ەسىرتكىسىز ءومىر عاجايىپ
ادام ءۇشىن ەڭ قىمبات ۇعىم – ءومىر. ادام بالاسى ءوزىنىڭ سانالى عۇمىرىندا وسى ءومىردى باقىتتى وتكىزۋگە تىرىسادى. الدىنا ماقسات قويىپ، اسىل مۇراتتارىنىڭ ورىندالۋى ءۇشىن كۇرەسىپ باعادى. ءومىردىڭ عاجايىپ سىرلارىن اشىپ، ماحاببات الەمىنىڭ تۇڭعيىعىنا ۇڭىلەدى، ۇرپاعىنا ميراس بولارلىق ماڭگىلىك عۇمىردى جالعاستىرۋدى كوزدەيدى. ەگەر ءومىر وسىنشالىق قىمبات بولماسا، مۇنىڭ ءبارى بوس اۋرەشىلىك ەمەس پە؟
ءومىر – ءارقايسىمىز ءۇشىن وتە ماڭىزدى. ءبىز ەرجەتكەن سايىن اقىلدى بولا باستايمىز، ءبىراق ءبىر نارسەنى تۇسىنە المايمىز: ءومىردىڭ ءمانى نەدە؟ نەلىكتەن ءبىز دۇنيەگە كەلەمىز، ءومىر سۇرەمىز؟ مۇنىڭ ءبارى نە ءۇشىن؟ بۇل قانشالىقتى ماڭىزدى جانە ونى كىم باسقارادى؟ نەلىكتەن ءبىز ەڭ ماڭىزدى نارسەلەردى باسقارا المايمىز؟ مەنىڭ ويىمشا، ءومىردىڭ ءمانى-ودان ءلاززات الۋ. مەن بۇگىن، ءدال ءقازىر مىنا جارىق الەمدە ءومىر سۇرگەنىمە قۋانىشتىمىن. كۇن سايىن مەن ساۋلەسىن شاشقان نۇرلى كۇندى، شەگى جوق كوگىلدىر اسپاندى، قارا ءتۇندى جارىق قىلعان سامساعان جۇلدىزدى كورەمىن… مەن اقىلدى اداممىن، ءومىردىڭ ءبىر-اق رەت بەرىلەتىنىن، سوندىقتان ءومىردى باعالاۋ كەرەكتىگىن تۇسىنەمىن. مەنىڭ قورقىنىشپەن ءومىر سۇرگىم كەلمەيدى، اتا-انام باقىتتى بولعانىمدى كورگەنىن قالايمىن. دوستارىمنىڭ مەنى تەمەكى شەككەنىم نەمەسە ەسىرتكى قابىلداعانىم ءۇشىن ەمەس، جاعىمدى قىلىقتارىم ءۇشىن قۇرمەتتەگەنىن قالايمىن. مەن باقىتتى ءومىر سۇرەتىنىمە سەنىمدىمىن، ويتكەنى مەن ومىرىمە ءقاۋىپ توندىرەتىن ەسىرتكىگە «مەنىڭ ومىرىمدە ساعان ورىن جوق!» دەپ ايتا الامىن، ويتكەنى مەنى قولدايتىن قىمبات ادامدارىم قاسىمدا، ويتكەنى مەنى باقىتتى ەتەتىن بارلىق مۇمكىندىك بار. مەن ءوز تاعدىرىمدى ءوزىم جاسايمىن. ەشقانداي ەسىرتكى ءبىزدىڭ ءومىرىمىزدى جارقىن ەتپەيتىنىن، ول تەك ماقساتىڭا، ارمانىڭا جەتەر جولدى جاباتىنىن انىق تۇسىنەمىن.
تەك ءوزىمنىڭ عانا ەمەس، مەنىڭ جانىمداعى ادامداردىڭ دا ءومىرى ەسىرتكىگە تاۋەلدى بولعانىن قالامايمىن. ەسىرتكىنىڭ ادام ومىرىنە زيانىن مەن سەكىلدى جاسوسپىرىمدەر تۇسىنسە ەكەن، اتا-بابام قاسىق قانىن توگىپ سىيلاعان بەيبىت زاماننىڭ تەك ساۋلەلى جاقتارىن عانا قابىلداسا ەكەن دەيمىن. مەيىرىم، ماحاببات، سەنىم سەكىلدى ماڭگىلىك قۇندىلىقتاردى عانا بويىنا سىڭىرسە ەكەن دەيمىن. مەنىڭ جۇدىرىقتاي جۇرەگىم «ەسىرتكىگە قارسىلىعىمدى» ءوسىبىر سوزدەر ارقىلى عانا بىلدىرە الادى.
قورقىت بابامداي ابىزدىڭ، ابىلاي حانداي كورەگەن كوسەمنىڭ، باۋىرجان اتامداي باتىردىڭ ۇرپاعى – ءبىزدىڭ ەسىرتكىنىڭ ق ۇلى بولۋعا قۇقىمىز جوق! مەن بولاشاعىما قورقىنىشسىز قاراعىم كەلەدى، قورقىنىشسىز الەمدە ءومىر سۇرگىم كەلەدى. مەنىڭ تىلەگىم – بۇگىنگى ۇرپاق اتا- بابامىزدان بەرىلگەن ۇلتتىق تاربيەگە قانىعىپ وسسە ەكەن دەپ تىلەيمىن. ءومىر قانداي عاجاپ!
گۇلىم سەرىكوۆا
№277 مەكتەپ-ليسەيى
قىزىلوردا وبلىسى
قارماقشى اۋدانى بايقوڭىر قالاسى
You Might Also Like
-
جاقسىلىقتىڭ نىشانىنداي، جانىڭ سۇيگەن ادامنىڭ جىپ-جىلى قۇشاعىنداي، ساف التىنداي تازالىعى مەن سۇلۋلىعىن بەرەتىن، جايما شۋاق ساۋلەلەرىن توگەتىن، كوڭىلدەرگە قۋانىشتار ەگەتىن، يماندىلىق پەن پاك قىزداردى...
-
ەلسانا باعدارلاماسىنىڭ "بابالار ءۇنى" اقىلداستارىنىڭ باس قوسۋىندا "اباي الەمىنە ساياحات" تاقىرىبىمەن وتكەن پىكىر الماسۋ، وي تۇيىندەرى كوپشىلىكتىڭ كوڭىلىنەن شىققانى جاسىرىن ەمەس. ا...
