مەنىڭ ءمۇعالىمىم، مەنىڭ ماقتانىشىم
اقتوبە وبلىسى
حرومتاۋ اۋدانى
بوگەتساي مەكتەپ-گيمنازياسى
8-كلاسس وقۋشىسى راحىمجان كوركەم
جەتەكشىسى :حاسەنوۆا گاليا راحىمجان قىزى
«ادام – تابيعاتتىڭ ءبىر بولشەگى» دەپ بەكەر ايتىلماعان ەكەن. قاراپ تۇرساڭ، ادامنىڭ قۇرىلىسىندا، جان دۇنيەسىندە تابيعاتقا وتە كوپ ۇقساستىق بايقالادى. سۋى مول، بۇلقىنباي اعاتىن تەرەڭ وزەندى كورگەندە، مىنەزى اۋىر، ءار ءىسىن تياناقتى اتقاراتىن، سابىرلى، از سويلەپ، كوپ جۇمىس تىندىراتىن كىسىلەر ەلەستەيدى. ونداي ادامدار كوپ ىشىندە جۇلقىنىپ سويلەمەيدى، «مەنى ەلەمەدى-اۋ» دەپ، ءوز قىزمەتىن بۇلدامايدى دا. وزىنە ءتان سابىرلىلىقپەن، ءار كۇنىن وزىندىك تابىسىمەن شىعارىپ سالادى. ونداي ادامدى تەك تىكەلەي بىلەتىن، ارالاسىپ جۇرگەن كىسىلەر بولماسا، باسقالارى بايقامايدى دا.
مەنىڭ اۋىلىمدا ءدال وسى ايتىلعاندارعا لايىقتى ازامات تۇرادى. ماماندىعى – فيزيكا ءپانىنىڭ ۇستازى. جاقسى مامان، اسىل ازامات.
يا، ۇستاز بولۋ وڭاي ەمەس. ءار ءۇيدىڭ ءبىر-بىر ەركەسىن وقىتۋ. ال، ءوزى ەركە بۇزىق بالانى جونگە كەلتىرۋ وڭاي شارۋا ەمەس. بۇل جولدا ءبىلىم دە كەرەك. ەڭ باستىسى بالانىڭ جۇرەگىنە جول تابا بىلەتىن پسيحولوگ بولا ءبىلۋ اۋاداي قاجەت. وسىنداي تالاپتارعا ۇستازدىڭ ۇستامى، ءتوزىمدى بولىپ، ورىندى شەشىم قابىلداي بىلۋىنە بايلانىستى.
مەنىڭ ۇستازىم ءبىر مەكتەپتە 36 جىل قىزمەت جاساپ، وسى مەكتەپتەن زەينەتكەرلىككە شىققان. جاستايىنان ەسكەرىمدى العىر اعاي ءوزىنىڭ تالپىنىسىن، ىزدەنىسىن ۇدايى جالعاستىرعان. قولىنا نە السا دا، مۇلتىكسىز ورىنداپ، تياناقتى تىندىرا ءبىلۋدى داعدىعا اينالدىرعان.
ۇزاق جىلعى ەڭبەكتەرى ەلەۋسىز قالماعان. تالاي رەت باعالى زاتتار، گراموتالار العانى ءوز الدىنا. 1968 جىلى «وقۋ اعارتۋ ءىسىنىڭ ۇزدىگى» مەدالىمەن ماراپاتتالعان.
بوگەتساي اۋىلىمنىڭ جاعاسىندا ور وزەنى اتتاس بۇلاق اعىپ جاتىر. وسى جەر ءبىر تاماشا كورىنىستىڭ مەكەنى سياقتى ماعان. بۇلاق اتىنا ساي قۇمدى جەردى قاق جارىپ، اۋىلدى ەكىگە ءبولىپ بارىپ، ور وزەنىنە قۇيادى. ول بۇلاق جىل ون ەكى ايدا ءبىر اسىپ-تاسپاي، ءوز قالپىن بۇزبايدى. سول بۇلاقتىڭ وزەنگە قۇيار ساعاسىندا مەنىڭ اعايىمنىڭ ءۇيى تۇر. سول بۇلاق ءبىر ءسات اعايعا ۇقساپ كەتكەندەي. اعايدىڭ سابىرلى، سالماقتى بەينەسى تابيعاتتان ەنشى العانداي كورىندى ماعان. «تابيعاتقا ۇقساعان ادام تالانتتى، قايراتتى بولادى» دەيدى دانا حالقىمىز. مەن دە اعايىمنىڭ سانالى ءومىرى مەن ونەگەلى ىسىنە ءدان ريزا بولامىن. ولاي بولسا، «وسىنداي ابزال جان جاپىراعىن كەڭگە جايىپ، جارقىراي بەرسىن!اعايدىڭ جاقسى ىستەرى ءاردايىم وركەن جايسىن!» دەمەكپىن.
You Might Also Like
