دەپ ءۇمىت قىلاسىڭ. وقىعان دارىگەرلىك جامان ەمەس، ءبىراق ءبىزدىڭ ايتقانىمىز باقسى-قۇشىناش ەمەس، سونى جاقسى ۇعىنىڭىز».
You Might Also Like
-
جازدا اۋىلىنا دەمالىسقا كەلگەن شوقان ساققۇلاق شەشەندى قوناققا شاقىرىپ، بىرنەشە كۇن ونىڭ تاعىلىمدى اڭگىمەلەرىن تىڭدايدى. ديدارلاسۋ كەزىندە جاس شوقان قوناققا توسىننان سۇراقتار قويىپ:
