InfoHub Logo

جاعالبايلى ەلىنىڭ سۇلتانى بولعان دەربىسالى بەركىنباي پاتشادان شەن الىپ، سۇلتاندىق (ءحىح عاسىردىڭ اياعىندا) لاۋازىم الىپ كەلگەن سوڭ، قاقپادان كىسى كىرگىزبەيتىن ادەت شىعارىپ، كۇزەتشى سولدات قويىپتى.

قاشان ءتۇس بولىپ، دەربىسالىنىڭ ۇيقىسى قانىپ، كىسى قابىلدايتىن كەزىن كۇتىپ، جۇرت سارىلاتىن بولىپتى. وسىنى ەسىتكەن ەسماعامبەت ءبىر كۇنى دەربىسالىنىڭ اۋلىنا ادەيى ەرتە كەلەدى.

سولداتتار كىرگىزبەيدى، ول كىرمەكشى بولادى. باعىنباعان سوڭ، سولداتتار مىلتىق اتىپ، قورقىتپاق بولادى. مىلتىق داۋسى شىققان كەزدە:

— ويباي، ءولدىم، وق ءتيدى، — دەپ ايقايلاعان كۇيى، قاقپاعا كىرىپ كەتەدى.

— كۇزەتشىلەرىڭ بىرەۋدى اتىپ الدى بىلەم، — دەپ دەربىسالىنى وياتادى.

دەربىسالى دالاعا شىقسا، قاقپا ىشىندە شانادان ءتۇسىپ جاتىر ەكەن.

— اتىلىپ قالعان كىم ەكەن دەسەم، سەن ەكەنسىڭ عوي، وق سەنىڭ ولەتىن جەرىڭنەن تيگەن شىعار؟ — دەپ كۇلەدى وزىمەن امانداسىپ تۇرعان ەسماعامبەتكە.

ەسماعامبەت ۇيگە كىرۋگە ىڭعايلانعان كەزدە:

— وسى تۇرعان كۇيىڭشە، ويلانباستان ءبىر اۋىز ولەڭ ايتپاساڭ، ۇيگە كىرمەيسىڭ، — دەيدى دەربىسالى.

سوندا ەسماعامبەت ويلانباستان:

— بالاسى بەرەكەمنىڭ بولدىڭ دۇردەن،
قىستادىڭ ولەڭ ايت دەپ ۇيگە كىرمەي.
ايساداي اسپانعا ۇشسام، ءسوز سەنىكى،
جەردە ولسەڭ، سەن دە بىردەي، مەن دە بىردەي، — دەپتى.

---