InfoHub Logo

جاعالبايلى وتارباي قاجى قوندىبايەۆ سوڭعى كەزدە بيداي ساۋداسىنىڭ قىزىعىنا ءتۇسىپ، كەلگەن قوناقپەن ءىسى بولمايدى ەكەن. قوناق مەيمانحانادا وتىرا بەرەدى دە، بايدىڭ ءوزى دالادا بىرەۋدەن بيداي الىپ، بىرەۋگە بيداي ساتىپ، ساپىرىلىسىپ جاتاتىن ادەت شىعارىپتى. بۇل ادەت ەلگە ەرسى كورىنە باستايدى.

ءبىر كۇنى ەسماعامبەت كەلىپ قونسا، وتارباي ءوزىنىڭ ەسكى ادەتىن ىستەپ، دالادا سابىلىپ جۇرەدى.

— ماعان سارايدان تاڭداپ ءۇش بيداي اكەپ بەر. بىرىنەن ءبىرى ۇلكەن بولسىن، — دەيدى بايدىڭ ءىنىسى سەيىتجانعا ەسماعامبەت.

سەيىتجان ايتقانىنداي ءۇش بيداي اكەپ بەرەدى. تاماق پىسكەن كەزدە وتارباي ۇيگە كەلەدى. سول كەزدە ەسماعامبەت:

— اتاڭا راحمەت، اق بيداي، ادام اتانى بەيىشتەن شىعاردىڭ! — دەپ ءتوس قالتاسىنا سالادى.

— سپاسيبا، قوباڭ بيداي، جامانشالوۆتى تۇرمەگە جاپتىردىڭ! — دەپ ونى ەكىنشى جاق ءتوس قالتاسىنا سالادى.

— قاسيەتىڭدى .... قىزىل بيداي، وتاربايدى ءالى كۇنگە ۇيىندە وتىرعىزىپ قويدىڭ، — دەپ ءۇش بيدايدى سوگىپ لاقتىرىپ جىبەرەدى.

وسىدان كەيىن وتارباي ۇيالىپ، ءوز ادەتىن تۇزەتىپتى.

 

---