سۋىق كۇندەردەگى سپورت
سۋىق كۇندەردە دە دالادا جۇگىرۋ، دەنە جاتتىعۋلارىن جاساۋ، ۆەلوسيپەد ايداۋ سەكىلدى جاتتىعۋلار دەنساۋلىقتى، يممۋنيتەتتى كوتەرەتىندىگى، دەپرەسسيانىڭ الدىن الاتىندىعى، سەرگەك جۇرۋگە سەپتىگىن تيگىزەتىنى ءسوزسىز. الايدا سۋىق كۇندەرى جاتتىعۋلاردىڭ دا وزىندىك ەرەجەلەرى بارىن ۇمىتپاۋ كەرەك:
● اۋا رايىنا سايكەسىنشە كيىنۋ، دەنەنىڭ شامادان تىس توڭۋىنا جول بەرمەۋ كەرەك. جۇقا، ءبىراق قابات-قابات كيىنۋ، ىلعال (تەر) جۇتاتىن، دەمالاتىن كيىم تاڭداعان ءجون.
● جاڭبىرلى نەمەسە قارلى جاعدايدا جاتتىعۋ جاساعاندا كەلەسى جاتتىعۋعا دەيىن اياقكيىمدەردى مىندەتتى تۇردە كەبۋىن قامتاماسىز ەتۋ كەرەك.
● تىزەلەر، قولدار، باس، مويىن جانە كەۋدە تۇستارىن سۋىقتان قورعاۋ كەرەك. زەرتتەۋلەردە دەنە جىلۋىنىڭ 30%تىك ۇلكەن ءبولىمى باس جاقتان جوعالاتىنى انىقتالعان. سوندىقتان باس كيىم كيۋدى نازاردان تىس قالدىرماۋ كەرەك.
● جاتتىعۋلاردى اقىرىن-اقىرىن باستاۋ كەرەك. ويتكەنى دەنەمىزدىڭ جاتتىعۋلار ءۇشىن قاجەتتى تەمپەراتۋراعا كەلۋ ۋاقىتى قىس ايلارىندا ۇزاقتاۋ بولادى.
● سۋىق اۋانىڭ تىنىس جولدارىن قابىندىرماۋى ءۇشىن مۇرىنمەن دەمالۋ كەرەك. مۇرىنمەن دەمالعاندا اۋا وكپەگە جەتكەنگە دەيىن جىلىنادى.
● سۋ ءىشۋ قاجەتتىلىگى سۋىق كۇندەردە از بولعانىمەن، ايتسە دە دەنەنىڭ سۋسىز قالۋ ىقتيمالدىعى بار. جاتتىعۋدى باستاۋدان ءبىرشاما ۋاقىت بۇرىن ءبىر ستاكان جىلى سۋ، جاتتىعۋدان كەيىن دە دەنە قىزۋى باسىلعان سوڭ ءبىر ستاكان جىلى سۋ ءىشۋ كەرەك. كۇن بويى 8-10 ستاكان سۋ ءىشۋدى ادەتكە اينالدىرۋ قاجەت.
● سۋىق كۇندەردە مۇمكىندىك بولسا، جاتتىعۋعا تۇسكى جانە تۇستەن كەيىنگى ۋاقىتتاردا شىققان جاقسى. بۇل ءارى سۇيەكتەرگە، ءارى يممۋنيتەتكە پايدالى بولعان د دارۋمەنىنىڭ قالىپتاسۋىنا پايدالى.
● قاتتى سۋىق كۇندەرى اسىرەسە -10 گرادۋستان تومەنگى كۇندەرى اشىق الاڭدارعا شىقپاعان ءجون.
● شارشاڭقى، ءالسىز جانە اۋىرىپ مازاسىزدانىپ تۇرعان كەزدەرى جاتتىعۋعا شىقپاعان ءجون. قىزۋ كوتەرىلىپ، ينفەكسيا جاعدايلارىندا جاتتىعۋلاردى شەگەرە تۇرعان دۇرىس.
وقۋعا كەڭەس بەرەمىز:
دين كارنازەس — شارشامايتىن جەلاياق
You Might Also Like
-
پاۆلودار وبلىسى ەرتىس اۋدانىندا «وقۋشىلاردىڭ ەسىمدەرى مەن تەكتەرىن لاتىن گرافيكاسىندا جازۋ» اكسياسى اياسىندا 5-6 سىنىپتا وقيتىن 200-گە جۋىق وقۋشى لاتىن گرافيكاسىندا سوزدىك ديكتانت جازدى....
-
جامبىل وبلىسىنىڭ شۋ اۋدانىندا ورتا مەكتەپ ديرەكتورى قىزمەتىن اسىرا پايدالانعانى ءۇشىن 1 جىلعا باس بوستاندىعىنان ايىرىلدى، دەپ اۋداندىق سوتتىڭ باسپا ءسوز قىزمەتى حابارلايدى.
