InfoHub Logo

جەلتوقسان ايىنىڭ جەتىنشى جۇلدىزىندا «جىل ۆولونتەرى» حالىقارالىق كونفەرەنسياسى ءوتتى. وندا ۆولونتەر جىلىنىڭ قورىتىندىسى شىعارىلدى. كونفەرەنسيا ەكى ءبولىم بويىنشا جۇزەگە اسىرىلدى.

ءبىرىنشى بولىمدە ق ر اقپارات جانە قوعامدىق دامۋ مينيسترلىگىنىڭ قاتىسۋىمەن پلەنارلىق وتىرىس بولدى. 

ەكىنشى بولىمدە: 

• COVID- 19 بويىنشا حالىقارالىق تاجىريبە؛ 

• ۆولونتەرلىك سالاسىنداعى IT تەحنولوگيالار (سايتتار، ءموبيلدى قوسىمشالار جانە ت.ب.)؛ 

• ۆولونتەرلىك قىزمەت تۋرالى زاڭ جانە ۆولونتەرلىكتى قولداۋ ستاندارتتارى؛ 

• ۆولونتەرلەردىڭ مەملەكەتتىك، قوعامدىق، بيزنەس قۇرىلىمدارىمەن ءوزارا ءىس- قيمىلى؛ 

تاقىرىپتارى تالقىعا سالىنىپ، وزىق تاجىريبەلەر ءسوز بولدى. وسىلايشا ەلىمىزدەگى ءتۇرلى ۆولونتەرلىك ۇيىمدار وزدەرىنىڭ جىلدىق جۇمىستارىنىڭ ناتيجەلەرىمەن ءبولىستى. ايتا كەتەتىنى، بيىلعى دۇنيەجۇزىندەگى پاندەميا كەزىندە ونلاين مەديا- ۆولونتەرلەر سانى كوبەيدى. ولار ءتۇرلى الەۋمەتتىك جەلىدە، سايتتاردا ءوز جۇمىستارىن جاسادى. 

"ۆولونتەرلىك – ءپاتريوتيزمنىڭ ءبىر كورىنىسى. ەرىكتىلەر، ەڭ الدىمەن، ەلدىڭ يگىلىگىنە قىزمەت ەتەدى. ولاردىڭ جۇمىسى ازاماتتىق قوعامدى ودان ءارى دامىتۋعا مۇمكىندىك بەرەدى. ۆولونتەرلىك دەگەنىمىز – «ءبىر جەڭنەن قول، ءبىر جاعادان باس شىعارىپ» ارەكەت ەتۋ. ەرىكتىلىك – حالقىمىزدىڭ شىنايى بولمىسى. بۇل باستاما ۇلتتى ۇيىستىرىپ، مەملەكەتتىلىكتى نىعايتۋ ءۇشىن قاجەت. ۇلى ابايدىڭ «قارەكەت قىل، پايداسى كوپكە ءتيسىن» دەگەن ۇلاعاتتى ءسوزى وسىنداي يگى ىستەرگە ۇندەيدى. 

سوندىقتان، ءبىز ۆولونتەرلىكتى كەڭىنەن دارىپتەۋىمىز كەرەك. بەرەكە-بىرلىگىمىزدى ارتتىراتىن شارالارعا ءبىر ەل، تۇتاس ۇلت بولىپ اتسالىسۋىمىز قاجەت." دەپ مەملەكەت باسشىسى قاسىم-جومارت توقايەۆ ايتپاقشى، راسىمەندە ەرىكتىلىك ەرىككەندىك ەمەس، ەرلىك ءىس. ەندەشە سول ەرلىك ىستەردى جۇمىلا اتقارايىق!

تالونوۆا اسەم بەرىك قىزى

بقو، اقجايىق اۋدانى، قۋرايلىساي اۋىلى

"تالاپ مبك" 11 سىنىپ وقۋشىسى

---