ەرتەڭگىلىك ءبىز – تاۋەلسىز ەل ۇلانىمىز

سوڭعى جاڭارتۋ

(وزگەرتىلگەن ۋاقىتى 1 كۇن بۇرىن)

05 ناۋ. 2024 04:09
204

ەرتەڭگىلىك ءبىز – تاۋەلسىز ەل ۇلانىمىز

ەرتەڭگىلىك ءبىز – تاۋەلسىز ەل ۇلانىمىز
ماقساتى: ەلدىگىمىزدىڭ بەلگىسى بولىپ سانالاتىن - ۇلتتىق نىشاندار ەلتاڭبا، تۋ، ءانۇراندى، قادىرلەپ، قاستەرلەۋگە تاربيەلەۋ.
تاۋەلسىز ەلىمىزدىڭ بولاشاعى - جاس ۇرپاقتاردىڭ بويىنا وتانعا دەگەن سۇيىسپەنشىلىكتەرىن ارتتىرىپ، تۋعان جەرى مەن ەلىن سۇيۋگە تاربيەلەۋ.
جەلتوقسان قۇرباندارى ق. رىسقۇلبەكوۆ، ل. اسانوۆا، س. مۇحامەدجانوۆا تۋرالى تۇسىنىكتەرىن كەڭەيتۋ.
زال ىشىنە مارش ەكپىنىمەن «كوك تۋدىڭ جەلبىرەگەنى» انىمەن جالاۋ ۇستاعان بالالار كىرەدى.

ءمۇعالىم: قۇرمەتتى قوناقتار، اتا - انالار جانە بالالار!
بۇگىنگى سالتاناتتى مەرەكە - ەگەمەندى ەلىمىزدىڭ تاۋەلسىزدىك العان كۇنى قۇتتى بولسىن.
بۇل كۇنى قازاقستان ءوزىن تاۋەلسىز مەملەكەت دەپ جاريالادى. جاڭا ءداۋىر 1991جىلدىڭ 16 - جەلتوقسانىنان باستالادى. ەلىمىز وسى كۇنگە جەتۋ ءۇشىن قانشاما قيىنشىلىقتى باستان كەشىردى. بولاشاقتىڭ تىرەگى مىنا بۇگىنگى بۇلدىرشىندەر.
ءسابي كۇلكىسى مەن مەيىرىمنىڭ ءسانى ەشقاشان بۇزىلماسىن!

ءمۇعالىم: تاۋەلسىزدىك كۇنىنە ارنالعان ەرتەڭگىلىگىمىزدى بۇلدىرشىندەرىمىزدىڭ ورىنداۋىنداعى انۇرانمەن اشامىز.
ءانۇران. حورمەن
التىن كۇن اسپانى
التىن ءدان دالاسى
ەرلىكتىڭ داستانى
ەلىمە قاراشى
ەجەلدەن ەر دەگەن
داڭقىمىز شىقتى عوي
نامىسىن بەرمەگەن
قازاعىم مىقتى عوي.
ق - سى.
مەنىڭ ەلىم، مەنىڭ ەلىم،
گۇلىڭ بولىپ ەگىلەمىن.
جىرىڭ بولىپ توگىلەمىن، ەلىم،
تۋعان جەرىم مەنىڭ، قازاقستانىم.

ديلناز
ون التىنشى جەلتوقسان،
ەل مەرەيى تاسىعان.
قازاق دەگەن قالىڭ جۇرت،
ءبارىن كەشتى باسىنان

تابىسقانوۆا كوركەم
ون التىنشى جەلتوقسان،
تاۋەلسىزدىك العان كۇن
ەرەكشە بوپ ماڭگىلىك،
ەل جادىندا قالعان كۇن

كەربەز
تاۋەلسىزدىك - ۇرانىم،
تاۋەلسىزدىك - جىر - ءانىم.
ىنتىماعى ەلىمنىڭ،
تاڭىرىمنەن سۇرادىم.

حاديدجە
تاۋەلسىزدىك - تىلەگىم،
تاۋەلسىزدىك - تىرەگىم.
ەرتەڭى دەپ ەلىمنىڭ،
دۇرسىلدەيدى جۇرەگىم.

كۇتپەگەن ءسات:
بىلىمگەر:
سالەمەتسىڭدەر مە، بالالار!
تاربيەشى:
سالەمەتسىڭ بە.
بىلىمگەر:
بالالار، بۇگىن قانداي مەرەكە؟ (تاۋەلسىزدىك كۇنى)
دۇرىس ايتاسىڭدار.
مىنە، مەن سول مەرەكە بولعان سوڭ، بالالاردىڭ ءوز وتانى تۋرالى نە بىلەدى ەكەن سونى بىلەيىن دەپ جولعا شىققانمىن. سەندەرگە دەيىن دە بىرنەشە بالاباقشاعا كىردىم. ەندى، مىنە سەندەرگە كەلدىم. مەن تەك سەندەردىڭ بىلىمدەرىڭدى تەكسەرۋ ءۇشىن عانا ەمەس، بىلىمدەرىڭە ءبىلىم قوسايىن دەپ كەلدىم. وزدەرىڭنىڭ تۋعان قالالارىڭدا ورنالاسقان ەسكەرتكىشتەر مەن كوركەم جەرلەرى تۋرالى سەندەرمەن اڭگىمە وتكىزەيىن دەپ كەلدىم.
تۋعان جەر تۋرالى اڭگىمە وتكىزبەس بۇرىن، مەنىڭ سەندەرگە دايىنداپ كەلگەن تاپسىرمالارىمدى قارايىق.
بالالار، سەندەر مەنىڭ دايىنداعان تاپسىرمامدى ورىندايسىڭدار ما؟
ەندەشە مۇقيات بولايىق.

1. قانداي ماقال - ماتەل بىلەسىڭدەر؟ ولاي بولسا مەن باسىن باستايمىن ال سەندەر بەلسەندىلىك تانىتىپ ارى قاراي جالعاستىراسىڭدار.

1. وتانسىز ادام، بۇلبۇلسىز ورمان.
2. وتان - وتتان دا ىستىق.
3. وتان ءۇشىن وتقا ءتۇس، كۇيمەيسىڭ.
4. جاقسىدان ۇيرەن، جاماننان جيرەن.
5. ەڭبەك ەتسەڭ ەرىنبەي، تويادى قارنىڭ تىلەنبەي.
6. جالقاۋدىڭ جانى ءتاتتى، ەڭبەكتىڭ نانى ءتاتتى.

2. تۋعان جانە تۇرىپ جاتقان قالالارىڭ قالاي اتالادى؟
زايسان قالاسى

جاقسى بالالار، ەندى تۋعان قالامىز زايساننىڭ كورىكتى جەرلەرى مەن ەسكەرتكىشتەرى تۋرالى اڭگىمە جۇرگىزەيىن. مۇقيات تىڭداڭدار.
سلايد كورسەتۋ:
اۋداندىق اكىمشىلىك. بايتەرەك. تاۋەلسىزدىك مونۋمەنتى. ماڭگىلىك الاۋ.. اۋعان سوعىسىنىڭ ارداگەرلەرىنە ارنالعان ەسكەرتكىش. زايسان قالاسىندا تاۋەلسىزدىك ءۇشىن قۇربان بولعان باتىر اعالارىڭ قايرات رىسقۇلبەكوۆتىڭ ەسكەرتكىشى.(قۇربان بولعانداردىڭ سۋرەتتەرىمەن ءومىر باياندارىمەن تانىستىرۋ) جەلتوقسان دەگەن كوشەگە ات بەرىلدى.

قايراتتاي قايسار ۇلدارىڭ،
جانىمەن كەلگەن ەركىندىك.
سابيرا مەن ءلاززاتتىڭ،
ارىمەن كەلگەن ەركىندىك.

جەلتوقسان - زامان تولعاعى بايتاق دالانىڭ،
شارپىعان ءساتى ءۇمىت پەن كۇدىك قالانىڭ.
جەلتوقسان – قايرات، ءلاززات، ءسابيرا.
قۇربانى بولعان جالانىڭ.

تاربيەشى: بىلىمگەر، سەن ءبىزدىڭ بالالاردىڭ قانداي ءبىلىمدى ەكەنىن كوردىڭ. وزدەرىنىڭ تۋعان جەرىنىڭ كەرەمەت جەرلەرى تۋرالى دا ءبىلىم قوستىڭ. كوپ راحمەت ساعان.
ەندى بالالاردىڭ ونەرىن تاماشالاۋعا قالاي قارايسىڭ. بىزبەن بىرگە ەرتەڭگىلىكتى بىرگە وتكىزۋگە كەلىسەسىڭ بە؟
بىلىمگەر: جارايدى. ەندەشە وسىندا قالىپ بالالاردىڭ ونەرىن تاماشالايىن.

بي «ساربازدار» (د. اليحان، ءاشىم، ايسەرى، ۇلان، ءالينۇر، اقتورە)

تاۋەلسىز ەلدىڭ ۇلانى ءوز شىعارماشىلىعىنان ولەن قاجىمۇرات كوركەم سلايد كورسەتۋ

بي «قازاق جىگىتتەرى» (ەرزات، ىلەس، ەركەبۋلان، اليحان، ەرسۇلتان، ءامىر، ارسەن، سۇلتانبەك، راحمان)

ءمۇعالىم
بالالار ءبىزدىڭ ەلباسىمىز كىم؟
نۇرسۇلتان ءابىش ۇلى نازاربايەۆ. تاۋەلسىزدىكتىڭ سىن ساعاتتارىندا نار جۇگىن مويىماي كوتەرەتىن قاجىرلى قايراتكەر، دانا ساياساتكەر رەتىندە ەلىمىزدى سەنىممەن العا باستادى. ەلباسىنىڭ سىڭدارلى ساياساتىمەن قازاقستانىمىز الەمگە تانىلدى. 1جەلتوقسان «تۇڭعىش پرەزيدەنت كۇنى» بولىپ بەلگىلەندى. ەلىمىزدىڭ باس قالاسى - استانا.
ءبىزدىڭ ەلىمىزدىڭ بەلگىسى بولىپ سانالاتىن - ۇلتتىق نىشاندارىمىزدى تۇمارداي تانىپ، قادىرلەپ قاستەرلەۋىمىز كەرەك.
ەلتاڭبا - كوگىلدىر ءتۇس اياسىندا شاڭىراق بەينەلەنگەن. شاڭىراقتى كۇن ساۋلەسىندەي اينالا ۋىقتار قورشايدى. اڭىز اڭگىمەلەردەگى پىراقتار قاناتتارى. باس جاعىندا جۇلدىز بار. ال استىڭعى جاعىندا «قازاقستان» دەگەن جازۋ بار.
تۋ - اشىق اسپان تۇستەس كوگىلدىر. ورتاسىندا شۇعىلالى التىن كۇن بار. كۇن استىندا قالىقتاپ ۇشقان قىران. كوك بايراعىمىزدىڭ سول جاعىندا تىك جولاققا قازاقي ويۋ - ورنەك سالىنعان. مىنە، بۇلار ەلىمىزدىڭ ۇلتتىق نىشاندارى.
سونىمەن بالالار قازاقستاننىڭ رامىزدەرىن بىلەمىز بە اتاپ جىبەرىڭدەرشى؟(ەلتاڭبا، ءانۇران، تۋ) ءاشىم
قازاقستان رەسپۋبليكاسى!
تۋىمەن تۇعىرلى، ەلتاڭباسىمەن ەلەۋلى، انۇرانىمەن ايباتتى.
مەدينا
ەلتاڭباسى - ەلىمنىڭ نەتكەن ءايبات، ادەمى
تۇنىعىنداي كوڭىلدىڭ ارتادى اسپان الەمى.
قۇت بەرەكە شاڭىراق ورىن العان ول توردەن
قاناتتى قۇس ارعىماق ەكى جاقتان كومكەرگەن
ەرتەڭگىلىك ءبىز – تاۋەلسىز ەل ۇلانىمىز جۇكتەۋ