ورازا ۇستاعان كىسى قۇرمامەن اۋىز اشسىن!
رامازان ايىندا داستارحاننان ۇزىلمەيتىن ازىق — قۇرما. پايعامبارىمىز (الەيھيسساللام) قۇرمامەن اۋىز اشاتىن ەدى. ءبىر حاديس شاريفىندە «ورازا ۇستاعان ادام قۇرمامەن اۋىز اشسىن! ويتكەنى قۇرما بەرەكەتتى» دەگەن. قۇرمانىڭ بەرەكەتتى بولۋىنىڭ سەبەبىن ايتا كەتەيىك. ونىڭ اعاشى «ءناحلا» دەپ اتالادى. بۇل اعاشتىڭ جاراتىلۋىندا جيناقىلىق پەن ادىلەتتىك بار. ادامنىڭ جاراتىلىسى دا وسىنداي. پايعامبارىمىز ءناحلا اعاشىن «ادامزاتتىڭ اپاسى» (اكەسىنىڭ قىز باۋىرى) دەگەن. «اپالارىڭ بولعان ءناحلانى قۇرمەتتەڭدەر! ويتكەنى بۇل اعاش ادام الەيھيسسالامنىڭ توپىراعىنان ارتىلعانىنان جاراتىلعان »دەدى. وسى سەبەپتەن، ءناحلانىڭ جەمىسى قۇرمانى جەگەندە ول ادامنىڭ بولشەگى، ءتىنى بولادى.
قۇرمانىڭ پايدالارى ساناۋمەن بىتپەيدى. حاديس شاريفتە بىلاي دەلىنەدى:
«جاڭادان بوسانعان ايەل قۇرما جەسە، بالالارى تىنىش بولادى. حازرەتى يسا تۋىلعاندا حازرەتى ءماريام قۇرما جەدى. ودان جاقسىراعى بار بولعاندا، اللاھۋ تا'الا سونى بەرەتىن ەدى».
ءاناس بين ماليك حازرەتتەرى ايتىپ بەرگەن:
پايعامبارىمىز قايتىس بولعاننان سوڭ ونى تۇسىمدە كوردىم. الدىندا ءبىر تاباق قۇرما بار. «يا، راسۋلاللاھ! اللاھۋ تا'الا سىزگە بەرگەن نارسەدەن ماعان دا بەرىڭىزشى!» دەدىم. ماعان ءبىر قۇرما بەردى. سوندا مەن «يا، راسۋلاللاھ، سىيىڭىزدى ارتتىرىڭىزشى» دەدىم. وسىلاي توعىز قۇرماعا دەيىن بەردى. سوسىن بيلالدىڭ ازانىنان ويانىپ كەتتىم.
مەشىتكە كەلىپ تاڭ نامازىن وقىدىق. نامازدان كەيىن سىددىقتى كوردىم. ارقاسىن ميحرابقا قاراتىپ وتىر، تۇسىمدە كورگەن راسۋلۋللاھتىڭ الدىندا تۇرعان قۇرما تاباعى سىددىقتىڭ الدىندا تۇرعان ەدى. سوندا مەن:
— يا، راسۋلۋللاھتىڭ حاليفاسى! اللاھۋ تا'الانىڭ سىزگە بەرگەن نيعمەتتەرىنەن ماعان دا بەرىڭىزشى! — دەدىم.
ماعان ءبىر قۇرما بەردى. «ارتتىرىڭىزشى» دەپ توعىز قۇرما الدىم. سوسىن تاعى سۇراعانىمدا:
— يا، ءاناس! ەگەر تۇندە راسۋلۋللاھ كوبىرەك بەرگەندە، مەن دە ساعان كوبىرەك بەرەر ەدىم، — دەپ جاۋاپ بەردى.
وقۋعا كەڭەس بەرەمىز:
سان ءتۇرلى دەرتتىڭ شيپاسى — قۇرما
ورازا تۇتىپ دەنساۋلىققا قاۋىشىڭىز
جاپون عالىمى ورازانىڭ پايداسىن دالەلدەگەنى ءۇشىن نوبەل سىيلىعىن الدى
مۇباراك رامازان ايى وتە قاسيەتتى، مارتەبەلى
ورازاعا قاتىستى پايدالى مالىمەتتەر
جارامازان
You Might Also Like
-
كەشە ءبىر قاريادان ەستىگەن اڭگىمەم ماعان قاتتى اسەر ەتتى. سونى وزدەرىڭىزبەن بولىسكىم كەلىپ وتىر. قازىرگى قاراتاۋدىڭ ەتەگىندەگى بۇگىنگى اباي-باباي اۋىلى ماڭىندا بولعان وقيعا ەكەن. ءبىر بايدىڭ مىڭعىرعا...
