تىكەلەي ەفيردەگى اڭگىمە...
ەلسانا باعدارلاماسىنىڭ "بابالار ءۇنى" اقىلداستارىنىڭ باس قوسۋىندا "اباي الەمىنە ساياحات" تاقىرىبىمەن وتكەن پىكىر الماسۋ، وي تۇيىندەرى كوپشىلىكتىڭ كوڭىلىنەن شىققانى جاسىرىن ەمەس. اباي ولەڭىن بالا كۇننەن مەكتەپتە جاتتاپ وتكەن، جيىرما ءبىرىنشى عاسىرعا ءومىر ورنەگىن اۋدارىپ جەتكەن اقساقالدارىمىزدىڭ اباي ەڭبەكتەرىن ءومىر بويى رۋحاني ازىق قىلىپ كەلە جاتىرعانىنىڭ كۋاسى بولدىق. ەندەشە، قازىرگى ۇرپاعىمىز دا ۇلى ابايدى وقۋ قاجەت ەكەن... وقىعاننان كەيىن ويلانۋ، ويلانىپ بارىپ ويىڭدى جاريا ەتۋ كەرەكتىگىنە كوز جەتكىزدىك. "ەلسانا" رۋحانيات-پاتريوتتىق قاۋىمداستىعىنىڭ اقىلداستارى، "بابالار ءۇنى" اقىلداستار القاسىنىڭ جەتەكشىسى باقتىبەك جۇباندىق ۇلى تاۋبايەۆ، بالىقشى ايماقتىق ارداگەرلەر القاسىنىڭ ءتوراعاسى قامزا عابدوللا، "عاسىرلار سىرى" الاڭىنىڭ جەتەكشىسى سەرىك جۇبان ۇلى ساپانوۆ جانە وڭايباي كوشەكوۆ اتىنداعى اگرارلى-تەحنيكالىق كوللەدجىنىڭ اعا وقىتۋشىسى ايعانىم قۇرەس قىزى نۇعماروۆا قاتىستى. اباي ويىن، اباي تۇسىنىگىن بويعا سىڭىرگەن كىسىگە تەك قانا ءوز جۇرتى ەمەس، ادام بالاسىنىڭ ءبارى باۋىرعا اينالا باستاماق، اللاعا دەگەن شىنايى سەزىم جۇرەككە ەنبەك دەگەن ويلارىمەن ءبولىستى. ابايدىڭ ۇلىلىعىنا سەنگەندەر قازاق حالقىنىڭ ۇلىلىعىنا سەنە الادى.اباي سوزدەرىنىڭ نارىنە تامسانعاندار قازاق حالقىنىڭ دانىشپاندىلىعى مەن ويلىلىعىنا، قازاق ءتىلىنىڭ كۇشى مەن قۇدىرەتىنە سەنە باستايدى، اباي تۋرالى تاقىرىپ ءالى دە جالعاسىن تابادى دەگەن سەنىمدەمىز.
You Might Also Like
-
ادام ءۇشىن ەڭ قىمبات ۇعىم – ءومىر. ادام بالاسى ءوزىنىڭ سانالى عۇمىرىندا وسى ءومىردى باقىتتى وتكىزۋگە تىرىسادى. الدىنا ماقسات قويىپ، اسىل مۇراتتارىنىڭ ورىندالۋى ءۇشىن كۇرەسىپ باعادى. ءومىردىڭ عاجايى...
-
يۋ.گاگارين ورتا مەكتەبىندە ا.بايتۇرسىنوۆتىڭ 150 جىلدىق مەرەي تويىن نەگىزگە الا وتىرىپ، " ۇلتىنا عۇمىرىن ارناعان ۇلى تۇلعا"تاقىرىبىندا قازاق ءتىلى مەن ادەبيەتى اپتالىعى جوسپارلانىپ، ءتۇرلى شا...
