پىشتاناي باتىردىڭ جەزتىرناقپەن ايقاسى تۋرالى ەستىدىڭىز بە؟
پىشتاناي باتىردىڭ ەسىمى اتالعاندا ەڭ ءبىرىنشى ويعا ورالاتىنى – جەزتىرناق. ەل اۋزىندا ساقتالعان اڭىزعا سايكەس، «اڭىراقاي شايقاسى» جەڭىسپەن اياقتالعان سوڭ پىشتاناي باتىر ەلگە جالعىز قايتىپ كەلە جاتادى. جولدا اڭ اتىپ، قالىڭ ورماننىڭ شەتىندە اڭنىڭ ەتىن وتقا قاقتاپ وتىرادى. وسى كەزدە ورمان جاقتان دەنەلى ۇلكەن كىسى ءۇن-تۇنسىز وت باسىندا وتىرعان پىشتاناي باتىرعا قاراما-قارسى كەلىپ وتىرادى. وتقا قاقتالىپ، پىسكەن ەتتى باتىر الگى كىسىگە ۇسىنادى. قارا قويدىڭ تەرىسىنەن تىگىلگەن توندى اينالدىرىپ كيگەن الگى ادام ەتتى الماي، باسىن شايقايدى. كوپ ايالداماي، ورنىنان تۇرىپ، كەلگەن جاعىنا كەتىپ قالادى. پىشتاناي بۇل كىسىنىڭ جەزتىرناق ەكەنىن بىلگەن ەكەن. سەبەبى، ول باتىر ۇسىنعان ەتتى قولىمەن المادى، ساۋساقتارىن كورسەتكىسى كەلمەدى. ءۇن-تۇنسىز كەتىپ قالادى. جەزتىرناق كوزدەن كەتكەن سوڭ پىشتاناي قورعانۋدىڭ امالىنا كىرىسەدى. ۇلكەن توماردى الىپ، ونىڭ ۇستىنە سىرت كيىمىن جابادى، باس جاعىنا باس كيىمىن كيگىزەدى. ال ءوزى وق جەتەتىن جەردەگى ءبىر اعاشتىڭ تاساسىنا تىعىلادى. ءتۇن ورتاسى بولعاندا باعاناعى ءداۋ كەلىپ، توماردى قاپسىرا قۇشاقتاپ، قوس قولىمەن ءبۇرىپ، تىرناعىن باتىرادى. وسى كەزدە اڭدىپ وتىرعان پىشتاناي جەزتىرناقتى اتىپ ولتىرەدى دە، قوس قولىن كەسىپ الادى. سول تىرناق بۇگىندە ۇرپاقتارىنىڭ قولىندا ساقتاۋلى. باتىر مۇراسىن زەرتتەپ جۇرگەن جانداردىڭ ءبىرى يبرايمبەك تولەگەن ۇلىنىڭ ايتۋىنشا بۇگىندە ساقتاۋلى جەزتىرناقتىڭ ءبىر تىرناعىنان بولەك باسقا دا تىرناقتارى ەل اراسىندا بولۋى مۇمكىن دەيدى.
«كوپتەگەن تاريحي دەرەكتەر مەن اڭىز-اڭگىمەلەردە بابامىزدىڭ جەزتىرناقپەن ايقاسى تۋرالى ايتىلادى. بۇل ارينە شىندىق بولۋى دا مۇمكىن. دەسە دە ينتەرنەت ماتەريالدارىن قاراپ وتىرىپ، جەزتىرناققا ۇقساس ماقۇلۇقتاردىڭ باسقا قاۋىم، تايپالاردا دا بولعانىن ەستيمىن. مۇمكىن بۇل ەرتەدەگى جابايى ادامدار ما دەپ تە ويلايمىن،- دەيدى.
You Might Also Like
-
مۇعالىمدىك – ىزگىلىككە قۇرىلعان ينتەللەكتۋال ماماندىق. ەلىمىزدىڭ كەلەشەگىنىڭ كەمەل بولۋى ءبىلىمدى دە ىسكەر ادامداردىڭ باسەكەگە قابىلەتتىلىگىنە تىكەلەي بايلانىستى. قارىمدى قابىلەتكە يە جا...
