InfoHub Logo

«قازاقستان رەسپۋبليكاسىنىڭ ازاماتتىعى ادامنىڭ مەملەكەتپەن تۇراقتى ساياسي-قۇقىقتىق بايلانىسىن ايقىندايدى، بۇل بايلانىس ولاردىڭ ءوزارا قۇقىلارى مەن مىندەتتەرىنىڭ جيىنتىعىنان كورىنەدى. قازاقستان رەسپۋبليكاسىندا ءاربiر ادامنىڭ ازاماتتىق الۋعا قۇقىعى بار».  ەلىمىزدە تۇراقتى تۇرۋ ماقساتىندا كەلگەن جانە جاقىن تۋىستارىنىڭ بىرەۋى قازاقستان رەسپۋبليكاسىنىڭ ازاماتتارى بولىپ تابىلاتىن بۇرىنعى وداقتاس رەسپۋبليكالاردىڭ ازاماتتارى ولاردىڭ قازاقستان رەسپۋبليكاسىنىڭ ازاماتتارىمەن تۋىستىق دەڭگەيىن كۋالاندىراتىن قۇجاتتاردى ۇسىنادى.

ازاماتتىق الۋ تاقىرىبىن ءسوز ەتكەندە ورالمانداردى دا ەسكەرە كەتۋ كەرەك. سوعان بايلانىستى ەلىمىزدە ورالماندارعا قازاقستان ازاماتتىعىن الۋ جەڭىلدەتىلدى.ورالماندار ەندى قازاقستان ازاماتتىعىن قيىندىقسىز الا الادى. بۇرىندارى قازاق ەلىنىڭ ازاماتى اتانۋ ءۇشىن قانداستارىمىز 3-5 جىل سارساڭعا تۇسسە، ءقازىر قۇجاتقا ءبىر جىل ىشىندە قول جەتكىزۋگە بولادى.

ەگەمەندىگىمىزدى العالى بەرى ەلىمىزگە 284 وتباسى، ياعني 1 ميلليوننان استام قانداسىمىز كوشىپ كەلگەن «بىلتىر كوبى وزبەكستاننان كەلگەن بولسا، ال بيىل 217 ادامنىڭ ىشىندە 63 پايىزى جۇڭگو حالىق رەسپۋبليكاسىنان بولىپ جاتىر”، – دەدى مەملەكەتتىك ەڭبەك ينسپەكسياسى جانە كوشى-قون باسقارماسىنىڭ ءبولىم باسشىسى كۇلسىن ىسقاقوۆا.

بۇگىنگى كۇنى وتانىنا ورالامىن دەگەن ازاماتتىڭ نەگىزگى ماقساتى – قازاقستان رەسپۋبليكاسىنىڭ ازاماتى بولۋ. سوندىقتان، قولدانىستاعى زاڭناماعا ازاماتتىقتى الۋعا بارىنشا جەڭىلدىك قاراستىرىلعان. اتاپ ايتساق، قازاقستانعا ورالعان باۋىرلارىمىزدىڭ قونىستانعان وڭىرىنە قاراماستان 5 كۇننىڭ ىشىندە «ورالمان» مارتەبەسى بەرىلەدى. «ورالمان» مارتەبەسi ازاماتتىقتى العانعا دەيىن قازاقستان رەسپۋبليكاسى ازاماتتارىمەن بارلىق سالادا تەڭ قۇقىققا يە بولۋ ءۇشىن بەرiلەدi. ال ودان كەيىن تۇراقتى تۇرۋعا رۇقساتتى جەڭىلدەتىلگەن تۇردە 3 اي ىشىندە الۋعا بولادى. جانە ونى الۋ ءۇشىن باسقا شەتەلدىكتەر سياقتى تولەم قابىلەتتiلiگiن راستاۋدىڭ قاجەتى جوق. وسى «ورالمان» مارتەبەسىن الۋ جونىندەگى ماسەلەگە حالىقارالىق ادام قۇقىقتارى جونىندەگى ماسەلەلەرمەن اينالىسىپ جۇرگەن زاڭگەر گۇلميرا قۋاتبەكوۆا قازاقستان ازاماتتىعىن الا الماي جۇرگەن قازاقتاردىڭ ماسەلەسىن شەشۋ ءۇشىن مەملەكەتتىك كوميسسيا قۇرۋ كەرەك دەپ سانايدى.سونىمەن قاتار  مەرزىمى ءوتىپ كەتكەن ورالمان كۋالىكتەرىنە بايلانىستى ەڭبەك جانە حالىقتى الەۋمەتتىك قورعاۋ مينيستىرلىگىنە قاراستى كوشى-قون كوميتەتىنىڭ وكىلى باعلان قاسەنوۆتىڭ ايتۋىنشا، 2017 جىلى جاسالعان ەسەپ بويىنشا ورالمان كۋالىگىنىڭ سانى ەكى مىڭدى قۇراعان. ال ورالمان كۋالىگىنىڭ مەرزىمى ەندى عانا بىتكەن ادامدار بولسا، ونى التى اي ىشىندە ءۇش ايعا دەيىن ۇزارتىپ بەرەدى. سىرتقى ىستەر مينيستىرلىگىنىڭ رەسمي دەرەگى بويىنشا 2018 جىلعى 2000 ەتنيكالىق قازاق جۇڭگو ازاماتتىعىنان شىققان.  

ءبىزدىڭ ەلگە كىرگەن ۆيزانىڭ تۇرىنە قاراماستان وعان تۇراقتى تۇرۋ رۇقساتى بەرىلەدى. وسى رۇقساتتى العاننان كەيىن جەڭىلدەتىلگەن تۇردە 3 ايدىڭ ىشىندە قازاقستان رەسپۋبليكاسىنىڭ ازاماتتىعىن الۋ مۇمكىندىگى تۋىندايدى. سول سەبەپتى كەلىپ جاتقان قانداس باۋىرلارىمىزدىڭ قۇجاتتارى بارلىعى تۇگەل بولىپ، راسىمدەر ۋاقىتىندا جاسالسا، ولارعا 6 ايدىڭ ىشىندە قازاقستان ازاماتتىعىن الۋىنا بولادى. 

ورالمانداردى قوعامعا بەيىمدەۋ، ازاماتتىق الۋىنا جاردەمدەسۋ قىزمەتىمەن اينالىسىپ جۇرگەن "جىبەك جولى" باۋىرلاستار قوعامدىق بىرلەستىگىنىڭ جەتەكشىسى ءاليا تازابەكوۆا كوشى-قون پوليسياسىندا مامان جەتىسپەگەندىكتەن قۇجاتتاردى راسىمدەۋ تىم ۇزاققا سوزىلادى دەيدى.
- تۇسىنىكىسىز كەدەرگىلەرگە تاپ بولعان ورالماندار قۇجاتتارىن ۋاقتىلى الا المايدى. قۇزىرلى ورىندار تەكسەرەمىز دەپ ۋاقىت سوزادى. بۇعان قوسا، ورالماندارعا قانداي قۇجاتتار قاجەتتىگىن بىردەن ءتۇسىندىرىپ تە ايتپايدى، - دەيدى ءاليا تازابەكوۆا. وسى رەتتە ەسەنگۇل كاپ قىزىنىڭ «قاي ەلدىڭ ازاماتىسىز؟» اتتى ماقالاسى ەسىمە ەرىكسىز ءتۇسىپ وتىر. ءيا، «ق ر ازاماتى(ازاماتشاسى)» دارەجەسىن الۋ وتە وڭاي. وزگە مەملەكەتتەر سەكىلدى 10 جىل سول ەلدە تۇرىپ نەمەسە سول ەلدىڭ ءتىلىن ۇيرەنىپ، سالت – ءداستۇرىن ءبىلىپ، تاريحىن زەرتتەپ تەست تاپسىرۋدىڭ مۇلدەم قاجەتى جوق. باسقا ەلدىڭ ادامدارىن جيناپ ەلىمىزدىڭ سانىن كوتەرىپ، كوركەيىپ كەتەمىز دەگەن جاڭساق پىكىردەن اۋلاق بولۋىمىز كەرەك. ناقتىلى ءبىر شەشىم شىعارىپ، مەملەكەتىمىزدىڭ تازالىعىن ساقتاي بىلسەك قانا ءبىز «قازاق» دەگەن اتىمىزدان تۇسپەيمىز. كىم كورىنگەنگە ازاماتتىعىمىزدى وڭاي بەرە سالىپ، قانىمىزدى لاستاتپاۋىمىز كەرەك. «ۇلتى قازاق» دەگەن اتقا قازاق قانا لايىقتى.

---