ەر تارعىن تۋرالى اڭىز
ەر تارعىننىڭ اكەسى جارلى، قارا كەدەي قارسى دەگەن كىسى ەكەن. سول كىسىنىڭ تەك مالدان تاۋىعى بولىپتى. تاۋىعىنىڭ جۇمىرتقاسىمەن كۇنەلتىپتى. سول كەزدە جۇرت حانعا سىيلىق اپارادى ەكەن. بۇ دا تاۋىعىنىڭ ەكى-ۇش كۇنگى جۇمىرتقاسىن جيناپ، حانعا سىيعا تارتپاق بولادى. ءسويتىپ بارا جاتسا، الدىندا وتكىزەتىن ادامدار بار ەكەن، ولار جىبەرمەپتى. ءبىراق بۇل قالايدا ەرىكسىزدەن وتەدى. حانعا بارادى. حان: «ءوزىنىڭ تاپقانى عوي» دەپ قارسى الادى. جانە وعان التىن بەرەدى. سونىمەن قايتادى. ول ۋاقىتتا ءوزى قارتايعان ۋاقىتى ەكەن. بالاسى جوق ەكەن. سودان بالا تىلەپ، بىرەۋگە قۇران اشتىرسا، ول: «سەن پالەن جەردەگى اۋليەگە تۇنە. سول جەر بالا بەرەدى»، — دەيدى. بارىپ تۇنەيدى. تۇندە ءتۇس كورەدى. قولىنا ءبىر قارا بۇركىت قونادى. باۋىنان ۇستاپ تۋرادى. كەرەمەت العىر بولىپتى. ول ءبىر ۋاقىتتا ءۇش رەت تالپىنىپ، قولىنان شىعىپتى دا كەتىپتى دەيدى. ويانسا، ءتۇسى. اۋىلعا كەلىپ، بال اشتىرعان كەزىندە جورىتىپتى: «ساعان ءبىر بالا بەرەدى ەكەن. ول باتىر بولادى. ءبىراق ول ءۇش رەت جاۋلاسىپ جەڭەدى دە، ارتىنان ەل-جۇرتىڭا قارسى بولىپ، قولىڭنان كەتەدى ەكەن»، — دەپتى. سونىمەن ءبىر بالا بولىپ، اتى ەر تارعىن بولىپتى. سودان ول ءۇش جەرمەن جاۋلاسىپ جەڭىپ، سودان كەتەدى.
You Might Also Like
-
بالالارمەن ويناپ جۇرگەن ەدىگە كەلە جاتقان ەكى كىسىنى سونادايدان كورىپ قالىپ، قاسىنداعى جەتكىنشەككە: «وزدەرىڭ سالەم بەرمەڭدەر، سالەم بەرسە، الىڭدار، «سالەم بەرمەدىڭدەر» دەپ سوكسە، ...
-
تۋعان جەرگە دەگەن سۇيىسپەنشىلىك تۋعان ەلگە — قازاقستانعا دەگەن پاتريوتتىق سەزىمگە ۇلاسادى. ن.ءا. نازاربايەۆ
